Piilimka 4 - WEN GBAŊKA

¹ Adam yaa goa ale wa powa Iiv ate wa yik lɔgi a biak Keen. Iiv yaa weeni ayen Naawen maarika nyiŋ wa biak ka nidoa.

² Ku ŋaaŋnyiŋ wa yaa biak Keen yoawa Abel. Abel a jam a wuuk ka piisa alege Keen a kpa.

³ Ku yaa jam paari diipo ate Keen yaa ta wa kpanni ŋanta gela jam ayen wa te Naawen.

⁴ Abel mɛ ko wa pai ŋaai ate wa piisaŋa a liŋ biak la a yaa ta kab tii ale ta kpaam la jam ayen wa te Naawen. Naawen yaa tuesi Abel tiirimu

⁵ alege zɛri Keen tiirimu. Dila nyiŋ Keen sui yaa puuri ale kaasi nina.

⁶ Naawen yaa bek Keen ayen, <

⁷ Fi dan nye dii ale magsi la, m ti a siak kama, alege fi dan kan nye dii ale magsi la, be seba ale biem ale a yaali ayen bu jo fu. Bu a yaali ayen bu nya ka pagrim fi zuk, alege ku a fɛ ate fi nya pagrim biem zuk.>>

⁸ Keen yaa weeni wa yoawa Abel ayen, te ti nyini a cheŋ peelim. Ba ale cheŋ la Keen yaa nak wa yoawa Abel a ko.

⁹ Naawen a yaa bek Keen ayen, <> Keen yaa tulisi ayen, <>

¹⁰ Naawen yaa weeni ayen, <

¹¹ Yɔgyɔgla de mi ka te tɛŋka kama. Tɛŋka abe tuesi fi yoawa ziimu kama.

¹² Fi dan kpa fi kan nya jaaboa. Fi le kasim a nyiem tɛŋka meena, fi kan nya jigi a vuusi.>>

¹³ Keen yaa weeni Naawen ayen, <

¹⁴ Jinla fi yiak mu a basi kama, fi be kan bo ale mu. M le kasim a nyiem ka tɛŋka meena a ka jigiya a vuusi. Waai a dan nya mu wa a ko mu kama.>>

¹⁵ Alege Naawen yaa weeni wa ayen, <> Naawen yaa dueni daana wa nyiŋ ate waai a dan nya wa abe wa kan ko wa.

¹⁶ Keen yaa basi Naawen ale cheŋ ga bo Nod tɛŋka. Nod a bo ka Eden kori geŋ.

¹⁷ Keen yaa goa ale wa powa ate wa yik lɔgi a biak Ɛnok. Dila po Keen jam a sɛ ka tɛŋ kpieŋ ate wa yaa pai wa nidoabinni yuenni a te tɛŋka a wi ayen Ɛnok.

¹⁸ Ɛnok yaa jam biak Irad, ate Irad a biak Meyujael, ate Meyujael a biak Metusael, ate Metusael a biak Lamek.

¹⁹ Lamek jam faari ka nipooba baye. Wanyi yuei jam le Ada, m wala yuei jam le Zilla.

²⁰ Ada jam biak ka Jabal. Jabal jam ka baai ale jam a wuuk duŋsa ale a goa viita po la ko.

²¹ Wa yua yuei jam le Jubal. Jubal jam ka baai ale a yaali kpanta nakka ale paampuuŋta peeka la ko.

²² Zilla mɛ a jam biak ka nidoabili a te wa yuei ayen, Tubal Keen. Tubal Keen a jam ka choabiik. Wa jam ta ka toa, wa yuei ale Naama.

²³ Lamek yaa jam weeni wa pooma Ada ale Zilla ayen ni wom dii ate m ta la. Nuru ale jam te mi tuem ate mi a ko wa. Wa jam diem ka bi paaluk ate mi ko wa, wa le te mi tuemu la.

²⁴ Keen a dan a nya tutuna naŋtuok nɔi buyopɔi, dan ka di Lamek le nya ka naŋtuok nɔi pisiyopɔi ale buyopɔi.

²⁵ Adam yaa ŋman goa ale wa powa ate wa biak nidoabili ate ba te wa yuei ayen Sɛti. Ba jam weeni kama ayen Wen ŋman te ba ka biik ate wa tagri Abel ate Keen ko la zuk.

²⁶ Sɛti mɛ a biak nidoabili a te wa yuei ayen Enos. Dila powa ate nuruba yaa jam piilim a puusi Naawen yuei.