Pa Sakka 4 - WEN GBAŊKA

¹ Ku ŋaaŋnyiŋ ate mi ŋman pilim wom ale nya jaab ase m goadaasim kama la. Wenŋmazuk mi yaa nya tuok ale ku lak, ate lueluk kuui ate m liŋ wom nna ase damuniŋ la weeni mu ayen, <>

² Wen Chiika a deri de mi niŋ ate mi jueli ga a jo. Mi yaa nya Wenŋmazuk naam zukpaglik ale ka za ate nuru a kali ka zuk.

³ Wa ninaŋa a jam a nyaksi ase ka tintain mɔnta la, ale tintain ŋaai ale a nye ase kpabunyiam la ate nagoritom a nye ase gunungoona la a gilim wa.

⁴ Kalisa jiga pisiye ale sinaansi ale jam gilim wa. Nisɔm pisiye ale banaansi ale jam kali si zuk. Ba meena a jam jo ka garuk peelita ale vuk ligmɔniŋ zutɔgsa.

⁵ Wenzukku a jam a nyaksi kama ale a na wenŋmazuk naamu zukpaglika jigini. Zeuŋta tiyopɔi ale jam toati a za wa niŋ. Ti jam ka Wen chiisa siyopɔiwa.

⁶ Nyakpiemu ale jam a nyaksi ase nyaasuŋ la ale jam maa za wenŋmazuk zukpaglika niŋ. Ŋanvuta tinaansi ale jam maa za gilim gum du. Si ninaŋa a jam piisi kama a kali niŋ ale ŋaaŋ.

⁷ Duŋsaŋa kanyi a jam a nye ase ka gbeŋli la, kanyi a jam a nye ase ka lalik la, kanyi zuk a jam a nye ase nuru zuk la, kanyi mɛ zuk a jam a nye nna ase jiiruk ale lak ku kiŋkaŋŋa a basi la.

⁸ Si meena a jam ta ka kiŋkaŋŋa ŋayuebi alege ate si ninaŋa a sueri si nyiŋsaŋa meena. Si meena a kasim jam a yi ka yiila yok ale kantueŋ alege kan vuusi. Si jam yi a weeni ayen, <>

⁹ Duŋsaŋa sinaansiwa a jam yi si yiilaŋa a pak ka waai ale jam kali wenŋmazuk naamu zukpaglika zuk la, dii nyiŋla wa jam ta ka zula ale nalim alege boro diipo meena.

¹⁰ Si le jam a yi si yiilaŋa la, nisɔmma pisiye ale banaansiwa meena a kasim jam a duak ka tɛŋ ale a yiti wenzuk ale a puusi waai ale jam kali wenŋmazuk naamu zukpaglika zuk alege boro diipo meena la. Ba meena a kasim jam a lak ba zutɔgsaŋa a dueni ka wa niŋ alege a weeni ayen,

¹¹ <>