Piilimka 25 - WEN GBAŊKA

¹ Abrayam yaa ŋman faari nipok, wa yuei jam le Ketura.

² Wa jam biak ka Zimran ale Joksan ale Medan ale Midian ale Isbak ale Suya a te Abrayam.

³ Joksan jam ka Siiba ale Dedan ko. Dedan ŋaaŋbisa jam le Assur demma ale Letus demma ale Leummi demma.

⁴ Midian nidoabilisaŋa jam le Efa ale Efer ale Yanok ale Abida ale Eldaa. Bade meena jam ka Ketura ŋaaŋbisa.

⁵ Abrayam yaa jam basi jaab meena ate wa soa la a te Aizik.

⁶ Alege wa le jam diem vua la wa yaa te wa pooma nidoabilisaŋa tiirita a yaa basi ate ba va kori geŋka alege Aizik.

⁷ Abrayam benaŋa meena ate wa goa la jam ka kook ale pisiyopɔi ale ŋanu.

⁸ Abrayam jam kpaŋ kama a nya bena zuak alege kpi a cheŋ wa nuruma jigi.

⁹ Wa nidoabilisaŋa Aizik ale Ismael yaa jam gu wa Makpela vɔrumu po a moata Mamre, Zoyar nidoabinni Efron Yit denɔwa talimu po,

¹⁰ talim buui ate Abrayam a da Yit demma jigi la. Dula jigini ate ba gu Abrayam ale wa powa.

¹¹ Abrayam kummu ŋaaŋnyiŋ Wen yaa niak wa nidoabinni Aizik waai ale jam bo juijui ale moata Beer Layai Aroi la.

¹² Abrayam nidoabinni Ismael waai ate Saara dɔkliewa Aga ate wa nyini Ejipiti a biak a te Abrayam la buuni ale nna.

¹³ Ismael nidoabilisaŋa ale nna a va chaab ale ba biamu. Nebaiot waai ate wa liŋ biak la, ale Kedar ale Adbeel ale Mibsam

¹⁴ ale Misma ale Duma ale Massa

¹⁵ ale Yadad ale Tema ale Jetur ale Nafis ale Kedema.

¹⁶ Ismael nidoabilisaŋa a jam le nna, ba buura pi ale ŋayewa yuei ale nna, a ta va chaab ale ba le kali diila.

¹⁷ Ismael benaŋa meena jam ka bena kook ale pisita ale ŋayopɔi. Wa yaa jam kpi kama a cheŋ wa nuruma jigi.

¹⁸ Wa ŋaaŋbisaŋa a jam kali ka Yavila tɛŋka a ga paari Sur, a moata Ejipiti banni, ase fi nin tuak Assur geŋka. Ba jam ta ka nyeka tuem ale ba suataŋa ba boka po meena.

¹⁹ Abrayam nidoabinni Aizik buuni jam le nna. Abrayam jam ka Aizik ko.

²⁰ Aizik jam ka bena pisinaansi ale faari Aribeka, Betuel Araam denɔwa ate wa nyini Paddan Araam po la lie. Aribeka a jam ka Laban Araam denɔwa toa.

²¹ Aizik yaa zaani wa powa nankula po a puusi a te Naawen dii nyiŋla wa powa jam ka kirik. Naawen yaa tulisi wa puusaŋa ate wa powa Aribeka a yik lɔgi.

²² Bisaŋa yaa jaa tusi chaab wa ponni po, ate wa yaa weeni ayen, <> Wa yaa cheŋ ayen wa bek Naawen a nya.

²³ Naawen yaa weeni wa ayen, <>

²⁴ Ku le jam paari wa biamu la, yibsa nidoabilisa ale jam bo wa ponni po.

²⁵ Waai ale dɛ niŋ a nyini la jam ka jamɔniŋ, ate nyiŋka meena a nye ase garuk kobtuk la. Ba yaa te wa yuei ayen Iisɔ.

²⁶ Kula ŋaaŋnyiŋ wa suoku yaa nyini, ate wa nisa a yik Iisɔ nankpanni a tara. Ba yaa te wala yuei ayen Jekob. Aizik jam ka bena pisiyuebi alege ate Aribeka a biak ba.

²⁷ Nidoabilisaŋa yaa chim ate Iisɔ a chim waai ale seba yaaliŋka. Wa jam ka waai ale bo peelim. Alege Jekob a chim waai ale kaa yaa biiga, a bo viitaŋa po.

²⁸ Aizik ale jaa yaali gɔi lanta la, a yaali Iisɔ alege Aribeka a yaali Jekob.

²⁹ Diipo nna ate Jekob yaa jam boro a dik jenta. Iisɔ yaa nyini peelim a jam ate kɔm a ta wa nna yegayega.

³⁰ Wa yaa weeni Jekob ayen, <> Dila ale soa ate ba jam a wi wa mɛ ayen Edom la.

³¹ Jekob yaa tulisi ayen, <>

³² Iisɔ yaa weeni ayen, <>

³³ Alege Jekob a weeni ayen, <> Dila nyiŋ wa yaa pɛ, a pai wa biam kpaŋtaŋa a da a te Jekob.

³⁴ Jekob yaa te Iisɔ boroborok ale jentaŋa. Wa yaa dɛ ale nyu alege a yiti a cheŋ. Wa an pai zula a te wa biam kpaŋtaŋa.