Piilimka 31 - WEN GBAŊKA

¹ Jekob yaa wom ayen Laban bisaŋa a weeni ayen, <>

² Ate Jekob yaa jam miŋ ayen Laban nyeka ale wa a kan nye ase ku nyiem ale ka diila.

³ Ate Naawen yaa weeni Jekob ayen, <<Ŋman cheŋ fi koma tɛŋka ale fi nuruma jigi, ate mi ale bo ale fu.

⁴ Ate Jekob yaa tom wi Arekel ale Leya ayen ba jam talimu po juijui ate wa ta wa duŋsaŋa boro a nya la.

⁵ Wa yaa weeni ba ayen, <

⁶ Ni seba kama ayen mi tom a te ni kowa ale ka m pagrim meena,

⁷ alege ni kowa a dɛ gaam mu kama ale wa le yik m tutunaŋa a tagri a paari ku naŋtuok nɔi pi la. Alege Wen abe an te suik ayen wa nye mu wariya.

⁸ Wa dan weeni ayen, fi tutuna ale duŋ sii ale a biak ŋan ŋmiŋmirita la, duŋsaŋa mɛ a sum a biak ŋan ŋmiŋmirisa, ate wa dan weeni mɛ ayen fi tutunaŋa a ni ŋaai a ni biak ŋan sobta la, duŋsaŋa mɛ a nyiem sum a biak ŋan sobta.

⁹ Dila nyiŋ Wen a pai ka ni kowa duŋsaŋa a yaa te mi.

¹⁰ Va ŋaai po ate duŋsaŋa a jueli chaab la, mi jam nya ka goa daasima, ale ka duŋ doataŋa ale a jueli duŋ sii nyiŋsaŋa ale ŋmirisi la ale sii ale sob la.

¹¹ Wen maarɔwa yaa weeni mi m gɔdaasimaŋa po ayen, Jekob. Ate mi a tulisi wa ayen, nya mi ale nna.

¹² Ate wa weeni mi ayen, zak zuk a nya ayen duŋ doataŋa ale a jueli duŋsaŋa la ka ŋan ŋmiŋmirita ale ŋan sobta, diila mi nya dii meena ate Laban a pai a nye fu la kama.

¹³ Wen dii ate fi nya Betel la ale mi, juijui ate fi ti buntanni a zaani ase zaŋŋi la, a yaa kpiiri kpaamu a basi di zuk, a yaa pɛ te mi la. Yɔgyɔgla de, basi tɛŋka de abe fi cheŋ fidek tɛŋka.>>

¹⁴ Ate Arekel ale Leya yaa tulisi ayen, <

¹⁵ Wa an pai te a chim daa nyeemjandɔba? Wa an pai ti a da daa daka nyiini, alege wa maa dɛ ba ale tuni ti nyiŋ diila kama.

¹⁶ Chekki paaruŋ kuui meena ate Wen a tuesi a nyini ti kowa jigi la, ka tama ale ti bisaŋa ale soa. Dila nyiŋ nye Wen ale weeni fu diila.>>

¹⁷ Jekob yaa pai wa pooma ale wa bisaŋa a kali laalaakomiba zuk,

¹⁸ ate wa yaa choa wa duŋsaŋa meena a basi wa niŋ, ale wa jaab meena ate wa nya nyini Paddan Araam la, ayen wa cheŋ wa kowa Aizik jigi Keenan tɛŋka po.

¹⁹ Laban ale nyini a ga boro a gebi wa piisaŋa kɔbtaŋa la, Arekel yaa zu wa kowa yenni wenaŋa.

²⁰ Jekob yaa ŋman jam paasi Laban Araam denɔ, wa ale kan baga a weeni wa ayen wa chali a cheŋ kama la.

²¹ Dila nyiŋ wa jam cheŋ ale ka jaab meena ate wa ta la, a ga lɔ Benni a jueli, a cheŋ tuaga Gilead guuku tɛŋka.

²² Ku daa ŋatawa danni ate ba weeni Laban ayen Jekob a cheŋ kama.

²³ Wa yaa pai wa dɔkdemma a gum wa po, ate ba saŋ Jekob ŋaaŋ, ate ku daa ŋayopɔiwa danni, ba ga nya wa Gilead guuku tɛŋka po.

²⁴ Ate Laban Araam denɔwa yaa gɔdaasim yokku po, ate Wen a jam wa jigi a weeni wa ayen, <>

²⁵ Jekob yaa jam ti wa viuku ka Gilead guuku tɛŋka po, ate Laban ale wa dɔkdemma a jam gaam wa basi a yaa kali dula dek ale ba.

²⁶ Ate Laban yaa weeni Jekob ayen, <

²⁷ Boan nyiŋ ate fi paasi mu ale yiti a chali nna susugi ya? Boan nyiŋ ate fi an weeni sak mi, ate m basi fu suik ale masim ate ti pai kayaksa ale kpanta a yi yiila?

²⁸ Fi an te ate m puusi m ŋaaŋbisaŋa ale weeni m liema ayen ba cheŋ nalimnyiini. Fi tom ka betta.

²⁹ M ta pagrim a baga a nye fu wari kama. Alege yokku po, fi kowa Wenni a weeni mu kama ayen. Be seba ate fi kan weeni biem wari yaase nalim wari a te Jekob.

³⁰ Yɔgyɔgla fi cheŋ kama dii nyiŋla fi a yaali kama ayen fi ŋman cheŋ fi kowa yenni. Alege ka boan nyiŋ ate fi maa zu m wenaŋa?>>

³¹ Jekob yaa tulisi Laban ayen, <

³² Alege fi dan nya ale waai a ta fi wenaŋa, kula nyɔnɔwa a kan vuugi. Ti nuruma niŋ be gisi nya ase fi jaab a bo ale mi dela jigini ya. Fi dan nya jaab ase dila la, be pai a ta cheŋ.>> Yɔgyɔgla Jekob a jam zɛ ayen ka Arekel ale zu wenaŋa.

³³ Ate Laban yaa jo Jekob viuku po a ga taam jo Leya ale wa dɔkliema bayewa viitaŋa po, alege wa an nya jaaboa. Wa yaa nyini Leya viuku po, a ga jo Arekel viuku po.

³⁴ Yɔgyɔgla Arekel yaa pai yenni wenaŋa a su ka wa laalaakomi dafieluku po a yaa kali ŋa zuk. Laban yaa gisi jaab meena ale bo viuku po la, alege wa an nya jaaboa.

³⁵ Arekel yaa weeni wa kowa ayen, <> Ate wa gisi alege wa an baga a nya yenni wenaŋa.

³⁶ Jekob sui yaa puuri ate wa yaa ta chaab ale Laban. Wa yaa bek Laban ayen, <

³⁷ Yɔgyɔgla de ate fi gisi m ŋantaŋa meena po la, ka boan jaab ate fi nya ate ku chim fi yenni po jaaboa? Pai a ta jam dueni mi dɔkdemma ale fi dɔkdemma suŋsuŋ ate ba bo ti nɔi tiye ma buusa.

³⁸ Bena pisiye ate mi a kali ale fu. Fi piisaŋa ale fi booŋa an biak kaasi nya ya, yaase m yik fi duŋsaŋa kunyi mɛ a ko ŋɔbi ya.

³⁹ Mi an ta fi duŋ a jam sak fu ayen gɔi duŋ ale yik ka. Jaab a dan bɛ ku a chim ka m zuk po wari. Mi dek ale a tuni. Dan poom ka yok yaase kantueŋ ate ba zu jaab, fi a basi kama ate maa tuni fu.

⁴⁰ M le bo diipo la ale nna. Danni po tuilukku a dɛ mu kama ate yokku mɛ ŋoota a ta mu ate goom a nyini m ninaŋa po a chali bɛ.

⁴¹ Ku a nye ase ka dila ate m pai bo fi yenni po bena pisiyewa la. M tom ka bena pi ale ŋanaansi a magsi chaab ale fi liema bayewa nyiŋ ale pai bena ŋayuebi a nya duŋsaŋa. Ate fi yik m tutunaŋa a gaari a paari ku naŋtuok nɔi pi.

⁴² Fi a ti basi kama ate m cheŋ ale nisim kɔta ase m kowa ale Abrayam Wenni, waai ate Aizik a chali yɔgsum la, a nin kan bo ale mu. Alege Wen nya m nyiŋbiiri ale m le pai nisa a tom nam diila kama, ate wa jam a toariŋ fu yokku po.

⁴³ Laban yaa tulisi Jekob ayen, <

⁴⁴ Jam yɔgyɔgla, basi ate ti nye nɔiyeŋ, mi ale fi, ate ku chim teerika wari a bo mi ale fi suŋsuŋ.

⁴⁵ Ate Jekob yaa pai buntain a feri zaani ase zaŋi la.

⁴⁶ Ate wa weeni wa nuruma ayen, <> Ate ba tigsi tanaŋa a pai ŋa a vi chaab zuk ate ŋa jueli ŋmai, ate ba kali dula a dɛ ŋandiinta.

⁴⁷ Laban yaa wi jigini ayen Jegar Sayaduta ate Jekob a wi ku ayen Galeed.

⁴⁸ Laban yaa weeni ayen, <> Dila ale soa ate ba a wi ku ayen Galeed.

⁴⁹ Ba ŋman jam a wi ku kama ayen Mizpa, diila wa jam weeni kama ayen, <

⁵⁰ Fi dan kan nye m liema a magsi, yaase fi ŋman faari nipok wa choa, waai a ka ti po, alege teeri ayen Wen a nya mi ale fi kama.

⁵¹ Laban yaa ŋman weeni Jekob ayen, <

⁵² Pimpitini de a chim ka teerika, ate buntanni dɛ a ni feri za ase zaŋi la, a chim ka teerika, fi abe kan gaam pimpitini ale tanni a jam mi jigi a daani mu, ate mi mɛ a kan gaam ŋa a jam a daani fu.

⁵³ Abrayam ale Nayo ale ba kowa Wenni abe bo ti nɔi tiyema buusa.>> Jekob pɛ kama wa Wenni yuei nyiŋ, Wen dii ate Aizik a chali wa Yɔgsum la.

⁵⁴ Wa yaa nye kaabka tɛŋka guuku zuk, a yaa wi wa nuruma ate ba jam dɛ ŋandiinta, ate ba le dɛ a nueri la, ba yaa goa dula yok kula.

⁵⁵ Varivientini ku saluik yokyok ate Laban yaa gbaari wa ŋaaŋbisaŋa ale wa liema a yaa niak ba. Alege ŋman cheŋ wa yenni.