Piilimka 36 - WEN GBAŊKA

¹ Iisɔ buuni ale nna, Edom ale la.

² Iisɔ jam faari wa pooma nyini ka Keenan nipooma po. Ba jam le Ada, Elon Yit denɔwa lie ale Oyolibama Anaya liewa wa jam ka Zibeon Yivi denɔwa ŋaaŋ.

³ Wanyi mɛ jam le Basemat, Ismael lie ale chim Nebaiot toa.

⁴ Ada yaa jam biak Elifaz a te Iisɔ, ate Basemat a yaa jam biak Areuel

⁵ ate Oyolibama a biak Jeus ale Jalam ale Koora. Iisɔ nidoabilisaŋa a jam le nna ate wa biak Keenan tɛŋka po.

⁶ Iisɔ yaa pai wa pooma ale wa nidoabilisaŋa ale wa liema ale duŋ yoŋsa meena ale wa kɔlima meena ate wa paari Keenan la, a yaa torisi cheŋ jigi yoŋ ale ge wa suoku Jekob.

⁷ Ba ŋantaŋa ate ba paari la a jam zuak ka yega ale ba ale bo ale chaab. Tɛŋ kaai ate ba jam boro la an jam baga a maari ba nɔi bayewa, ba wuuni ŋantaŋa nyiŋ.

⁸ Dila nyiŋ Iisɔ, Edom ale la a jam kali moata Seir ale bo guutaŋa la.

⁹ Iisɔ buuni ale nna. Wa jam ka Edom demma koa ale jam kali moata Seir guuku la.

¹⁰ Iisɔ nidoabilisaŋa yue ale nna. Elifaz Iisɔ powa Ada nidoabili ale Areuel Iisɔ powa Basemat nidoabili.

¹¹ Elifaz nidoabilisaŋa ale nna. Teman ale Omar ale Zefo ale Gatam ale Kenaz.

¹² Iisɔ nidoabinni Elifaz mɛ jam ta ka nɔŋ pokbili wa yuei le Timna ate wa biak Amalek te wa. Bade jam ka Iisɔ powa Ada ŋaaŋsa.

¹³ Areuel nidoabilisaŋa jam ale nna. Nayat ale Zera ale Sammaya ale Mizza. Bade jam ka Iisɔ powa Basemat ŋaaŋsa.

¹⁴ Iisɔ powa Oyolibama Anaya liewa a chim Zibeon ŋaaŋ la, ale jam biak nidoabili sii a te Iisɔ la ale nna. Jeus ale Jalam ale Koora.

¹⁵ Nalima ŋaai ale jam bo Iisɔ buuni po la ale nna. Iisɔ bikpagni Elifaz nidoabilisaŋa. Teman ale Omar ale Zefo ale Kenaz ale

¹⁶ Koora ale Gatam ale Amalek. Nalima ŋaai ale nyini Elifaz po a bo Edom la ale la. Ba jam ka Ada ŋaaŋsa.

¹⁷ Iisɔ nidoabinni Areuel nidoabilisaŋa ale nna. Nayat ale Zera ale Sammaya ale Mizza jam ka nalima a nyini Areuel po a bo Edom la. Ba jam ka Iisɔ powa Basemat ŋaaŋsa.

¹⁸ Iisɔ powa Oyolibama nidoabilisaŋa ale nna. Jeus ale Jalam ale Koora jam ka nalima a nyini Iisɔ powa Oyolibama waai ale ka Anaya lie la.

¹⁹ Iisɔ nidoabilisaŋa jam ale la. Ba nalimaŋa mɛ ale la.

²⁰ Yori denɔwa Seir nidoabilisaŋa jam le nna. Ba jam bo ka tɛŋka po. Ba le Lotan ale Sobal ale Zibeon ale Anaya ale

²¹ Dison ale Ezer ale Disan. Seir bisaŋa dɛ ale jam nyini Edom la jam ka Yori demma nalima.

²² Lotan nidoabilisaŋa jam le nna. Yori ale Yeman. Timna jam ka Lotan toa.

²³ Sobal nidoabilisaŋa jam le nna. Alvan ale Manahat ale Ebal ale Sefo ale Onam.

²⁴ Zibeon nidoabilisaŋa jam le nna. Aiaya ale Anaya. Anaya wa dɛ ale jam nya buli tuilisaŋa gɔnni po wa le jam a nya wa kowa Zibeon bonsaŋa zuk ate si a dɛ la.

²⁵ Anaya bisaŋa jam le nna. Dison ale Oyolibama Anaya liewa.

²⁶ Dison nidoabilisaŋa jam le nna. Yemdan ale Esban ale Itran ale Cheran.

²⁷ Ezer nidoabilisaŋa jam le nna. Bilyan ale Zaavan ale Akan.

²⁸ Disan nidoabilisaŋa jam le nna. Uz ale Aran.

²⁹ Yori demma nalimaŋa jam le nna. Lotan ale Sobal ale Zibeon ale Anaya ale

³⁰ Dison ale Ezer ale Disan. Yori demma nalimaŋa jam ale la a va chaab ale ba poori dii Seir tɛŋka po la.

³¹ Nalimaŋa de ale jam dɛ naam Edom alege ate Izirali naab a dɛ la ale nna.

³² Biio biika Bela ale jam chim Edom naab. Wa tɛŋka ba jam te ka yuei ka Dinyaba.

³³ Bela ale kpi la, Jobab waai ale ka Zera ko a nyini Bozra la ale dɛ naam.

³⁴ Jobab ale kpi la, Yusam ale nyini Teman demma tɛŋka la ale dɛ naam.

³⁵ Yusam ale kpi la, Bedad nidoabinni Yadad ate wa jam nak dɛ Midian tɛŋka ale bo Moab po la ale dɛ naamu. Wa tɛŋka ba jam te ka yuei ayen ka Avit.

³⁶ Yadad ale kpi la, Samla ale nyini Masreka la ale dɛ naamu.

³⁷ Samla ale kpi la, Sɛyaul ale nyini Areyobot ate ka bo Benni nɔi la ale dɛ naamu.

³⁸ Sɛyaul ale kpi la, Baal Yanan, Achbor nidoabinni ale dɛ naamu.

³⁹ Baal Yanan, Achbor nidoabinni ale kpi la, Yadar ale dɛ naamu. Wa tɛŋka ba jam te ka yuei ayen ka Pau. Wa powa yuei jam le Meyetabel. Wa jam ka Matred lie. Matred mɛ jam ka Mezayab lie.

⁴⁰ Nalima ŋaai ale jam nyini Iisɔ buuni po ale ba yue a va chaab ale ba diina ale ba tɛŋsa ale nna. Timna ale Alva ale Jetet ale

⁴¹ Oyolibama ale Elaya ale Pinon ale

⁴² Kenaz ale Teman ale Mibzar ale

⁴³ Magdiel ale Iram. Edom nalimaŋa ale la a va chaab ale ba ale kali dii tɛŋ kaai ate ba jam boro la. Wade jam ka Iisɔ Edom demma kowa.