Pa Sakka 22 - WEN GBAŊKA

¹ Maarɔwa yaa dak Wen nyuvuri benni nyiamu ale jam a nyaksi nna ase nyaasuŋ la. Di jam nyini ka Wen ale Pabiika jigi wenŋmazuk.

² Benni a jam chali va ka tɛŋka suik kpioŋku suŋsuŋ. Wen nyuvuri tiimu a jam za ka benni kabtaŋa meena a yɔn yɔna. Bu jam a yɔni ka pi ale buye ben yeŋ po. Si vaataŋa ale jam a basi ate tɛŋzuk nuruma a nya nyiŋyɔgsa.

³ Ŋan baai ate Wen a ka te ba la, a kan maa bo tɛŋka po. Wen ale Pabiika zulaŋa zukpaglika a bo ka dula ate wa tomteerɔma puusi a te ba.

⁴ Ba le nya Wen nimbidiaka ate wa ŋmarisi wa yuenni a dueni ba dee nyiŋ.

⁵ Abe wa basi ate ba chim nalima taam wuu. Yɔk a kan bo dula, dii nyiŋla ba Naawen dii ale ka Wen la ale wa te ba kantueŋ. Ba kan ba a yaali kantueŋŋa yaase zeuŋta ayen ba a nya.

⁶ Ate maarɔwa a yaa weeni mi ayen, <>

⁷ Yeezu a weeni ayen, <>

⁸ Mi, Jɔɔn, a nya kama ale wom wieŋa de meena. Mi le ga nya ale wom wieŋa de meena a nueri la, m jam kpi ka duna tɛŋ ayen m puusi maarɔwa waai ale dak wieŋa de meena a sak mu la.

⁹ Alege wa weeni mi ayen, <>

¹⁰ Wa ŋman pilim weeni mi ayen, <

¹¹ Basi ate waai ale a tom tuimkaasima la a kasim tom tuimkaasima a cheŋ, basi ate waai ale a tom tuimdaŋtisa la a kasim tom tuimdaŋtisa a cheŋ, basi ate waai ale a tom tuimaŋsa la a kasim tom tuimaŋsa a cheŋ, a basi mɛ ate waai ale welema la a kasim welema a cheŋ.>>

¹² Yeezu a weeni ayen, <

¹³ Mi ale Piilimka ale Kpeglimka, mi ale dɛ niŋ ale wari ŋaaŋ, mi ale piilim ale kpeglim.

¹⁴ Baai ale a sugri ba gattaŋa ayen daŋta a kan tiri ba ate ba nya suik a jo tɛŋka po a dɛ Wen nyuvuri tiimu yɔnni la, ba sue le peenti.

¹⁵ Alege baai ale a tom tuimbaata ale a porisi ale a nye kaboŋsa ale a ko nuruba ale a kaab bɔgta ale a velim venta ba biik po ale ba tuima po, bala meena le wari ka tɛŋka peelimmu po. Ba kan nya suik a jo ka po.

¹⁶ <>

¹⁷ Wen Chiika ale Pabiika powa a maa chaab a weeni ni ayen, <> Baai meena ale a wom ba wieŋa la, ale maa weeni kama mɛ ayen, <> Nama meena baai ate nyanyuila a ta ni la, ni jam nyu Wen nyuvuri nyiamu tiirim.

¹⁸ Mi, Jɔɔn, a kaam baai meena ale wom gbaŋka de wieŋa la kama. Waai a dan pai wari di choa a gum mi wieŋa de po, Wen le pai ninam ate maarɔba bayopɔiwa a jam ta la a gum ku nyɔnɔ waali kaai ate wa le waali wa la po.

¹⁹ Waai mɛ a be dan yeeri wari gbaŋka de po a basi, Wen a kan basi ate ku nyɔnɔ a jo wa tɛŋka po a maa dɛ wa nyuvuri tiimu yɔnaŋa, ŋaai ate m poom weeni ŋa wari gbaŋka de po la.

²⁰ Nuru waai ale za m wieŋa ŋaaŋ la a weeni ayen, <> Basi ate fi le weeni diila a sum nye. Ti Nyɔnɔ Yeezu Kirisita, pilim ŋman jam.

²¹ M be ŋman a saalim ayen ti Nyɔnɔwa Yeezu Kirisita ŋmanteka a bo ale ni meena. Ku be nye dila.