Piilimka 32 - WEN GBAŊKA

¹ Jekob mɛ yaa lɔ wa suik po a cheŋ, ate Wen maarɔma yaa tu wa suik.

² Jekob ale ga nya ba la wa yaa weeni ayen, <> Ate wa te jigini yuei ayen Mayanaim.

³ Jekob yaa dɛ niŋ a tom nuruba ayen ba cheŋ ga nya wa suoku Iisɔ Seir tɛŋka, ale bo Edom tɛŋka po la.

⁴ Wa dak ba kama ayen ba weeni ayen. M kpagi Iisɔ. Fi tomteerɔwa Jekob ayen, M bo ale ka Laban a jam paari yɔgyɔgla de.

⁵ M ta ka niiga ale bonsa ale piisa ale bua ale nidoa tomteerɔba ale dɔklieba. Yɔgyɔgla, m be tom ka wari ayen ba jam weeni m nyɔnɔwa, ayen m le baga a nya ŋmanteka fi jigi ya.

⁶ Tintomdɔma de ale ŋman cheŋ Jekob jigi la, ba weeni wa kama ayen. Ti cheŋ fi suoku Iisɔ jigi kama ate wa cheena ale nuruba kobsinaansi ayen ba tu fu suik.

⁷ Jekob yaa jam yɔgsa ate wa kpaziim a nak ate dila nyiŋ wa lab nuruma ale jam va wa la beŋsa buye ale piisaŋa ale booŋa ale niiŋa ale laalaakomima meena beŋsa buye buye.

⁸ Wa jam poli kama ayen, <>

⁹ Ate Jekob yaa puusi ayen, <

¹⁰ Mi an magsi ayen fi sak fi ŋmanteka ale fi wensieŋa meena ale mi fi tomteerɔwa. Mi jam ta ka m dachekka nyiini m nisa po a lɔ Jodan benni a jueli, alege yɔgyɔgla m chim ka beŋsa siye.

¹¹ Mi a puusi kama ayen fi vari mu basi, diila m yɔgsa kama ale m suoku Iisɔ, wa zaan jam nye kpaliŋ ale mu ale m bisaŋa ale ba ma ma.

¹² Alege fi weeni kama ayen, >>

¹³ Wa bo ka dula yokku meena, ate wa le ta ŋan baai la, wa yaa yeeri ŋa po ate ku chim tiirim a ta cheŋ ga te wa suoku Iisɔ.

¹⁴ Ŋa jam ka, bu saari kobsiye ale budukta pisiye ale pa saari kobsiye ale padaasa pisiye

¹⁵ ale laalaakomi saari pisita ale ŋa bisa ale niiga pisinaansi ale lalisa pi ale bon saari pisiye ale bon doata pi.

¹⁶ Wa jam pai te ka wa tomteerɔma ayen ba a nya si zuk, yaa nye ate duŋsa meena a bo tɔgatɔga ate wa yaa weeni wa tomteerɔma ayen ba dɛ wa niŋ a cheŋ, abe ba basi ate vuuta a bo naapeerisaŋa ale duŋsaŋa suŋsuŋ.

¹⁷ Wa yaa weeni waai le dɛ niŋ la ayen, <

¹⁸ Fi yaa weeni wa ayen, >>

¹⁹ Wa ŋman weeni waai ale pai a saŋ buyewa la, ale waai ale a saari butawa, ale baai meena ale a vi duŋsaŋa ba beŋ beŋka la. Ate wa weeni ba ayen ni magsi ni weeni Iisɔ ka wa yeŋ ase nama nin tu wa suik.

²⁰ Abe ni seba ate ni weeni ayen, <> Diila wa poli kama ayen, <>

²¹ Dila nyiŋ Jekob tiiritaŋa a jam dɛ ka wa niŋ, alege yokku wadek a jam wari a bo viuku po.

²² Yok kula po ate wa yiti ale wa pooma bayewa ale wa dɔkliema bayewa ale wa bisa pi ale wanyiwa a lɔ Jabbok beli naŋka a jueli.

²³ Wa ale ta ba a lɔ beli naŋka a jueli nueri la, wa jam nya kama ate wa ŋantaŋa meena mɛ a lɔ juel.

²⁴ Ate ku yaa jam tali Jekob dek wa nyiini, ate nuru yaa jam a jɛ ale wa ate vanni a ga veenti.

²⁵ Nuruwa ale ga nya ayen wa an bag wa la, wa yaa tiri Jekob kɔsukku ate wa kɔsukku a choa diipo ate ba boro a jɛ la.

²⁶ Ate nuruwa yaa weeni wa ayen. <> Alege Jekob a tulisi wa ayen, <>

²⁷ Nuruwa yaa bek wa ayen, <> Wa yaa tulisi ayen, <>

²⁸ Nuruwa yaa ayen, <>

²⁹ Jekob yaa weeni wa ayen, <> Alege wa tulisi wa ayen, <> Ate wa yaa niak wa dula.

³⁰ Ate Jekob yaa te jigini yuei ayen. Peniel, a weeni ayen, <

³¹ Wenbinni yaa pusi jueli a bo wa zuk ase wa le va Peniel a taam la, ate wa kɔsukku nyiŋ wa yaa cheŋ a duksi.

³² Dila nyiŋ a jam paari jinla Izirali demma a kan ŋɔbi lam buui ale ka jaab kɔsuk la, diila Jekob kɔsukku ate wa jam tiri la nyiŋ.