Nyinika 16 - WEN GBAŊKA

¹ Izirali naakuuni meena yaa nyini Elim a jam Sin Gɔi kosikka ale bo Elim ale Sinai suŋsuŋ la. Ku jam ka benni po chi kaai ale a saari siyewa la, ka daa pi ale ŋanu dai ba le basi Ejipiti la ŋaaŋnyiŋ.

² Gɔi kosikka po Izirali demma meena jam a ŋuuni kama a ta chaab ale Moosis ale Aaron.

³ Izirali demma yaa weeni ba ayen, <>

⁴ Ate Naawen yaa weeni Moosis ayen, <

⁵ Daa ŋayuebiwa danni ba tigsi ku paari naŋtuok nɔi buye a ta jam jo a dik daa ŋaye.>>

⁶ Dila la Moosis ale Aaron yaa weeni Izirali demma meena ayen, <

⁷ Abe saluik ni le nya Naawen zulaŋa, dii nyiŋla wa wom ni le ŋuuni a te wa la kama. Tama ka bana, ate ni ŋuuni a ta chaab ale ti?>>

⁸ Moosis mɛ yaa weeni ayen, <>

⁹ Moosis yaa weeni Aaron ayen, <>

¹⁰ Aaron ale boro a biisi a te Izirali demma meena la, ba yaa nya gɔnni geŋka, ate Naawen zulaŋa nyaksi a nyini chiŋmari po a nyini.

¹¹ Naawen a weeni Moosis ayen,

¹² <

¹³ Junɔi dila yeŋsa yaa jam sueri ba boka jigini, ate saluiku maglim yaa lo gilim ba boka jigini.

¹⁴ Maglimu ale kpaanti la, ŋanta ase ŋmoruk tana la kabsa kabsa yaa doa tɛŋ gɔnni po.

¹⁵ Izirali demma ale nya ŋantaŋa la, ba yaa bek chaab ayen, <> Diila ba zɛ le ka ŋan baai la. Moosis yaa weeni ba ayen, ka ŋandiin tii ate Naawen a te ni ayen ni dɛ la.

¹⁶ Naawen abe le weeni diila ale nna.

¹⁷ Izirali demma yaa nye ba le weeni ba diila, ba gela tigsi yega, ba gela tigsi maga.

¹⁸ Ba le magsi ale chinni la, waai ale tigsi yega an ta zuak gaam ya, waai mɛ ale tigsi maga la an ŋmasi ta fii fiiga. Waai meena a tigsi ka wa le a yaali diila.

¹⁹ Moosis yaa weeni ba ayen, <>

²⁰ Alege ba gela an wom Moosis ale weeni diila, ale tali gela a ta paari saluik, ate nanzue a sueri ba po a nyuŋ. Moosis sui yaa jam a puuri ale ba.

²¹ Saluik meena waai meena a tigsi ka wa le yaali diila, wenbinni a dan a nak ate ku tuila, ŋa nyaliŋ a bɛ.

²² Daa ŋayuebiwa danni ba a tigsi ka buye, china ŋaye a magsi nuru yeŋ ate niŋdeerɔma a jam weeni a sak Moosis.

²³ Moosis yaa weeni ba ayen, < >>

²⁴ Ba yaa pai zaani ate ku paari saluik ase Moosis ale weeni diila alege ba an nyuŋ ya yaase nanzue a jo ba.

²⁵ Moosis yaa weeni ayen, <

²⁶ Daa ŋayuebi ni tigsi ŋandiintaŋa alege daa ŋayopɔiwa, Vuusum danni, ŋandiinta kan boro.>>

²⁷ Alege dila meena nuruma gela a diem nyini kama daa ŋayopɔiwa danni ayen ba tigsi, alege ba an nya jaaboa.

²⁸ Naawen yaa weeni Moosis ayen, <

²⁹ Ni ta ni popola po ayen Naawen a te ni Vuusum danni kama, dila ale soa ate daa ŋayuebiwa danni wa te ni ŋandiinta a magsi daa ŋaye la. Waai meena a bo wa le bo juijui la daa ŋayopɔiwa danni, waai a kan nyini peelim.

³⁰ Nuruma yaa vuusi daa ŋayopɔiwa danni.

³¹ Izirali demma a jam a wi wenzuk ŋandiintaŋa ayen, ka manna. Ŋa jam peenti kama ase ŋanta bie la. A masa nna se boroborok faasiŋ ate ba nye ale siita la.

³² Moosis a weeni ayen, < >>

³³ Moosis yaa weeni Aaron ayen, <>

³⁴ Naawen ale weeni Moosis la, Aaron yaa pai wenzuk ŋandiintaŋa a zaani Nɔiyeŋ Dakanni niŋ, ayen ba za.

³⁵ Izirali demma a dɛ ka wenzuk ŋandiinta a ga paari bena pisinaansi, ga paari tɛŋ kaai ale magsi kalik la. Ba dɛ ka wenzuk ŋandiinta ate ba yaa ga paari Keenan tɛŋ banni.

³⁶ Ŋanbie chin nɔi pisiye ale a chim boorik geli.