Obadia 1 - WEN GBAŊKA

¹ Obadia ale jam gɔdaasim diila ale nna. Nya kude ate Nyɔnɔwa Naawen a weeni a magsi chaab ale Edom. Ti wom ka wari a nyini Naawen jigi ayen, Waai ale ba tom ayen wa cheŋ tɛŋ kpieŋsaŋa po a ga weeni ayen, <>

² <

³ Fi suinummu kanjantaŋa a paasi fu kama, fi waai ale bo pinaŋa po ale sɛ fi yenni ŋmai la, fi weeni ka fidek ayen,

⁴ Fi poom a yiri wen ase ka jiiruk la ale a yɔk fi tukku chiŋmarisaŋa po, dula ate m le ta fu a siŋ tɛŋ,>> Ka Naawen ale weeni.

⁵ <

⁶ Alege nya ba ale vari Iisɔ dii yaa, ba koalim wa nitalimu ate wa pai suk la kama.

⁷ Fi sɔmma meena ale fɛ fu a ta cheŋ tɛŋka banni. Fi doama ale paasi fu a nya pagrim fi zuk. Baai ale a dɛ fi ŋandiintaŋa la ale bari fu alege fi kan miŋ ku.

⁸ Naawen weeni ayen, <

⁹ Teman, fi tugurik tɔŋdɔma kpaziita ale nak, ate waai meena ale bo Iisɔ guutaŋa po la ale kpi tugurik po.

¹⁰ Wɔkwɔkka ate fi jam nye ale fi suoku Jekob la nyiŋ, chivie ale lik fu. Fi ale kaasi kama taam wuu.

¹¹ Fi jam nye ase ka ba la la, dai dila danni fi jam za a nya kama ate nicham a ji ba jigsika ŋantaŋa, ate nicham a va ba nansuiŋtaŋa a jo a nak gbaŋ Jerusalem nyiŋ.

¹² Ku an magsi ayen fi valiŋ fi suoku dai dii danni ate wa bo daanika po la, yaase fi dɛ masim dai dii danni ate Juda demma a bo kaasuŋ po la, yaase fi kuulim nna yegayega ba daanika danni po.

¹³ Ku an magsi ayen fi gɔk santiri a gilim m nuruma nansuiŋtaŋa dai dii danni ate ku kaasi ba jigi la, yaase fi valiŋ ba ba daanika po ate ku kaasi ba jigi la, yaase ni peri ba jigsika ŋantaŋa a ta dai dii danni ate ba bo kaasuŋ po la.

¹⁴ Ku an magsi ayen fi za suimagsa po a yik baai ale chali a bɛ la, yaase fi pai baai ale vuuk la a nyo ba nisa po.

¹⁵ <

¹⁶ Ase fi ale jam nyu daam m tuilum guuku zuk diila, dila mɛ ate tɛŋ kpieŋsaŋa meena ale kasim a nyu daam. Ba ale kasim a nyu kama ate ku ale nye ba jigi nna se ba an poom nyu daam a nya la.

¹⁷ Alege varibasika ale bo Zayon Guuku zuk. Ka ale ta tuilum ate Jekob yenni ale soa ka nitalimu.

¹⁸ Naawen a weeni kama ayen, Jekob yenni ale chim ka bolim ate Josefi yenni a chim bolim ŋiak. Iisɔ yenni le chim ka kinkaa, ate ba pai a cheem bolim te ba dɛ a kaasi. Waai a kan vuuk a nyini Iisɔ yenni po.>>

¹⁹ Nuru baai ale nyini Negev la ale bo Iisɔ guutaŋa, ate nuru baai ale nyini guutaŋa tɛŋsa la ale soa Filistia demma tɛŋka. Ba ale tuesi Ɛfraim ale Samaria kaduksaŋa, abe Benjamin a soa Gilead.

²⁰ Izirali dem baai ale bo Keenan la ale soa tɛŋka a ga paari Zarefat. Nuru baai ale nyini Jerusalem ale ga bo Sefarad la ale soa Negev tɛŋ fiisaŋa.

²¹ Varibasidɔba le cheŋ jueli Zayon Guuku zuk a nya Iisɔ guutaŋa zuk. Ate Naawen ale soa naamu.