Pa Sakka 17 - WEN GBAŊKA

¹ Ate maarɔba bayopɔiwa wanyi waai ale jam ta china ŋayopɔi la a yaa jam weeni mi ayen, <

² Tɛŋka nuruma ale ba nalimaŋa ale wala a maa chaab a tom ka kabonsa tuima. Nuruma ale wala ale jam nye diila a nye se ka daam ate ba nyu buk la.>>

³ Wen Chiika ale basi ate maarɔwa a pai mi a ta cheŋ sagni po la. Duŋ kpieŋ mɔnuŋ ale jam ta zuima ŋayopɔi ale nyiila pi a jam za du. Ba jam ŋmarisi ka leeta yue nna yegayega ŋaai ale jam a lɛ Wen la a dueni ka nyiŋ ate nidoa yaalika a yaa jam kali ka zuk.

⁴ Wa jam jo ka garuk sobluk ale garuk mɔnuŋ ale maa su ligmɔniŋ ale tintana ŋaai ale a nyaksi la ŋanta. Wa jam ta ka ligmɔniŋ beerik ate ŋan daŋtisa a sueri ka, kude a sak ka wa nidoa yaalik tuimaŋa.

⁵ Ba jam ŋmarisi ka yuei a dueni wa diri nyiŋ. Yuenni kiri a jam suk kama. Basi ate m pai di kiri a ta nyini peelim a weeni sak fu. Yuenni kiri ale,

⁶ Mi yaa jam nya ale nipowa a jam nyu ka Wen nuruma ale nuru baai ale jam kan basi Yeezu vaka la ziimu. Mi le jam nya wa la, ku jam ka wakperikaliik yegayega mi jigi.

⁷ Maarɔwa yaa weeni mi ayen, <

⁸ Duŋ kala a jam boro kama alege a ŋman karo. Ka abe za ka nyini ka vɔrup buui ale kan ka kpeglimka la po a nyini ate ba a kaasi ka. Nuru baai wie ale kan ŋmarisi dua ŋanvuta gbaŋka po a nyini diipo ate ba an diem nye tɛŋka la, ku le cha ba ase ba nin nya ka. Ka jam boro kama alege yɔgyɔgla de ka ŋman karo, alege ka le pilim vuri nyini.

⁹ <

¹⁰ Ŋa bɛ ka nalima ŋayopɔi. Nalima ŋanu ale jɔk ba naamu alege wanyi a dɛ wa naamu diema alege wanyi an diem jam ya, wa dan jam wa ale dɛ wa naamu ka maga.

¹¹ Duŋ kaai ale jam boro alege a ŋman karo la a yaa saari ka nalima naaniŋ. Wa abe ka ŋayopɔiwa po wanyi a za wa nyini ate ba kaasi wa.

¹² <

¹³ Nalima piwa de meena a ta ka popola yena. Ba abe pai ba pagrimu a te ka duŋka.

¹⁴ Ba ale nye kpaliŋ ale Pabiika alege Pabiika ale baai ate ka lueri ate ba va ka ale siaka la ale nak dɛ ba meena dii nyiŋla ka ka nyama meena Nyɔnɔ ale nalima meena Naab.>>

¹⁵ Maarɔwa yaa weeni mi ayen, <

¹⁶ Nyiila piwa ate fi nya la ale duŋka ale kisi nidoa yaalika kama ate ba yaa yik jaabuuri meena ate wa ta la a tuesi alege basi wa chaboala. Ba ale ŋɔbi wa nyiŋ lammu abe ba kaasi wa ale bolim.

¹⁷ Wen dek ale te ba suik ayen ba a tom ale chaab ate wa ale poli ayen dii a nye la, abe di nye. Abe ba pai ba pagrimu a te duŋka ate ka soa naamu a nya ate Wen wieŋa a chim wensie.

¹⁸ <>