Piilimka 34 - WEN GBAŊKA

¹ Yɔgyɔgla Daina, lie waai ate Leya a jam biak a te Jekob la, yaa jam nyini peelim a cheŋ tɛŋka nipooma jigi ayen wa puusi ba.

² Ayaamo biika Sikiim Yivi denɔwa, waai ale soa kauk kula a nya la, ale ga nya wa la, wa yaa yik wa, a fɛ goa ale wa.

³ Wa suinum yaa jam doa Jekob liewa Daina zuk, ate wa ta yaalika ale nipokbinni, ate wa biisi bi masik a te wa.

⁴ Ate Sikiim a yaa weeni wa kowa Ayaamo ayen, <>

⁵ Jekob ale ga wom ayen ba taŋ wa liewa la, ale wa bisaŋa a jam ta ka duŋsa a bo vaasaŋa po, ate wa yaa jam sina ate ba ga jam yeri.

⁶ Ate Ayaamo ale ka Sikiim ko la, yaa cheŋ ayen wa biisi ale Jekob.

⁷ Yɔgyɔgla Jekob bisaŋa ale ga nyini vaasaŋa po a jam la, ba yaa wom dii ale nye la. Ate ku yaa jam cha ba ate ba sue yaa jaa puuri, dii nyiŋla Sikiim a nye ka chivie wari Izirali po, wa ale goa ale Jekob liewa la, wa dii ale kan magsi ayen di nye.

⁸ Alege Ayaamo a jam weeni ba kama ayen, <

⁹ Ni te ate ti a faari chaab lieba. Ni pai ni liema a te ti, abe tama mɛ a pai ti liema a te ni.

¹⁰ Ni baga a kali ale ti kama. Tɛŋka ale la a lak doa te ni. Ni kali ka po, ni a nye geruŋ ka po, abe ni ta ŋanta ka po.

¹¹ Ate Sikiim yaa weeni Daina kowa ale wa tuama ayen, <

¹² Ni weeni dii ale magsi m tuni nipowa nyiŋla ale tiirim buui ale magsi m te la. Dii meena ate ni a weeni la ku dan poom zuak a soa dii ya, m le tuni ni. Nama dek a tin pai nipokbinni ate wa chim m pok.>>

¹³ Ba le taŋ ba toawa Daina la nyiŋ, Jekob bisaŋa a jam tulisi Ayaamo ale ka Sikiim ko la ale ka pimpaasima ase ba le a biisi ale wa.

¹⁴ Ba jam weeni wa kama ayen, <

¹⁵ Tama le pai ti ale a siak wa dii zuk la a dueni ni niŋ. Di be ka wa yeŋ dekki. Ase ni dan siak ayen ni gebi ni nidoama meena yoaŋa ate ni nye ase tama la.

¹⁶ Dila tɔgni, ti le pai ti liema a te, abe ti tuesi nama mɛ liema a tara. Ate ti le kali ale ni, ate ti chim nuru yeŋsa ale chaab.

¹⁷ Alege ni dan kan siak ayen ni gebi ni yoaŋa, ti le ta ti toawa a cheŋ.>>

¹⁸ Ba le jam weeni diila a jam nala kama a te Ayaamo ale wa biika Sikiim.

¹⁹ Duorɔwa, waai le ta zula a gaam ba meena wa ko yenni po la, an poom jam beni ale ba ale weeni wa diila. Dii nyiŋla wa jam ta suipeentik ale Jekob liewa kama.

²⁰ Ate Ayaamo ale wa biika a jam cheŋ tɛŋka nansuiŋku ayen ba biisi a sak tɛŋka nidoama.

²¹ Ba yaa weeni ayen, <

²² Alege nuruma ale siak a kali ale ti ase ka tama a nin nye ba le a weeni dii ayen, ti nidoama a gebi ba yoaŋa ase ba ale gebi diila.

²³ Ba le a wuuk ŋan baai la ale ba paaruŋku ale ba duŋsaŋa meena, a kan chim daa tama ŋanta? Dila nyiŋ ni te ti siak te ba, ate ba kali ale ti.>>

²⁴ Nidoama meena ale nyini nansuiŋku la a siak Ayaamo ale wa biika Sikiim ale weeni diila ate nidoama meena ale jam bo tɛŋka po la a jam gebi ba yoaŋa kama.

²⁵ Ba le gebi ba yoaŋa ate ku paari daa ŋata, ate ba niraŋa a dom la, ate Jekob bisa baye, ba jam ka Simeyon ale Livai, ale ka Daina toaba la, yaa jam pai gebik woŋsa, a ga yik tɛŋ kaai ale kan seba kpaliŋ nɔi po la nidoama a ko nidoama meena.

²⁶ Ba jam maa ko Ayaamo ale wa biika Sikiim alege yaa ta Daina a nyini Sikiim yenni po a cheŋ.

²⁷ Jekob bisaŋa yaa jam kpiema zuk a kɔlim ba ŋantaŋa, ale juijui ate ba taŋ ba toawa la.

²⁸ Ba jam choa ba piisa ale ba niiga ale ba bonsa ale ba ŋanta ale bo diina po ale peelim la kama.

²⁹ Ba jam kɔlim ba paaruŋku ale ba nipooba ale ba bisa meena ale ba yieŋa po ŋanta meena a jam ta cheŋ kama.

³⁰ Ate Jekob yaa weeni Simeyon ale Livai ayen, <>

³¹ Alege ba tulisi wa ayen, <>