Nyinika 8 - WEN GBAŊKA

¹ Naawen yaa weeni Moosis ayen, <

² Fi dan zɛri an te ate ba cheŋ ya, m le namsi fi tɛŋka meena ale baŋuuna.

³ Nile benni ale sueri ale baŋuuna. Ŋa le jueli a jam jo fi yenni po ale dɔk kuui ate fi a goa la ale fi gaduokku zuk ale fi nisɔmma yeeŋa po ale fi nuruma zuk ale fi borobottaŋa se ka jiŋŋa ale ba le a bilisi borobottaŋa ŋan baai zuk la.

⁴ Baŋuunaŋa ale jueli fi ale fi nuruma ale fi nisɔmma zuk.> >>

⁵ Ate Naawen yaa weeni Moosis ayen, < >>

⁶ Aaron yaa teeri wa nisaŋa Ejipiti nyaataŋa zuk ate baŋuunaŋa a jueli a lik tɛŋka.

⁷ Alege sampoporisaŋa mɛ a nye dila dek ale ba kperisaŋa. Ba mɛ nye ate baŋuuna a jueli jam Ejipiti tɛŋka.

⁸ Faaro yaa wi Moosis ale Aaron a weeni ba ayen, <

⁹ Moosis yaa weeni Faaro ayen, <>

¹⁰ Faaro yaa weeni ayen, <> Moosis yaa weeni ayen, <

¹¹ Baŋuunaŋa ale basi fu ale ni yeeŋa ale fi nisɔmma ale fi nuruma. Ŋa le tali bo ka Nile benni po nyiini.>>

¹² Moosis ale Aaron ale basi Faaro la ŋaaŋnyiŋ, Moosis yaa kaari weeni Naawen baŋuunaŋa ate wa ta jam Faaro zuk la wari.

¹³ Ate Naawen a nye dii ate Moosis a bek la. Baŋuunaŋa a kpi yeeŋa po ale dabaasaŋa po ale laŋsaŋa po.

¹⁴ Ba yaa tigsi ŋa dueni nna berr, berr, ate tɛŋka a nyuŋ ale ŋa.

¹⁵ Alege Faaro ale nya ayen wa vuusi ale baŋuunaŋa la, wa ŋman basi ate wa suinummu a pagra a kan wom Moosis ale Aaron ase Naawen ale poom liŋ a weeni la.

¹⁶ Ate Naawen yaa weeni Moosis ayen, < ate Ejipiti tɛŋka meena tantaŋa a chim bunbuma.>>

¹⁷ Ba le nye nna ate Aaron a teeri wa nisaŋa ale doani a nak tɛŋka tantaŋa la, bunbuma a deri jam nuruba ale duŋsa nyiŋsa. Ejipiti tɛŋka tantaŋa meena a chim ka bunbuma.

¹⁸ Alege sampoporisaŋa ale yen ba a nye bunbuma ale ba kperisaŋa la ba an baga nye ya. Ate bunbuma a bo nuruba ale duŋsa nyiŋsa.

¹⁹ Sampoporisaŋa a weeni Faaro ayen, <> Alege Faaro suinummu a pagra wa kan wom ase Naawen ale poom liŋ a weeni la.

²⁰ Naawen yaa weeni Moosis ayen, <

²¹ Fi dan kan basi ate m nuruma a cheŋ ya, m le basi ate nanjuŋsa a jam si beŋ fi jigi ale fi nisɔmma jigi ale fi nuruma jigi ale ni yeeŋa po. Nanjuŋsaŋa ale sueri Ejipiti demma yeeŋa ale ba le bo juijui la tɛŋka meena.

²² <<

²³ M le basi ate ku chim ku tɔga mi nuruma ale fi nuruma suŋsuŋ. Wakinkagni de ale nye chum.> >>

²⁴ Ate Naawen yaa nye nna. Nanjuŋsa si beŋ, si beŋ a jam jo Faaro yenni ale wa nisɔmma yeeŋa ale Ejipiti tɛŋka meena nanjuŋsaŋa a jam kaasi kama.

²⁵ Faaro yaa wi Moosis ale Aaron a weeni ayen, <>

²⁶ Alege Moosis a weeni ayen, <

²⁷ Ti le cheŋ suik daa ŋata a jo gɔnni po a nye kaabka a te Naawen ti Wenni ase wa le weeni ti diila.>>

²⁸ Faaro yaa weeni ayen, <>

²⁹ Moosis yaa tulisi ayen, <>

³⁰ Ate Moosis yaa basi Faaro ale puusi a te Naawen,

³¹ ate Naawen a nye Moosis ale bek diila. Ate nanjuŋsaŋa a basi Faaro ale wa nisɔmma ale wa nuruma, nanjuŋ yeŋ mɛ la an tali ya.

³² Alege yɔgyɔgla de mɛ Faaro a basi ate wa suinummu a pagra ate wa kan te nuruma a cheŋ.