Pa Sakka 2 - WEN GBAŊKA

¹ <<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Efisos la zuk. Wieŋa de a nyini ka waai ale ta chiŋmarisa siyopɔiwa wa juŋŋa po la ale a cheŋ a gilim zeuŋta tiyopɔiwa ale a nye ase ba pai ligmɔniŋ a nye ti la ayen,

²

³ Ni siak a te ni ninammu ale chichiiba ka mi nyiŋ, alege kan yaali ayen ni basi mi vaka.

⁴ <<

⁵ Ni teeri ni ale liŋ jam ka diila, abe ni pilim jam mi jigi. Ni dan kan pilim jam mi jigiya, m le ŋman pilim jam ni jigi ka nwuli a pai ni zeuŋku ku zaanaŋa jigini.

⁶ Ni kisi tuimbaata tii ate Nikolai demma a nye la kama, ase mi ale kisi ba diila.

⁷ <<

⁸ <<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Sumana la zuk. Wieŋa de a nyini ka waai ale piilimka ale kpeglimka, a jam kpi alege yɔgyɔgla de a ŋman vua la jigi ayen,

⁹

¹⁰ Ni kan chali yɔgsum ale wari dii ale a te ni ninam la. Jabioku le basi ate ba yik ni ba gela a lik dɔk po ate wa nye ni nya ate ni ninammu a paari daa pi. Ba dan poom ayen ba ko ni, ni ŋmasi ta siaka ale mi ate m te ni nyuvuri naam zutɔkka.

¹¹ Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari ku kpeglimka po la, Wen a kan pai ba a gum chaab ale nuru baai ate wa le te ba waalika la po.>

¹² <<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Peganum la zuk. Wieŋa de a nyini ka waai ale ta gebik kaai noaŋa meena ale a dɛ la ayen,

¹³

¹⁴ Alege wieŋa chaab ate ni tali. Nuruba gela ale bo ni po a va Balaam sinsaŋŋa. Wa jam sak ka Belak ayen wa sak Juuma ba le ba nye dii a dɛ bɔgta ŋandiinta a be ba a nye kaboŋsa la.

¹⁵ Nuruba ba gela a bo ni po a va Nikolai demma sinsaŋŋa.

¹⁶ Ni basi ni wabaataŋa. Ni dan kan basi ya, m le pilim ŋman jam ni jigi nwuli a pai gebik kaai ale nyini m nɔnni po a nyini la a tu ba a nye kpaliŋ.

¹⁷ Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari kpeglimka la, m le pai ŋandiin tii ate ba a wi ayen wenzuk ŋandiinta la ate ti suk la a te ba. M le ŋmarisi yue paali a dueni tintain peeluk nyiŋ a te waai meena. Waai a kan seba yuenni, ka waai dek ale a tuesi la nyiini.>

¹⁸ <<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Tiatira la zuk. Wieŋa de a nyini ka waai ale ka Wen Nidoabinni ate wa ninaŋa a muni ase bolim ale a dɛ la, ate wa naŋtaataŋa a nye se kutuk ate ba pai se bolim po ate ku a nyaksi la ayen,

¹⁹

²⁰ Alege wari dinyi ate ni diem tali. Ni siak kama ate Jezebel nipok waai ale a weeni ayen wa ka Wen biisiteerɔ la, a sak ayen ni a nye kaboŋsa abe ni a dɛ bɔgta ŋandiinta.

²¹ Mi te wa suik kama ayen wa basi wa kaboŋsaŋa nyeka alege wa kan yaali ayen wa basi.

²² Ni wom mi. Wa ale baai ale tigsi chaab a nye ba kaboŋsaŋa ale kan yaali ŋa basika la, m le basi ate tuem a yik ba ate ba duak tɛŋ a nam yegayega.

²³ M le basi ate wa bisaŋa a kpi, ate Kirisita bisaŋa meena a seba ayen mi ka waai ale seba nuruba suiniima po ale ka diila. M le tuni ni meena ni le tom diila.

²⁴ Nama baai ale bo Tiatira tɛŋka po ale kan va wa sinsaŋŋa la alege an zamsi Sitaana wa susuŋŋa la, m kan pai jib yonta a ji ni.

²⁵ Ni ŋmasi yik dii ate ni ta la ate m ga jam.

²⁶ Ni dan ŋmasi yik nalimnyiini ate ku peenti m sui ale ge ate ku paari ku kpeglimka, m le bobi ni m nalima ate ni soa tɛŋka meena nuruma.

²⁷ M Kowa ale pai wa pagrimu a te mu ayen m soa ba ale pagrim. Ni seba samɔniŋ mɛɛrɔwa a nyiem ale pai wa kukku diokku a nak samɔniŋ sii ale kan nala a mobi la. Nama mɛ ale soa ba ka dila.

²⁸ M zuli ŋaai ale m nalim buui ate m le pai a te ni la, le kasim a nyaksi ase ka vari chiŋmarika la.

²⁹ Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la.>