Piilimka 39 - WEN GBAŊKA

¹ Yɔgyɔgla ba jam ta Josefi a cheŋ ka Ejipiti. Potifar Ejipiti denɔ waai ale jam ka Faaro nyaarɔma kpagi la a da wa a ta nyini Ismael demma waai ale ta wa a cheŋ dula la jigi.

² Naawen a jam bo ale Josefi ate wa jigsi, a bo wa Ejipiti kpagni yenni po.

³ Wa kpagni ale nya ayen Naawen a bo ale wa la, ate Naawen a te wa niaka wie meena po la,

⁴ Josefi yaa nya ŋmanteka wa nina po ate wa a nya wa yenni zuk. Potifar yaa basi ate wa a nya wa yenni meena zuk ale pai jaab meena ate wa ta la a nyo wa nisa po.

⁵ A nyini diipo ate wa basi ate wa a nya yenni meena ale jabuui meena ate wa soa la, Naawen yaa niak Ejipiti denɔwa yenni meena Josefi nyiŋ. Naawen niauŋku a jam bo jaab meena nyiŋ ate Potifar a soa la kama, yenni po ale laŋsaŋa po meena.

⁶ Dila wa yaa pai jaab meena ate wa soa la nyo Josefi nisa po, wa an jam a te wari a daani wa ka wa ŋandiintaŋa ate wa a dɛ la. Yɔgyɔgla Josefi nyiŋka a jam boka jigi yeŋ ale nala,

⁷ ku ale ga nye maga la wa kpagni powa nina yaa jam dua Josefi zuk ate wa weeni ayen <>

⁸ Alege wa jam zɛri ale weeni ayen, <

⁹ Waai a ka yenni de po a zuak a gaam mi. M kpagni an pai jaab a suk mi ka fi nyiini, dii nyiŋla fi ka wa pok. Mi tin nye ka sɛ a nye biemu de choa a tom kaasi Wen ya?>>

¹⁰ Wa poom kasim jam a biisi ale Josefi kama daa meena, wa jam a zɛri kama ayen wa kan duak tiak po ale wa yaase wa bo wa jigi ya.

¹¹ Dai yeŋ ate wa jɔ yenni po ayen wa tom wa tuimaŋa ate yenni yɔmma waai a jam karo.

¹² Wa yaa yik wa garukku a tara ale weeni wa ayen, <> Alege wa jam liisi wa garukku a basi wa nisa po ale yiti chali nyini yenni po.

¹³ Wa le nya ayen wa basi wa garukku wa nisa po alege a chali nyini yenni po la,

¹⁴ wa yaa wi wa yenni yɔmma ayen, <

¹⁵ Wa le wom ayen m kaari a yaali maarika la, wa yaa basi wa garukku m tɛŋ ale yiti chali nyini yenni po.>>

¹⁶ Wa yaa jam pai garukku a dueni ka wa tɛŋ ate wa kpagni a ga jam yeri.

¹⁷ Ate wa yaa weeni wa ayen, <

¹⁸ Alege mi ale ga kaari ayen ba maari mu la, wa yaa basi wa garukku a dueni m tɛŋ ale yiti chali nyini yenni de po.>>

¹⁹ Wa kpagni ale ga wom wari dii ate wa powa a weeni wa ayen, <> suipuurum yaa jam dɛ wa.

²⁰ Josefi kpagni yaa jam yik wa a lik juijui ate naawa a lik wa nuruma la. Alege Josefi ale jam bo likka dɔkku po la,

²¹ Naawen a jam bo ale wa kama. Ate wa sak nyemagsika ale te wa ŋmanteka waai ale a nya ligrɔma zuk la jigi.

²² Ate waai ale a nya ligrɔma zuk la yaa basi ate Josefi a nya dii meena ale a nye dula la zuk.

²³ Ligrɔma nyaarɔwa ale pai jaab meena a nyo Josefi nisa po la wari a kan jam a daani wa, dii nyiŋla Naawen a jam bo ale Josefi kama, ate wa a nya niaka dii meena ate wa nye la po.