Piilimka 17 - WEN GBAŊKA

¹ Abram ale jam nya bena pineok ale neok la, Naawen yaa pai wadek a sak wa a weeni ayen, <

² M le basi ate fi ŋaaŋbisaŋa a piisi ate nɔiyeŋ kaai ate mi ale fi nye la a chim wensie.>>

³ Abram yaa koori a pai diri a kpi tɛŋ, ate Wen weeni wa ayen,

⁴ <

⁵ Ba kan ŋmaa wi fu ayen Abram. Fi yuenni yaa le chim ka Abrayam. Diila m basi kama ate fi chim tɛŋsa yega ko.

⁶ M le basi ate biam jam fi jigi. Tɛŋsa ale nyini fi jigi ate nalima mɛ a nyini fi jigi.

⁷ M le basi ate m nɔiyeŋka a chim nɔiyeŋ kaai ale kaa kpeglim mi ale fi ale fi ŋaaŋbisaŋa suŋsuŋ la. Ka le kasim boro kama ale fi ŋaaŋ sii ale cheen la. M le chim fi Wen ale fi ŋaaŋsaŋa Wen.

⁸ Keenan tɛŋka meena ate fi boro yɔgyɔgla de a chim nichaanɔ nna, m le basi ate ka chim fi ale fi ŋaaŋbisaŋa tɛŋ kasim a cheŋ. M le chim ba Wen.>>

⁹ Wen yaa weeni Abrayam ayen, <

¹⁰ Mi nɔiyeŋka ale fi ale fi ŋaaŋbisaŋa ale bo ŋaaŋ la ale nna. Nɔiyeŋ kaai ale magsi ni ta la. Nidoa meena ale bo ni po la a gebi wa yoari.

¹¹ Ni gebi ni yoaŋa ate ku a sak nɔiyeŋka ale bo mi ale fi suŋsuŋ la.

¹² Fi buuni po meena ale bo ŋaaŋ cheena la, nidoa meena a dan nya daa naaniŋ ba gebi wa yɔnni, ale baai ate ba biak fi dɔkku po yaase ba da nichaanɔ ale ligra. Baai ale poom kan daa fidek bisa la.

¹³ Ba da ba ale ligra yaase ba biak ba fi dɔkku po, ku a fɛ kama ayen ba gebi ba yoaŋa. Mi nɔiyeŋka ale bo ni nyiŋ lammu nyiŋla ka nɔiyeŋ kaai ale kan ta kpeglimka.

¹⁴ Nidoa waai ale kan gebi wa yoari, ate nyiŋ gbaŋka an gebi la a kan maara bo wa nuruma po, diila wa kaasi nɔiyeŋka kama.>>

¹⁵ Wen ŋman weeni Abrayam ayen, <

¹⁶ M le niak wa, abe m basi ate wa biak nidoabili a te fu. M le niak wa ate wa chim tɛŋsa ma, wa le biak nuruba nalima.>>

¹⁷ Abrayam yaa koori a pai diri a kpi tɛŋ, a yaa la ale weeni wadek ayen, <>

¹⁸ Ate Abrayam yaa weeni Wen ayen, <>

¹⁹ Wen yaa weeni Abrayam ayen, m siak ya, alege fi powa Saara ale biak nidoabili ate fi te wa yuei ayen Aizik. M le basi ate mi ale wa nɔiyeŋka a zaani ate ka chim nɔiyeŋ kaai ale kaa kpeglim a te wa ŋaaŋbisaŋa ale bo wa ŋaaŋ cheen la.

²⁰ Alege Ismael jigi, m wom fu kama. M le sum niak wa. M le basi ate wa ta kiri abe m basi ate wa ŋaaŋbisaŋa piisi. Wa le chim kpaga pi ale ŋaye ko abe m basi ate wa chim tɛŋ kpieŋ.

²¹ Alege m nɔiyeŋka m le basi ate ka zaani ale Aizik, waai ate Saara a za wa biak a te fu bali benni nna po de la.>>

²² Wen ale biisi ale Abrayam nueri la, wa yaa jueli wen ale ge wa.

²³ Dai dila danni dek Abrayam yaa yik Ismael ale baai ate ba biak wa dɔkku po a le baai ate wa da ale ligra la, nidoa meena wa dɔkku po a gebi ba yoaŋa ase Wen ale weeni diila.

²⁴ Abrayam jam ka bena pineok ale neok ale gebi wa yoanni.

²⁵ Wa nidoabinni Ismael jam ka bena pi ale ŋata.

²⁶ Abrayam ale wa nidoabinni Ismael a jam gebi ba yoaŋa ka da dila dek.

²⁷ Nidoa meena Abrayam dɔkku po, ale baai meena ate ba biak wa dɔkku po la ale baai ate wa da nichaanɔ ba jigi la jam gebi kama ale wa.