Nyinika 7 - WEN GBAŊKA

¹ Ate Naawen a weeni Moosis ayen, <

² Se fi weeni dii meena ate mi a weeni fu la, abe fi suoku Aaron a weeni Faaro ayen wa basi ate Izirali demma a nyini wa tɛŋka po.

³ Alege m le basi ate Faaro suinummu a pagra, m le poom basi ate m wakinkaglaŋa ale wakperikaliisaŋa a piisi Ejipiti po,

⁴ alege wa kan wom fu. Ate m le pai m nisa a vi Ejipiti zuk a tom tuim kpiema ale buusa m le ta m nuruma Izirali demma ba beŋ, ba beŋ a nyini.

⁵ M dan teeri nisa a ta chaab ale Ejipiti demma a ta Izirali demma a nyini, Ejipiti demma ale seba ayen mi ka Naawen.>>

⁶ Moosis ale Aaron yaa nye dii dek ate Naawen a weeni ba la.

⁷ Moosis a jam ka bena pinaanuŋ alege Aaron a ta bena pinaanuŋ ale ŋata diipo ate ba biisi ale Faaro la.

⁸ Naawen yaa weeni Moosis ale Aaron ayen,

⁹ < be weeni Aaron ayen, ate di chim waab.>>

¹⁰ Moosis ale Aaron yaa cheŋ Faaro jigi a nye dii dek ate Naawen a weeni la. Aaron yaa yuk doani a lɔnsi Faaro ale wa nisɔmma niŋ, ate di chim waab.

¹¹ Faaro yaa wi yam nyam ale sampoporisa, ate Ejipiti sampoporisaŋa mɛ a nye dila dek ale ba kperisaŋa.

¹² Ba wanyi meena a yuk wa doari a lɔnsi tɛŋ ate di chim waab. Alege Aaron doani a nɛ ba doaŋa.

¹³ Ku meena ŋaaŋnyiŋ Faaro suinummu a pagra kama ate wa kan wom ba ase Naawen ale poom weeni diila.

¹⁴ Ate Naawen yaa weeni Moosis ayen, <

¹⁵ Cheŋ Faaro jigi saluik diipo ate wa nyini a cheŋ benni la. Limisi Nile benni nɔi ate fi tu wa. Pai fi doa dii ale tagri a chim waamu la a nyo fi nisa po.

¹⁶ Weeni wa ayen,

¹⁷ Dii ate Naawen a weeni la ale nna. Kude ale basi ate fi seba ayen Mi ale Naawen. Doani ale bo m nisaŋa po la m le pai nak Nile benni nyiamu, ate bu tagri a chim ziim.

¹⁸ Jumaŋa ale bo Nile benni po la ale kpi, ate benni a nyuŋ, ate Ejipiti demma a kan baga a nyu di nyiamu.> >>

¹⁹ Naawen a weeni Moosis ayen, < ate ba tagri chim ziim. Ziim ale bo jigi meena Ejipiti tɛŋka po. Bu le maa bo daata bogtiba ale tintain liisa po.

²⁰ Moosis ale Aaron yaa nye dii dek ate Naawen a weeni la. Wa zak wa doani ka Faaro ale wa nisɔmma niŋ a nak Nile benni nyiamu, ate nyiamu meena a tagri a chim ziim.

²¹ Jumaŋa ale bo Nile benni po la a kpi, ate benni a nyuŋ nna biokbiokwa ate Ejipiti demma an baga a nyu di nyiamu. Ziim ale jam bo jigi meena Ejipiti tɛŋka po.

²² Alege Ejipiti sampoporisaŋa mɛ a nye dila dek ale ba kperisaŋa, ate Faaro suinummu a ŋmasi pagra. Wa kan wom Moosis ale Aaron ase Naawen ale poom ŋaam weeni diila.

²³ Wa goanti cheem kama a cheŋ jo wa yenni po ale an poom pai nyo wa suinum po.

²⁴ Ate Ejipiti demma meena a tu bulisa Nile benni nɔi ayen ba nyu nyiam, dii nyiŋla ba an jam baga a nyu benni nyiamu.

²⁵ Daa ŋayopɔi ale jam taam ate Naawen a nak Nile benni nyiamu.