Pa Sakka 14 - WEN GBAŊKA

¹ Ate mi yaa nya ale Pabiik ale nuruba tusa kook ale pisinaansi ale banaansi (144,000) a za guuk kpioŋku Zayon zuk. Ba jam ŋmarisi ka Pabiika ale ka Kowa yue a dueni nuruma de nyiŋ.

² M jam wom ka lueluk kpioŋ mɛ a se nyiam ale nyini pina zuk a wuuri a siŋ la, yaa a se ŋmoruk ale a na la. Lueluk kpioŋku de jam nyini ka wenŋmazuk. Lueluk mɛ jam a nye ase nuru boari ale jam a nak kpanta la.

³ Ate ba yaa jam yi yi paali wenŋmazuk naamu zukpaglika niŋ ale ŋanvuta tinaansiwa ale nisɔm pisiye ale banaansiwa niŋ, ate waai an jam baga a zamsi yiini ka nuruba tusa kook ale pisinaansi ale banaansiwa (144,000) nyiini ale nya da tuesika a nyini tɛŋzuk la.

⁴ Ba de ale baai ale kan jam taŋ badek ale nipooba, diila ba jam yik badek ka cheri. Ba jam va Pabiika kama juijui meena ate ka a cheŋ la. Ba jam da ba kama nuruba po a pai ba a te Wen ale Pabiika ase yɔna ŋaai ale dɛ niŋ la.

⁵ Nuru an jam baga a weeni ayen ba velim venta. Ba jam ka kaasuŋ ale kunyi mɛ la.

⁶ Ate mi yaa ŋman nya maarɔ ale wa bo wenŋmazuk niŋniŋa a yaa yiri a cheŋ. Wa ta ka Wen wamaŋsaŋa ayen wa ta cheŋ ga a te tɛŋsa meena ale buura meena ale biisa meena ale nuruba meena.

⁷ Wa yaa weeni ba ale lueluk kpioŋ, ayen, <>

⁸ Wen maarɔ wa choa mɛ yaa yiri a vi maarɔwa ŋaaŋ ale a weeni ayen, <>

⁹ Wen maarɔ wa choa a yaa ŋman yiri a vi nwala ŋaaŋ ale a weeni ale lueluk kpioŋ ayen, <

¹⁰ Wen ta ka suipuurum ale ba ate wa ayen wa le te ba waalika. Wa suipuurumu a nye ase ka da pagrik la. Wa suipuurumu a nye ase ka da bula ate wa yaa fɛ ba ayen ba nyu la. Wa le basi ate ba pai ba a nyo ka bolim po ate ba nam nna yegayega Pabiika ale ka maarɔma baai ate ka lueri a te ka dek la niŋ.

¹¹ Bolim buui ate ba le nam bu po la nyuisaŋa a kasim a jueli ka wenŋmazuk taam wuu. Baai ale jam puusi a te duŋ kperikaliika ale ka bɔglukku ale ŋman basi ate ku pai ku yuenni a ŋmarisi ba nyiŋ la, bala dek ale ba kasim a nam alege kan nya vuusum.>>

¹² Dila ale soa ate Wen nuruma baai ale a siak a te Wen sinsaŋŋa alege kan zɛri Yeezu vaka la, ku a fɛ ayen ba va yɔgyɔgla ale chichiiba.

¹³ Ate mi yaa ŋman wom lueluk ale ku nyini wenŋmazuk siŋ jam a yaa weeni ayen, <<Ŋmarisi dii ate m le weeni la a dueni. Baai ale a tom tuima a te Naawen alege a kpi yɔgyɔgla la, ba sue le peenti kama.>> Wen Chiika mɛ a maa weeni gum du ayen, <>

¹⁴ Mi ŋman gaa nya la ale waai ale a nye ase saalɔbiik la, ale wa kali chiŋma peeluk zuk. Wa jam vuk ka zutɔk kaai ale a nye ase ligmɔniŋ ate ba pai nye la. Wa jam ta ka gɔtuk kuui ale ta nɔi la wa nisa po.

¹⁵ Wen maarɔ a yaa nyini Wen yenni po a nyini a biisi ale lueluk kpioŋ a yaa weeni ayen, <>

¹⁶ Ate waai ale jam kali chiŋmanni zuk la a yaa misi wa gɔtuku a ŋari tɛŋka ŋantaŋa.

¹⁷ Wen maarɔ wa choa mɛ yaa jam nyini Wen yenni dii ale bo wenŋmazukku la. Wa mɛ jam ta ka gɔtuk kuui ale ta nɔi la.

¹⁸ Wen maarɔ waai ale a nya bolimu zuk la, yaa nyini kuŋkuŋku jigini a weeni maarɔ waai ale ta gɔtuku la ayen pai fi gɔtuku a ŋari tiisaŋa diila yɔnaŋa a muni kama.

¹⁹ Maarɔwa yaa misi wa gɔtuku a ŋari tiisaŋa yɔnaŋa a lɔnsi tɛŋ a yaa tigsi ŋa a dueni juijui ate ba a ŋmiak ŋa nyiamu la. Dula jigini ale Wen suipuurumu ka bunyi.

²⁰ Ŋa nyiamu ŋmiaka jigini a jam bo ka tɛŋka ŋaaŋnyiŋ. Ba yaa le ga ŋmiak yɔna ŋaai ate maarɔwa a tigsi dueni la, ziim nna yegayega ale jam nyini ŋa po a nyini. Ziimu meena ale jam nyini la, bu jam chali tɛŋka kama a wɔŋa ase mɛɛla kobsiye la a yaa doa jueli a lim nuru zuk.