Nyinika 30 - WEN GBAŊKA

¹ <

² Nye ku ŋmɔgluk ŋmɔgluga, ate ku woglimmu a paari anamagib buye ate ku labsimu a paari anamagib buye, ku juelika a paari anamagib bunaansi. Nye ku nyiilaŋa mɛ ale daataŋa.

³ Pa cheri ligmɔniŋ a taari ku ŋmanni ale ku ganaŋa ale nyiilaŋa abe fi pai ligmɔniŋ a gebiri gilim ku.

⁴ Nye ligmɔniŋ baŋsa siye a basi ba le gebiri juijui ale ligmɔniŋka la kinni po ate siye a bo gauŋ kunyi meena a yik dawoŋtaŋa ate ba yik a ji la.

⁵ Nye siik dawoŋta a pai ligmɔniŋ a taari ti.

⁶ Pai kuŋkuŋku a zaani garuk panni niŋ ale moata nɔiyeŋka dakanni la biem duisi basika nanlikka niŋ ale lik nɔiyeŋka dakanni nɔi la, juijui ate m le tu fu la.

⁷ <

⁸ Ku a fɛ ate wa ju ŋan baai nyum ale masa la ase wa nin jo wa tɔti zeuŋtaŋa junɔi, ate ŋan baai nyum ale masa la a kasim a de Naawen niŋ a te ŋaaŋbiik sii ale cheen la.

⁹ Kuŋkuŋku de zuk kan ju nyum yoŋ yaase juka tiirim yoŋ yaase ŋandiinta tiirim yoŋŋoa, abe fi kan kpiiri nyuka tiirim ku zuwa.

¹⁰ Benni po bunyi ate Aaron a nye biem duisi basika kaabka kuŋkuŋku nyiilaŋa zuk. Benni po biem duisi basika de, ku a fɛ ate ba pai biem tiirim ziimu a nye biem duisi basika a te Naawen a te ŋaaŋbiik sii ale cheen la. Bu ŋmasi ta tuilum kama a te Naawen.>>

¹¹ Ate Naawen a yaa weeni Moosis ayen,

¹² <

¹³ Nuru waai a dan gaam cheŋ baai ate ba chiini la po, wa tuni Puusika Yenni ligni geli, a magsi chaab ale Puusika Yenni ligraŋa ate ŋa dobrimu a magsi chaab ale ligbie pisiye la. Tiirimu de ka Naawen ale Soa.

¹⁴ Baai meena ale gaam taam la, baai ale paari bena pisiye yaase ba gaam dila la, a te Naawen ka tiirim.

¹⁵ Jigsirɔma a kan te a gaam dila, ŋanjaksaŋa mɛ abe kan te pɔsimu ase nama a nin boro a te Naawen ayen wa nye biem duisi basika ni nyuvooŋa nyiŋ.

¹⁶ Tuesi biem duisi basika tiirimu a nyini Izirali demma jigi a tom Tuka Viuku tuimaŋa. Ku le chim ka teerika a te Izirali demma Naawen niŋ, a nye biem duisi basika ni nyuvooŋa nyiŋ.>>

¹⁷ Naawen a weeni Moosis ayen,

¹⁸ <

¹⁹ Aaron ale wa bisaŋa a sugri ba nisaŋa ale ba naŋsaŋa ale nyiam dula.

²⁰ Diipo meena ate ba a jo Tuka Viuku po la, ba sugri ate ba kan kpi. Ba dan forisi moata kuŋkuŋku mɛ ayen ba te tiirim buui ate ba nye ale bolim a te Naawen la,

²¹ ba yaa le sugri ba nisaŋa ale ba naŋsaŋa ate dila ale basi ate ba kan kpi. Kude ale chim ka wa dii ale di beni a te Aaron ale wa ŋaaŋbisaŋa ale cheena la.

²² Naawen yaa weeni Moosis ayen,

²³ <

²⁴ tiib pagta ate dobrimu a nye ase ligbie kobsinu la, ba meena a magsi chaab ale Puusika Yenni ligraŋa ale kpaam kɔlima ŋayopɔi.

²⁵ Nye ŋantaŋa de meena ase naam bobika tuilum kpaam la. Waai ale seba kpaam tuima la, a gum ba chaab ate ba nyummu a masa.

²⁶ Pai bu kpiiri Tuka Viuku ale nɔiyeŋka dakanni nyiŋ a puusi te ba ale

²⁷ jazaanimu ale ŋanta meena ale zeuŋku ale a zaani jabuui zuk la ale kuŋkuŋku ate ba a ju ŋanta du la ale

²⁸ tiirim juka kuŋkuŋku ale ŋan baai meena ate ba ta a tom ku tuima la, chin kpienni ale di jazaanimu.

²⁹ Fi gaari ba a magsi ate ba ŋmasi ta tuilum ate jabuui meena ale a tiri ba mɛ la ale ta tuilum.

³⁰ <

³¹ Weeni a sak Izirali demma ayen,

³² Kan pai bu a kpiiri nyo nuruba nyiŋsa be kan nye kpaam ase bu de la. Bu ta tuilum kama, fi mɛ a nya bu ase tuilum kpaam la.

³³ Waai dek ale a nye kpaam ase bu de la, waai dek ale pai bu a nyo nuru nyiŋ alege wa daa kaabteerɔ la, ku a fɛ ate ba yeeri wa nuruma po a nyini.> >>

³⁴ Naawen a weeni Moosis ayen, <

³⁵ Waai ale seba kpaam tuima la a gum ba chaab a ju. Ku a magsi yesa a boro abe bu nye cheri a ta tuilum.

³⁶ Num ŋan nyuntisaŋa lɔklɔk ase zom la a nyo nɔiyeŋka dakanni ale Tuka Viuku niŋka, juijui ate mi ale tu fu la. Ku a fɛ ate fi pai ŋantaŋa de a nye ba le magsi ba nye diila. Bu ŋmasi ta tuilum kama a te fu.

³⁷ Kan nye ŋan baai nyum ale masa la a ju a te fidek ase fi le nye bade diila. Nya ba ase ba ka tuilum ŋanta la a te Naawen.

³⁸ Waai ale a nye ŋan baai nyum ale masa ase bade la, a de masim ba nyummu nyiŋla, ku a fɛ ate ba yeeri wa a nyini wa nuruma po.>>