Pa Sakka 6 - WEN GBAŊKA

¹ Pabiika ale tuesi gbaŋka la, wa yaa foli bobika buyopɔiwa bunyi ate ŋanvutaŋa tinaansiwa kanyi yaa weeni mi ale lueluk kpioŋ nna se wen kumsa la ayen, <>

² Mi yaa ga nya ale wusum peeluk a za dula. Nuru waai ale jam kali bu zuk la, a jam ta ka tom ale peema ale vuk zutɔk. Wa yaa nyini tugurik po ayen wa nak yiak wa dachaasaŋa.

³ Ate Pabiika yaa foli bobi kaai ale saari buyewa la. Javuk kuui ale saari siyewa la yaa weeni mi ayen, <>

⁴ Mi yaa nya ale ka wusum mɔnuŋ ale za du. Ba jam pai ka gebik kpieŋ a te nuru waai ale jam kali bu zuk la. Ba jam pai pagrim a te wa ayen wa cheŋ tɛŋka meena nuruma jigi a ga tigsi ba a nyo jigi yeŋ ate ba nye tugurik a ko chaab.

⁵ Ate Pabiika yaa ŋman foli bobi kaai ale saari butawa la. Javuk kuui ale saari sitawa la yaa weeni mi ayen, <> Mi yaa nya ale ka wusum sobluk ale za. Ba jam pai ka ŋanmagsinta a nyo wa nisa po.

⁶ Mi yaa wom lueluk ale ku nyini ŋanvutaŋa tinaansiwa suŋsuŋ a weeni mi ayen, <>

⁷ Ate Pabiika yaa ŋman foli bobi kaai ale saari bunaansiwa. Javuk kuui ale saari sinaansiwa la a yaa weeni mi ayen, <>

⁸ Mi yaa nya ale ka wusum piak ale za du. Nuru waai ale jam kali bu zuk la yuei jam le Kum. Wanyi mɛ yuei jam le Kpiluŋ.>> Wa jam a vi ka Kum ŋaaŋ. Ba yaa poori tɛŋka bunaansi a yaa lueri kaukku kunyi ayen ba ko waai meena ale jam bo dula la. Ba nɔi bayewa yaa cheŋ ga pai gebik woŋ ale kom ale nyiŋtuila ale duŋ waarisa a ko ba.

⁹ Ate Pabiika yaa ŋman foli bobi kaai ale saari bunuwa la. Mi yaa nya ale ka jaab ale a nye se kuŋkuŋ la ale za du. Baai meena ate ba jam ko ba ayen ba jam a sak Wen wamaŋsaŋa nyiŋla a jam za ka jabuui ale a neensi kuŋkuŋku la tɛŋ.

¹⁰ Ba yaa nuem ale lueluk pagrisa ayen, <>

¹¹ Ba yaa te ba garuk woŋ peelita ale weeni ba ayen ba vuusi maga ate tɛŋka meena nuruma a ko ba suataŋa a nueri ase ba le jam ko ba diila a gum du.

¹² Ate mi yaa nya ale Pabiika ŋman foli bobi kaai ale a saari buyuebiwa la. Tɛŋka meena a yaa deri choa nna yegayega ate wenbinni mɛ a sobri ase garuk ate ba pai buuk kobta a nye la, chiika mɛ a muni ase ziim la,

¹³ ate chiŋmarisaŋa a lo tɛŋka zuk ase viok ale a fuk ate kiŋkama a lo diila.

¹⁴ Wenŋmazuk a yaa kpamsi ase gbaŋ la a bɛ, ate guuk kpientaŋa ale tɛŋsaŋa meena ate nyiamu a doa gilim si la, a basi ba zaanaŋa jiŋŋa.

¹⁵ Tɛŋka meena nalimaŋa ale nuru kpienta ale tugurik tɔŋdɔba kpaga ale ŋanta nyama ale pagrɔma. Yɔm meena ale fasiyaa nyam meena a jam chali kama a jo pina vie ale guuta pina po a suk.

¹⁶ Ba yaa weeni guutaŋa ale pinaŋa ayen, <

¹⁷ Wen suipuurum kpiemu danni a paari kama. Ka wana ale baga a tu wa?>>