Nyinika 31 - WEN GBAŊKA

¹ Naawen yaa jam weeni Moosis ayen,

² <

³ ate mi sueri wa ale Wen Chiika ale tuima sebika ale wie miŋka yam a bo nisa tuima meena po la

⁴ ate wa baga a pai ligmɔniŋ ale kpana ale kutuk mɔnuŋ a ŋmirisi ŋa a magsi tuima meena po

⁵ wa baga a gebi tintana, wa ale baga a tom daata tuima ale nisa tuima meena.

⁶ Mi ŋman yeeri ka Oyoliab Ayisamak nidoabinni ale nyini Dan dɔkku la ayen wa maari wa. Mi ŋman te sebika baai meena ale ta nisa tuima la ayen ba nye dii meena ate mi weeni fi la.

⁷ Tuka viuku ale nɔiyeŋka dakanni ale biem duisi basika nanlikka ale viuku ŋanta mbala meena

⁸ ale jazaanimu ale ku ŋantaŋa ale cheri ligmɔniŋ jazaanimu ale ku ŋantaŋa meena kuŋkuŋku ate ba a ju nyum masik du la,

⁹ ale kuŋkuŋku ate ba a nye juka tiirimu la ale ku ŋantomtaŋa ale chin kpienni ale di jazaanimu

¹⁰ ale garuk tii ate ba yɔk la tuilum gatta buyewa ale magsi Aaron ase kaabteerɔ la ale wa nidoabilisaŋa gattaŋa ase ba nin boro a tom ase kaabteerɔba la

¹¹ ale bobika kpaam ŋan baai nyum ale masa la a magsi jigi dii ale ta tuilum la. Ba a magsi ba nye ba ase ka dii dek ate m weeni fu la.>>

¹² Ate Naawen yaa weeni Moosis ayen,

¹³ <

¹⁴ <<

¹⁵ Daa ŋayuebi, ni pai a tom tuima, alege daa ŋayopɔiwa danni ka Vuusum Dai a ta tuilum a te Naawen. Nuru waai ale a tom tuima Vuusum Danni la, ku a fɛ ate ba ko wa.

¹⁶ Izirali demma a kpesi Vuusum Danni, a dɛ tigini ate gaŋ sii ale cheen la ku chim wa dii ale di boro a benni ase nɔiyeŋ la.

¹⁷ Ku le chim ka daana mi ale Izirali demma suŋsuŋ taam wuu, ka daa ŋayuebi ate Naawen a pai nye wenŋmazukku ale tɛŋzuk de, daa ŋayopɔiwa danni wa basi tuima kama ale vuusi.>>>

¹⁸ Ase Naawen ale jam biisi ale Moosis Sinai Guuku zuk a ga nueri la, wa yaa te wa tintain paglaksa siyewa ate wa wanni a bo ŋa zuk la, tintain paglaksaŋa ate Wen a pai wa nandub a ŋmarisi la.