Nyinika 18 - WEN GBAŊKA

¹ Yɔgyɔgla de Jetro, Midian kaabteerɔwa ale ka Moosis ŋachoba la, a wom dii meena ate Wen a nye te Moosis ale wa nuruma Izirali demma la, ale Naawen ale nye dii ta Izirali demma a nyini Ejipiti a nyini la.

² Moosis ale te ti wa powa Zippora a cheŋ la, wa ŋachobwa Jetro a tuesi wa kama

³ ale wa nidoabilisa bayewa. Nidoabinni wanyi wa te wa yuei ayen ka Gersom, Moosis ayen, <

⁴ Nwala yuei wa te ayen Ɛlieza, wa weeni ayen, <>

⁵ Jetro, Moosis ŋachobwa ale Moosis bisaŋa ale wa powa a yaa va chaab a jam Moosis jigi gɔnni po, juijui ate ba tigsi boro a moata Wen guuku la.

⁶ Jetro a poom te tomtomiŋ kama ayen, <>

⁷ Moosis yaa nyini a tu wa ŋachobwa a koori tɛŋ a gbaari wa. Ba yaa puusi chaab ale jo viuku po.

⁸ Moosis yaa weeni wa ŋachobwa dii meena ate Naawen a nye Faaro ale Ejipiti demma Izirali nyiŋla. Wa weeni wa mɛ ninam buui meena ate ba tu suiku po ate Naawen a nye dii a vari ba a basi la.

⁹ Jetro sui jam peenti kama wa le wom wamaŋ sii meena ate Naawen a nye te Izirali demma a vari ba Ejipiti demma nisa po a basi la.

¹⁰ Jetro weeni ayen, <

¹¹ Yɔgyɔgla de mi seba kama ayen Naawen a zuak gaam wen yona meena kama, wa nye nnala ale ka baai ale a nye Izirali demma gaasa la.>>

¹² Moosis ŋachobwa Jetro yaa ta juka tiirim ale kaab yonta jam te Wen, ate Aaron a jam ale Izirali nisɔmma ate ba dɛ ŋandiinta ale Moosis ŋachobwa Wen niŋ.

¹³ Vari ale veenti la Moosis a yaa kali chim nuruma boteerɔ, ate nuruma a zaani gilim wa a nyini saluik a ga paari junɔi.

¹⁴ Wa ŋachobwa ale nya Moosis a nye dii a te nuruma la, wa yaa weeni ayen, <>

¹⁵ Moosis yaa tulisi wa ayen, <

¹⁶ Ase diipo meena ba dan ta chaab, ba ta a jam ka mi jigi, ate mi yaa nya bayewa wanni a weeni ba Wen le a weeni dii ale wa ŋmarisika ale wa sinsaŋŋa la.

¹⁷ Moosis ŋachobwa yaa tulisi ayen, <

¹⁸ Fi ale nuruma de ale a jam fi jigi la ale yoariŋ kama. Tuimaŋa a zuak kama a te fu, fi an baga a tom ŋa fidek fi nyiini.

¹⁹ Be wom mi yɔgyɔgla de ate m sak fu, ate Wen a bo ale fu. Fi le magsi fi tagri nuruma a za Wen niŋ a ta ba wieŋa a jam wa jigi.

²⁰ Sak ba Wen sinsaŋŋa ale wa wieŋa, abe fi sak ba le ba boro dii ale tuim ŋaai ale magsi ba tomka la.

²¹ Lueri nuru baai ale baga a nya wie zuk nuruma meena po, nuru baai ale a chali Wen, wensie nuruba baai ale kisi ba yaali ŋanta a te badek ate ba chim kpaga a nya tusa ale kobsa ale pisinuba ale piisa zuk.

²² Basi ate ba chim nuruma boteerɔba diipo meena, alege ba ta wie ŋaai ale tua la a jam fi jigi, wie ŋaai ale kan tua la badek nya ŋa zuk. Kula ale basi ate fi tuimaŋa a valima a te fu, dii nyiŋla ni chari tuimaŋa kama.

²³ Fi dan nye dila a va chaab ale Wen sinsaŋŋa, fi le baga a zaani ale jiantaŋa de meena ate nuruma de mɛ meena a nya ba le a yaali diila abe ba kuli ale suipeentik.>>

²⁴ Moosis yaa wom wa ŋachobwa ale biisi diila a yaa nye wari meena ate wa weeni la.

²⁵ Wa lueri nuru baai ale baga wie zuk a nya la Izirali demma meena po, a basi ate ba chim kpaga nuruma zuk. Ba chim kpaga tusa ale kobsa ale pisinuba ale piisa zuk.

²⁶ Ba jam a tom ase ka boteerɔba la a te nuruba diipo meena. Wie ŋaai ale pagra la ba nyiem yaa ta jam ka Moosis jigi, alege wie ŋaai ale kan pagra la, badek a nya ŋa zuk.

²⁷ Ate Moosis yaa ta wa ŋachobwa Jetro a ga basi suik ate wa ŋman cheŋ wa tɛŋka.