Piilimka 10 - WEN GBAŊKA

¹ Sɛm ale Yɛm ale Jafet buuni wie ale nna. Ba jam ka Nowa nidoabilisa. Ba mɛ jam biak ka nidoabilisa nyiamu ale jam tagli tɛŋka la ŋaaŋnyiŋ.

² Jafet nidoabilisaŋa jam le Gomer ale Megɔg ale Madai ale Javan ale Tubal ale Mesek ale Tiras.

³ Gomer nidoabilisaŋa a jam le Askenaz ale Aripat ale Togarma.

⁴ Javan nidoabilisaŋa jam ka Elisa ale Tarsis ale Kittim ale Dodanim.

⁵ Baai ale jam kali gilim nyakpiemu la a jam nyini ka Jafet yezukku buuni. Ba yaa jam piisi a chim tɛŋ kpieŋsa a ta biisa tɔgatɔga.

⁶ Yɛm nidoabilisaŋa jam ka Kus ale Mizraim ale Put ale Keenan.

⁷ Kus nidoabilisaŋa jam ka Sɛba ale Yavila ale Sabta ale Araamaya ale Sabteka. Araamaya nidoabilisaŋa jam le Siiba ale Dedan.

⁸ Kus jam ka Nimrod ko. Nimrod ale jam piilim yiti a chim pagrɔ a nak kpaliŋsa tɛŋka zuk.

⁹ Wa jam ka yaalɔ dek Naawen niŋ. Dila ale soa ate ba weeni ayen, <>

¹⁰ Wa buuni ale jam liŋ kali kab tii la ale Babilon ale Erek ale Akkad ale Kalne ale bo Sinar la.

¹¹ A nyini tɛŋ kala wa ŋman cheŋ ka Assiria. Dula ale wa sɛ Niineve ale Areyobot Ir ale Kalaha

¹² ale Aresen ale bo Niineve ale Kalaha suŋsuŋ po la. Tɛŋ kpieŋka jam le la.

¹³ Mizraim jam ka Lud demma ale Anam demma ale Lehab demma ale Naftu demma ale

¹⁴ Patrus demma ale Kaftor demma ale Kaslu demma ko. Filistia demma a nyini ka Kaslu demma po.

¹⁵ Keenan nidoabili kpagni jam le Saidon. Wa abe jam ka Yit demma ale

¹⁶ Jebus demma ale Amori demma ale Girgas demma ale

¹⁷ Yivi demma ale Arki demma ale Sin demma ale

¹⁸ Arvad demma ale Zemar demma ale Yamat demma ko. Ku ŋaaŋnyiŋ Keenan demma diinaŋa a yaa waaŋ chaab,

¹⁹ ate Keenan tɛŋka a yaa paari Saidon a ta tuak Gerar. A ŋman ga paari Gaza a ta tuak Sodom ale Gomora ale Adma ale Zeboiim a ga paari Lasa.

²⁰ Yɛm nidoabilisaŋa ale nna a magsi chaab ale ba yezuima ale ba biisa ale ba tɛŋ bana ale ba tɛŋ kpieŋsa.

²¹ Sɛm mɛ a jam biak ka nidoabilisa. Sɛm moa jam le Jafet. Sɛm ale jam chim Eber nidoabilisaŋa meena ko kpieŋ.

²² Sɛm nidoabilisaŋa jam le Iilam ale Assur ale Afakasad ale Lud ale Araam.

²³ Araam nidoabilisaŋa jam le nna mɛ: Uz ale Yul ale Geter ale Masɛ.

²⁴ Afakasad a jam ka Sɛla ko ate Sɛla a chim Eber ko.

²⁵ Eber jam biak ka nidoabilisa baye. Wa jam te wanyi wa yuei ayen ka Peleg, diila wa daaŋa po tɛŋka jam poori kama. Wa suoku yuei jam le Joktan.

²⁶ Joktan ale jam biak Almodad ale Selef ale Yazarmavet ale Jera

²⁷ ale Yadoram ale Uzal ale Dikla

²⁸ ale Obal ale Abimael ale Siiba

²⁹ ale Ofir ale Yavila ale Jobab. Bade meena jam ka Joktan nidoabilisa.

³⁰ Kauk kuui ate ba jam boro la, ba jam teeri kama a nyini Mesa a cheŋ Sefar kori geŋ ate guuta boro la.

³¹ Sɛm nidoabilisaŋa ale nna a magsi ale ba yezuima ale ba biisa ale ba tɛŋ bana ale ba tɛŋ kpieŋsa.

³² Nowa ŋaaŋbisaŋa ale nna. Nyiamu ale jam lik tɛŋka la ŋaaŋnyiŋ ba yaa jam chim ka tɛŋ kpieŋsa a waaŋ tɛŋka meena zuk.