Piilimka 28 - WEN GBAŊKA

¹ Dila nyiŋ Aizik yaa wi Jekob a niak wa ale ŋman weeni wa ayen, <

² Cheŋ Paddan Araam, fi mawa kowa Betuel yenni. Faari nipok a nyini Laban liema po wanyi, fi mawa toawa.

³ Mi a yaali ayen ka Wen Dii Ale A Niak La abe niak fu abe wa nye ate fi buuni a piisi ate fi ŋaaŋsa a chim tɛŋ dem.

⁴ Mi a yaali ayen wa abe te fi ale fi ŋaaŋsaŋa niak kaai ate wa jam te Abrayam la, ate ni soa tɛŋ kaai ate ni bo ka po yɔgyɔgla de a chim nicham la, tɛŋ kaai ate Wen a jam pai te Abrayam la.

⁵ Ate Aizik yaa jam basi Jekob suik, ate wa cheŋ Paddan Araam, Laban ale ka Betuel biik la ate wa chim Araam denɔ la, Iisɔ ale Jekob mawa Aribeka toawa la jigi.

⁶ Yɔgyɔgla de, Iisɔ yaa miŋ kama ayen Aizik a niak Jekob kama ale te ate wa cheŋ Paddan Araam ayen wa ga faari nipok dula, ate wa ale niak wa la, wa weeni wa kama ayen, <

⁷ ate Jekob yaa nye tuewomma a te wa kowa ale wa mawa ale weeni wa diila a sum cheŋ Paddan Araam.

⁸ Iisɔ ale jam miŋ Keenan nipooma ale jam a nye ate wa kowa Aizik sui a jam a puuri diila,

⁹ wa yaa cheŋ Ismael a ga faari Mayalat, ale ka Nebaiot suok la, Abrayam nidoabinni Ismael lie a gum wa pooma ate wa poom a ta la po.

¹⁰ Jekob a jam basi Beerseba ale nyini a cheŋ Yaran.

¹¹ Wa ga paari ka jigi, a yaa zaani dii nyiŋla wenbinni a siŋ wa, ate wa yaa pai tain a pai chim dafieluk a kpagli ayen wa goa.

¹² Wa yaa gɔdaasim a nya tiili ale zaani tɛŋ a paari wenzukku, ate Wen maarɔma a jueli ale a siŋ di zuk.

¹³ Naawen yaa bo wenzuk a weeni ayen, <

¹⁴ Fi ŋaaŋbisaŋa ale nye ase ka tɛŋka tantaŋa la, ate ni ale teeri a nyini yeniŋka a ga paari konni po, a ŋman nyini wiiluk a ga paari yeseoku po. Fi ale fi ŋaaŋbisa nyiŋ, nuruba meena ale bo tɛŋka po la ale nya niaka.

¹⁵ M bo le fu kama ate jigi meena ate fi a cheŋ la, m le nya fi zuk, ate m ŋman ta fu a jam tɛŋka de po. M kan basi fu, ka m nin nye m le puulim fu diila.>>

¹⁶ Jekob ale yiti wa goomu po la, wa yaa poli ayen, <>

¹⁷ Yɔgsum yaa ta wa ate wa weeni ayen, <>

¹⁸ Varivientini ku saluik yokyok Jekob yaa pai buntain dii ate wa pai kpagli la, a feri di a zaani a yaa kpiiri kpaam a basi di zuk.

¹⁹ Wa te jigini yuei ayen Betel, alege ba jam a wi tɛŋ kala ayen ka Luz.

²⁰ Ate Jekob yaa nye pɛka ayen, <

²¹ ate mi a ŋman pilim jam m kowa yenni ale nyiŋyɔgsa, Naawen ale chim mi Wen

²² ate buntanni de ate mi a ti zaani ase zaŋi la, ale chim Wen yeri, ate fi ale a te mi jaabuuri meena la, m le te ku piika po ku bunyiwa.>>