Nyinika 9 - WEN GBAŊKA

¹ Naawen yaa weeni Moosis ayen, <>

² Fi dan zɛri an te ti ba cheŋ ya alege kasim peri ba tara,

³ Naawen nisa ale ta nyiŋtuila a jam ni duŋsaŋa ale bo laŋsaŋa po la. Wa le ta jam ni wusumaŋa ale bonsaŋa ale laalaakomima ale niiŋa ale piisaŋa ale buaŋa zuk.

⁴ Alege Naawen ale basi ate ku chim ku tɔga Ejipiti ale Izirali duŋsaŋa suŋsuŋ, ate Izirali demma duŋ mɛ la a kan kpi.> >>

⁵ Naawen yaa te diipo ate wa le nye la a weeni ayen, <>

⁶ Vari ale jam veenti la Naawen yaa nye dila. Ejipiti demma duŋsaŋa meena a kpi kama, alege Izirali demma duŋ yeŋ mɛ la an kpi ya.

⁷ Faaro yaa tom nuruma ayen ba ga kpesi nya ate ba nya ayen Izirali demma duŋ yeŋ mɛ an kpi ya. Alege wa suinummu po wa an siak a te ba, wa be kan te ti ba cheŋ.>>

⁸ Ate Naawen yaa weeni Moosis ale Aaron ayen, <

⁹ Bu le chim nyuŋ maŋ Ejipiti meena ate nirisa ale moari nuruba ale duŋsa tɛŋka meena po.>>

¹⁰ Ba yaa nye kaalim daaniŋ a zaani Faaro niŋ. Moosis yaa yuk kaalimu a basi wen ate nirisa a moari nuruba ale duŋsa.

¹¹ Sampoporisaŋa an baga a zaani Moosis niŋŋa dii nyiŋla nirisaŋa a jam moari ba kama ale Ejipiti demma meena.

¹² Alege Naawen a basi ate Faaro suinummu pagra ate wa kan wom Moosis ale Aaron, ase Naawen ale weeni Moosis diila.

¹³ Naawen yaa weeni Moosis ayen, <

¹⁴ dan kan daa di yɔgyɔgla de m le basi ate daanika a jam fi zuk ale fi nisɔmma ale fi nuruma, ate fi seba ayen waai a karo a nye ase mi la tɛŋka meena zuwa.

¹⁵ Nna po dɛ m ti teeri ka nisa a nak fi nuruma ale nyiŋtuila ate ŋa nueri ni tɛŋka zuk.

¹⁶ Alege mi zak ni a zaani kama kude nyiŋ, ayen m baga a sak ni m pagrimu ate m yuenni mɛ ba mooli ate di cheŋ tɛŋka meena.

¹⁷ Alege ni diem a ta chaab ale m nuruma a kan te ti ba a cheŋ.

¹⁸ Dila nyiŋ, chum nna po de m le basi ate viok ale ŋmoruk tana le bie la a jam. Viok kuui ale kan jam Ejipiti a nya la, a zaani tɛŋka piilimka a jam paari yɔgyɔgla de.

¹⁹ Be te nɔi yɔgyɔgla de ate ba ta duŋsaŋa ale jaabuuri meena ate ni ta ŋa ni talimu po la a jam yeri po, dii nyiŋla ŋmoruk tanaŋa a za ŋa lo nuru meena ale duŋ sii meena ale diem bo laŋka po an jam jo yeri po la kama, ate si kpi.> >>

²⁰ Faaro nisɔm baai ale a chali Naawen wanni yɔgsum la, a nye nwuli a ta ba yɔmma ale ba duŋsaŋa a jam jo.

²¹ Alege baai ale zɛri Naawen wanni la, a basi ba yɔmma ale ba duŋsaŋa laŋka po.

²² Ate Naawen yaa weeni Moosis ayen, <

²³ Moosis ale zak wa doani a tuk wen la, Naawen yaa basi ate nanpansa ale ŋmoruk tana ale nyaksika a siŋ tɛŋka. Naawen a basi ate ŋmoruk tana a siŋ Ejipiti tɛŋka zuk.

²⁴ Ŋmoruk tanaŋa ale nyaksika a siŋ ate ku a nyaksi niŋ ale ŋaaŋ. Kula ale va pagrik a bie Ejipiti tɛŋka meena po a nyini diipo ate ka chim tɛŋ la.

²⁵ Ejipiti tɛŋka meena ŋmoruk tanaŋa a fɔbi jaab meena laŋsaŋa po ka tɛŋ ale nuruba ale duŋsa meena. A fɔbi jaab meena ale a chim laŋsaŋa po ale ŋasi tiisaŋa meena.

²⁶ Kauk kuui nyiini ate ku an fɔbi la, ale Gosen tɛŋka juijui ate Izirali demma a boro la.

²⁷ Faaro yaa wi Moosis ale Aaron a weeni ba ayen, <

²⁸ Puusi a te Naawen nanpansaŋa ale ŋmoruk tanaŋa ale siŋ ti zuk la a magsi kama. M le basi ate ni cheŋ. Ni kan ni ŋman boro.>>

²⁹ Moosis yaa tulisi ayen. <

³⁰ Alege mi seba ayen fi ale fi nisɔmma an diem a chali Naawen, dii ale ka Wen la yɔgsummoa.>>

³¹ Ŋankpaantaŋa ŋaai ale bɛ yaase ŋaai ale jam boro a biak la a jam kaasi kama,

³² alege ŋankpaan tii ale wari ŋaaŋ la an jam a kaasi ya.

³³ Moosis yaa basi Faaro ale nyini tɛŋka po a nyini. Wa zak nisa tuk Naawen nyiŋ, ate nanpansa ale ŋmoruk tanaŋa a basi, ate ŋmoruk an ŋman chuiri tɛŋka zuwa.

³⁴ Faaro ale nya ale ŋmoruk tana ale nanpansaŋa a basi la, wa ŋman nye kaasi. Wa le wa nisɔmma a basi ate ba suiniimaŋa a pagra.

³⁵ Faaro suinummu yaa jam pagra ate wa kan te ate Izirali demma a cheŋ ase Naawen ale biisi va Moosis zuk diila.