Pa Sakka 11 - WEN GBAŊKA

¹ Ate ba yaa pai tachek kaai ate ba pai a magsi ŋanta la, a te mi alege weeni ayen, <

² Kan fi magsi Wen yenni dabiaka, dii nyiŋla baai ale kan seba Wen la le jo ka dula a kaasi tɛŋ weleŋ kaai ate Wen lueri a te wadek la. Nuru bala le pai ka chiisa pisinaansi ale siye a kaasi ka.

³ Dila danni a dan paari, m le basi ate ka m seerɔba baye a jo boorik garuk, abe ba a sak nuruba Wen wieŋa ate ku ga paari daa tusidi ale kobsiye ale pisiyuebi (1,260).>>

⁴ M seerɔba bayewa de ka kpaam tiisa siyewa ale zeuŋta tiyewa a maa chaab za Wen dii ale soa tɛŋka meena la niŋ.

⁵ Baai meena ale a yaali ayen ba kaasi ba la, bolim ale nyini ba noaŋa po a dɛ ba a ko. Ba ale kasim a nye ka nna a ko ba dachaasaŋa.

⁶ Ba ale a sak Wen wieŋa la, ba ta pagrim mɛ kama a nye ate ŋmoruk kan ni, ale baga a nye mɛ ate bulisaŋa nyiamu a nye se ziim la. Ba be ta pagrim kama a nye ate nyiŋtuila a yik nuruba ase ba ale a yaali diila.

⁷ Ba dan sak Wen wieŋa a nueri, duŋ chichimi ale ta pagrim nna yegayega la, le nyini vɔrup buui ale kan ta kpeglimka la po a nyini a nye kpaliŋ ale ba. Wa le yik ba nɔi bayewa a ko ba.

⁸ A pai ba nyiŋsaŋa a dueni tɛŋ kpieŋka po, juijui ate ba yik ba Nyɔnɔwa Yeezu Kirisita a kpi jabarimu nyiŋla. Ba maara wi tɛŋ kala ayen ka Sodom yaase Ejipiti.

⁹ Baai ale jam nyini tɛŋsa meena ale buura meena ale biisa meena po la, a jam nya ba nyiŋsaŋa ale jam doa dula la alege ba an jam basi ate nuru pai ba a gu ya. Ba le nye ka dila ate ku ga paari daa ŋata ale geli.

¹⁰ Duŋ chichimini a dan jam ko nuru bala bayewa, tɛŋka meena nuruma sue ale peenti kama, ba le basi ate ba nye gɔgta abe ba te chaab tiirita, dii nyiŋla, nuru bala bayewa ale jam basi ate ba nya ninam nna yegayega.

¹¹ Daa ŋata ale geli ale taam la, Wen yaa tom wa chiika ayen wa jam nak ate ba yiti kum po. Nuruba ale nya ale ba ŋman yiti za kama la, yɔgsum yaa yik ba yegayega.

¹² Ate nuruba bayewa yaa wom ale lueluk pagrik a nyini wenŋmazuk siŋ a weeni ba ayen, <> Ba yaa jueli dula ate chiŋmari yaa lik ba ate ba dachaasaŋa mɛ a yaa za a nya ba.

¹³ Tɛŋka yaa deri choa nna yegayega a ko nuruba tusa ŋayopɔi (7,000) alege poori tɛŋka soa se chaab la pi a yaa lueri kaukku kunyi a yik kaasi. Yɔgsum yegayega yaa jam yik baai ale jam tali la ate ba yaa a te zula yegayega Wen dii ale kasim bo wenŋmazukku po la.

¹⁴ Ninam buui ale a saari buyewa la, a nueri kama, alege ku kan beni ate ninam buui ale pai a saŋ butawa la, le jam yɔgyɔgla.

¹⁵ Ate Wen maarɔ waai ale gum du a saari bayopɔiwa la a yaa peeri wa damuniŋka. Mi yaa wom ale lueluk kpienta a nyini wenŋmazuk a weeni ayen, <>

¹⁶ Nisɔm pisiye ale banaansiwa baai ale jam kali a moata Wen la a yaa duak tɛŋ ale a yiti wenzuk a puusi Wen ale a weeni ayen,

¹⁷ <

¹⁸ Diipo ate fi suinni ayen di puuri ate fi ayen fi bo buusa a te baai ale kpi la a paari kama. Dila ale soa ate baai ale kan seba fu la, a ta suipuurum ale fu. Diipo mɛ ate fi ayen fi tuni fi biisiteerɔma baai ale ka fi tomteerɔba la, ale fi nuru baai ale ka pagrɔba ale niwoba ale a te fu zula la a paari kama. Di danni a paari kama ayen fi kaasi nuru baai ale kaasi tɛŋzuk ŋanta la.>>

¹⁹ Ate Wen yenni ale bo wenŋmazuk la yaa lagri, wa yenni po nɔiyeŋ dakanni yaa boro. Chiŋmari yaa nyaksi ale na ate tɛŋka choa nna yegayega ate ŋmoruk tana a jam la.