Nyinika 25 - WEN GBAŊKA

¹ Naawen a yaa weeni Moosis ayen,

² <

³ Tiirim tii ate fi le tuesi ba jigi la ale nna. Ligmɔniŋ ale kpana ale kutuk mɔnuŋ

⁴ garuk miik sobluk ale garuk miik ŋmiŋmiruk ale garuk miik mɔnuŋ ale gattiak peelik kaai diak ale pagra la ale buuk kɔbta.

⁵ Tuesi piisa gbaŋ sii ate ba tak ale muni si la ale gbaŋ maŋsa ale siik daata

⁶ ale kpaam a magsi bolimu ale tinaŋsa a magsi naam bobika kpaamu ale ŋanti baai nyum ale masa la.

⁷ Ale tintain ŋaai ale gamisi ale tintain yona ŋaai ale a nyaksi a pai ŋa a maŋ garuk genni ale jabuui ale a lik suinummu la nyiŋ.

⁸ <

⁹ Nye viuku de ale ku ponni ŋantaŋa meena ale a zaani du la a magsi chaab ale m le za m sak fu diila.

¹⁰ <

¹¹ Pai cheri ligmɔniŋ a taari di ponni po ale di ŋaaŋka meena, ale pai ligmɔniŋ a gebiri a gilim di noawaaŋa.

¹² Nye ligmɔniŋ baŋsa sinaansi a maŋ di naŋsa sinaansiwa, baŋsa siye meena a bo ganaŋa.

¹³ Abe fi yaali siik daata a pai ligmɔniŋ a taari ti zuk.

¹⁴ Pai daataŋa a su baŋsaŋa ale bo dakanni ganaŋa la a magsi yik jika.

¹⁵ Da woŋtaŋa abe kasim bo dakanni baŋsaŋa nyiŋ po, ni kan yeeri ti.

¹⁶ Abe fi pai m sinsaŋŋa piwa ale ŋmarisi doa tintain paglaksa siyewa nyiŋla a nyo dakanni po.

¹⁷ <

¹⁸ Abe fi pai ligmɔniŋ mɛ ŋanta ase ŋanvuta baye ate ba ta kinkaŋŋa a za nanlikka zuk ate ba tuk chaab.

¹⁹ Ŋanvutaŋa wanyi a zaani nanlikka nɔi abe m wala mɛ a zaani kpeglimka. Nye ba meena a basi nanlik yeŋka nɔi, ŋayewa nɔi waaŋa zuk.

²⁰ Ŋanvutaŋa kinkaŋŋa a zak wen a lagri a lik nanlikka. Ŋanvutaŋa a zaani a tuk chaab a nya nanlikka geŋsa.

²¹ Pai nanlikka a vi dakanni zuk a pai nɔiyeŋka a nyo di po. Nɔiyeŋ kaai ate mi ale te fu la.

²² Dula jigini nanlikka zuk, ŋanvutaŋa de bayewa suŋsuŋ, ale bo nɔiyeŋka dakanni zuk la, m le tu fu a te fu m sinsaŋŋa meena a magsi Izirali demma.

²³ <

²⁴ Pai cheri ligmɔniŋ a taari ku abe fi pai ligmɔniŋka a gebiri gilim ku.

²⁵ Abe fi nye jagigiluk ate ku labsa ase nitali la a gilim ku a pai ligmɔniŋ a gebiri ku a gilim noawaaŋa.

²⁶ Pai ligmɔniŋ a nye baŋsa sinaansi a magsi jazaanimu gugotta tinaansiwa juijui ate naŋsaŋa sinaansiwa a boro la.

²⁷ Baŋsaŋa a magsi si moata ka noawaaŋa a yik daataŋa ate ba pai a ji jazaanimu la a tara.

²⁸ Abe fi yaali siik daata pai ligmɔniŋka a taari ti, abe ni yik jazaanimu ale daata.

²⁹ Pai cheri ligmɔniŋ a nye ku taasi tanlaŋsaŋa ale chinaŋa a magsi ŋan baai nyum ale masa la, ale ku leŋsaŋa ale taasaŋa ate ba ta a kpiiri daam tiiritaŋa la.

³⁰ Ni pai mi niŋ boroboroku a dueni jazaanimu zuk ate ku kasim bo mi niŋ daa meena.

³¹ <

³² Zeuŋku naŋsaŋa a chim siyuebi, sita a bo kaukku kunyi, sita mɛ a bo kauk kunkula.

³³ Nye beerisa sita ate si a niesi almond puuta a bo naŋ kanyi zuk, sita a bo naŋ kinkala zuk, nye dila dek a basi naŋsa siyuebiwa zuk meena ale tom zeuŋ jazaanimu nyiŋla.

³⁴ Be nye zeuŋ jazaanimu zuk beerisa sinaansi ate si a niesi almond puuta.

³⁵ Puuk fiik kunyi ale magsi ku bo naŋsa siyewa ale dɛ niŋ ka a teeri nyini zeuŋ jazaanimu nyiŋla, ate buyewa po, puuk fiik a bo naŋsa siyewa nyiŋ, ate butawa po, puuk fiik a bo naŋsa sitawa nyiŋ, si meena ka naŋsa siyuebi.

³⁶ Puuk fiisaŋa ale naŋsaŋa meena a bo ka jigi yeŋ ale zeuŋ jazaanimu, ka cheri ligmɔniŋ ate ba le kuri a nye ŋantaŋa de.

³⁷ <

³⁸ Pai cheri ligmɔniŋ a nye boom ŋangebinta ale taasi tanlaŋsaŋa.

³⁹ Ka cheri ligmɔniŋ dobrim ase boorik yeŋ la ate ba pai nye zeuŋ jazaanimu ale ŋantaŋa de meena.

⁴⁰ Seba ate fi nye kude a va chaab ale dii meena ate m sak fu guuku zuk la.