Pa Sakka 18 - WEN GBAŊKA

¹ Ku ŋaaŋnyiŋ mi yaa nya Maarɔwa choa ale wa nyini wenŋmazuk a siŋ tɛŋ. Wa ta ka pagrim nna yegayega ale a nyaksi a nya tɛŋka meena.

² Wa yaa kaari weeni ale lueluk kpioŋ ayen, <

³ Ka kaboŋsa tuimaŋa a nye ase ka daam la, ate tɛŋsa meena a nyu. Tɛŋka zuk nalimaŋa a zamsi kaboŋsa tuima ka kala jigi. Tɛŋka zuk geruŋdɔma a va ka ka kɔrisa tuimaŋa nyiŋ a jigsi.>>

⁴ Mi yaa ŋman wom lueluk ku choa wenŋmazuk a weeni ayen, <

⁵ Ka tuimbaataŋa a piisi ka nna yegayega, Wen abe teeri wa nyeka tuemu wie kama.

⁶ Ni nye ka ase ka mɛ ale a nye nama diila, ka ale nye ni dii meena la, ni nye dila ku nɔi buye a tuni ka. Ka ale sueri beerika ale daamu a te nama la. Nama mɛ a sueri ku nɔi buye a te ka.

⁷ Ni te ka ninam yegayega ase ka ale pai nalim ale masim a te ka dek diila. Diila wa kasim a weeni wadek kama ayen,

⁸ Wieŋa de nyiŋ, dai yeŋ ninam tɔgatɔga ase nyiŋtuila ale kum ale suipuurum ale kom ale yik wa. Ate bolim a dɛ wa dii nyiŋla Naawen dii ale ka Wen dii ale a bo wa buusa la a zuak kama yegayega.>>

⁹ Tɛŋzuk de nalimaŋa baai ale maa tom ka kaboŋsaŋa ale ka kɔrisa tuimaŋa la ale kum te ka ase ba nin nya bolimu ale a dɛ ka ate nyuisaŋa a yiti la.

¹⁰ Ba za ka nna niŋniŋa a nya dii nyiŋla ba a chali ka yɔgsum ale ba nin maa nam. Ba za kama a weeni ayen nya ku ale bie dii nna yegayega. Tɛŋ kpieŋka de ate miita pisiyuebi po ka deri nya ninam.

¹¹ Tɛŋka geruŋdɔma meena a kum a te ka diila waai a kan da ba ŋantaŋa.

¹² Waai a kan ŋman da ti ligmɔniŋka ale kpanaŋa ale tintana ŋaai ale a nyaksi la, ale ŋan baai ale a nyaksi la, ale ti garuk peelitaŋa ale ti garuk sobtaŋa ale garuk saalisaŋa ale ti garuk mɔntaŋa, ale ti daataŋa tɔgatɔga ka ale ŋan baai meena ate ba pai yauk nyina a nye ba la, ale da tii ligra ale pagra la, ale ti kutaŋa, ale ŋan baai ate ba pai nye diina puusa po la,

¹³ ale ŋan baai nyum ale masa la ale ti daamu ale ti kpaamu ale zeuŋtaŋa ale ŋanbieŋa ale ti niiŋa ale ti piisaŋa ale ti wusumaŋa ale ŋa torokoma ale ti yɔmma ale nurubisa chiisaŋa.

¹⁴ Ate geruŋdɔma yaa weeni wa ayen fi jɔk ŋan maŋsaŋa meena kama a jɔk fi nalimu mɛ. Fi be kan ŋman nya ba.

¹⁵ Geruŋdɔ baai meena ale gerim tɛŋ kala po a jigsi la ale za ka nna niŋniŋa, dii nyiŋla ba a chali ka yɔgsum ale ba ale maa nam ale wa. Ba le kasim kaari kama,

¹⁶ a weeni ayen, <

¹⁷ Ate ba deri jɔk ba ŋantaŋa meena miita pisiyuebi po.>> Ŋaaruŋtaŋa kpaŋŋa ale baai ale baai ale va ŋaaruŋtaŋa a nyiem ale baai ale a dam ŋaaruŋtaŋa ale baai meena ale a tom nyakpiemu po a dɛ la a yaa za niŋniŋa.

¹⁸ A kaari dii nyiŋla ba ale nya bolimu ale a dɛ ba ate nyuisaŋa a yiti diila. Tɛŋ a jam karo a magsi chaab ale tɛŋka de.

¹⁹ Ba jam kasim ŋari ka tanta a basi ba zuimaŋa po, ale a kaari a weeni ayen dii ale a nye tɛŋka de po la a bie ka yega. Ka ka tɛŋ kaai ate nuruba a jam ka ale ŋaaruŋta a gerim, a va ka ŋantaŋa nyiŋ a jigsi. Ate ka deri yiti dai yeŋ a jɔk jaab meena.

²⁰ Baai meena ale bo wenŋmazuk la, ni basi ate ni sue peenti Wen ale kaasi ka la nyiŋ. Wen nuruma ale Yeezu tuimtomdɔma ale Wen biisiteerɔma, ni basi ate ni sue peenti. Wen kaasi ka kama ba ale nye ni diila nyiŋ.

²¹ Ate maarɔ kpioŋ a yaa pai tintain ate di soa ase niri la a yuk basi nyakpiemu po, ale weeni ayen, Wen a za wa yuk tɛŋ kpieŋka Babilon ale pagrim a basi ka dila dekdega ate waai a kan ŋman nya ka.

²² Nuruba a kan ŋman wom nuruba luelita yaase kpanta nakka yaase paampuuŋta peerika yaase damunsa peerika. Nuru kan ŋman tom tuini tɛŋ kala po, waai abe kan wom niri num ka.

²³ Waai a kan nya zeuŋ toati ka tɛŋ kala po yaase nipok faarik wari du. Tɛŋ kala geruŋdɔma ale jam pagra tɛŋka meena zuk ate ka nuruma a tom kperisa tuima a paasi tɛŋka zuk nuruma meena.

²⁴ Babilon a nya ninam yegayega dii nyiŋla ba ale ko Wen biisiteerɔma ale Wen nuruma ale nuruba yegayega ate ba ziimu a nyini tɛŋka po la.