Piilimka 11 - WEN GBAŊKA

¹ Yɔgyɔgla de tɛŋka meena a jam ta ka bi yeŋ ale a biisi bi yeŋ.

² Ase nuruma ale jam torisi a cheŋ kori geŋ la, ba yaa nya jigi nna jassi Sinar a yaa kali dula.

³ Ba yaa weeni chaab ayen, <> Ba jam pai ka peela daa tana ale kotaali a chim tanta.

⁴ Ba yaa weeni chaab ayen, <>

⁵ Alege Naawen a yaa siŋ nya tɛŋ nummu ale kiani ate saalɔ bisaŋa a sɛ la.

⁶ Naawen a yaa weeni ayen, <

⁷ Ni jam, ate ti siŋ tɛŋ a butim ba biika ate ba kaa miŋ chaaba.

⁸ Dila nyiŋ Naawen a yaa basi ate ba waaŋ chaab tɛŋka meena zuk ate ba basi tɛŋka sɛka.

⁹ Dila ale soa ate ba jam a wi ka ayen Babel la. Ku kiri ale Naawen a butim tɛŋka meena biika. A nyini dula jigini Naawen a basi ate ba waaŋ tɛŋka meena zuk.

¹⁰ Sɛm wie ale nna. Nyiamu ale jam lik tɛŋka la ku bena ŋaye ŋaaŋnyiŋ Sɛm yaa jam ka bena kook. Wa jam biak Afakasad.

¹¹ Wa le biak Afakasad la ŋaaŋnyiŋ wa nya ka bena kobsinu. Wa ŋman jam biak ka nidoabilisa ale lieba.

¹² Afakasad nya ka bena pisita ale ŋanu ale biak Sɛla.

¹³ Wa le biak Sɛla la ŋaaŋnyiŋ, wa nya ka bena kobsinaansi ale ŋata. Wa jam biak ka nidoabilisa ba chaab ale lieba.

¹⁴ Sɛla ale nya bena pisita la wa yaa biak Eber.

¹⁵ Wa le biak Eber la wa goa ka bena kobsinaansi ale ŋata. Wa jam biak ka nidoabilisa ba chaab ale lieba.

¹⁶ Eber ale nya bena pisita ale ŋanaansi la wa yaa biak Peleg.

¹⁷ Wa le biak Peleg la wa goa ka bena kobsinaansi ale pisita. Wa jam biak ka nidoabilisa ba chaab ale lieba.

¹⁸ Peleg ale nya bena pisita la wa yaa biak Areu.

¹⁹ Peleg ale biak Areu la wa goa ka bena kobsiye ale neok. Wa jam biak ka nidoabilisa ba chaab ale lieba.

²⁰ Areu ale nya bena pisita ale ŋaye la wa yaa biak Serug.

²¹ Wa le biak Serug la wa goa ka bena kobsiye ale ŋayopɔi. Wa jam biak nidoabilisa ba chaab kama ale lieba.

²² Serug ale nya bena pisita la, wa yaa biak Nayo.

²³ Wa le biak Nayo la wa goa ka bena kobsiye. Wa jam biak nidoabilisa ba chaab kama ale lieba.

²⁴ Nayo ale nya bena pisiye ale neok la wa yaa biak Tɛra.

²⁵ Wa le biak Tɛra la wa goa ka bena kook ale pi ale neok. Wa jam biak nidoabilisa ba chaab kama ale lieba.

²⁶ Tɛra ale nya bena pisiyopɔi la wa yaa biak Abram ale Nayo ale Yaran.

²⁷ Tɛra wie ale nna. Tɛra jam ka Abram ale Nayo ale Yaran ko. Ate Yaran a jam chim Lɔti ko.

²⁸ Ba kowa Tɛra a jam diem boro kama alege ate Yaran a kpi Ur ale bo Kaldiya po la ate ba biak wa.

²⁹ Abram ale Nayo meena jam faari nipooba kama. Abram powa yuei jam le Sarai. Nayo powa mɛ yuei jam le Milka. Wa jam ka Yaran lie. Yaran jam ka Milka ale Iska ko.

³⁰ Sarai abe jam ka kirik. Wa jam ka bisa.

³¹ Tɛra yaa pai wa nidoabinni Abram ale wa ŋaaŋka Lɔti, Yaran nidoabinni ale wa sampowa Sarai, Abram powa. Ba meena yaa basi Ur ale bo Kaldiya po la ayen ba cheŋ Keenan. Alege ba le jam paari Yaran la, ba yaa kali dula.

³² Tɛra a goa ka bena kobsiye ale ŋanu alege kpi Yaran tɛŋka.