Nyinika 13 - WEN GBAŊKA

¹ Naawen yaa weeni Moosis ayen,

² <>

³ Moosis yaa weeni nuruma ayen, <

⁴ Jinla Abib chiika po ate ni a basi dela.

⁵ Naawen a dan ta ni a ga jo Keenan demma ale Yit demma ale Amori demma ale Yivi demma ale Jebus demma tɛŋka, tɛŋ kaai ate wa puulim ale ni kokpieŋsaŋa ayen wa te ni la, tɛŋ kaai ale ta biisim ale siita la, ni a teeri tigini de chiika de po.

⁶ Daa ŋayopɔi ni ŋɔbi boroborok kuui ate dabinta a ka ku po la, abe daa ŋayopɔiwa danni ni nye tigi a te Naawen.

⁷ <

⁸ Dai dila danni weeni fi nidoabinni ayen,

⁹ Kpesi teerika de ale chim ka daana a bo ni nisa po ale teerika ni deeŋa nyiŋ ate Naawen sinsaŋŋa abe bo ni noaŋa po. Ale Naawen a ta ni nyini Ejipiti nyini kama ale wa ni pagrisa.

¹⁰ Ni be magsi kama ayen ni ta ŋmarisika de diipo ale magsi la, ale ben ben meena po.

¹¹ <

¹² jabuui ale liŋ a nyini luik po a nyini la ni pai te Naawen. Ni duŋ wuunsa ale liŋ a biak ŋan doa tii la, Naawen ale soa.

¹³ Pai pabiik a da tuesi boniŋ ale liŋ biak kaai la, alege fi dan kan da tuesi ya, wɛ ka ŋinni. Ni da tuesi biik kaai meena ate ba liŋ biak ni bisaŋa po la.

¹⁴ < Weeni wa ayen,

¹⁵ Faaro ale ta tukpari a zɛri a kan te ti a cheŋ la, ate Naawen yaa ko bi kpaŋŋa Ejipiti po, nuruba ale duŋsa meena. Ka dila ale soa ate mi a nye kaabka ale ŋandoa tii ate ba liŋ biak la ayen m da tuesi ba a basi.>

¹⁶ Ate ku chim magsa fi nisa nyiŋ ale magsa fi diri nyiŋ ayen Naawen ale ta ti nyini Ejipiti nyini ale wa pagrim.>>

¹⁷ Faaro ale te nuruma a cheŋ la, Wen an basi ate ba va suik kuui ale va Filistia tɛŋka la. Suik kula abe jam gela kama. Wen jam weeni kama ayen, <>

¹⁸ Dila Wen yaa ta ba gilim va goa kosikka suiku ale a cheŋ Nyakpiem Mɔnuŋku la. Izirali demma a jam basi Ejipiti kama a gomsi badek a magsi kpaliŋ.

¹⁹ Moosis a jam pai Josefi kobaŋa kama dii nyiŋla Josefi a jam basi kama ate Izirali bisaŋa a pɛ. Wa jam weeni kama ayen, <>

²⁰ Ba le basi Sukkot ŋaaŋ nyiŋla, ba ga kali ka Etam goa kosikka nɔi.

²¹ Kantueŋ Naawen nyiem a de ba niŋ ale ka chiŋmari a maari ba a dak suiku alege yokku wa a de ba niŋ ale ka bolim a maari ba ate ku a nya, ate ba baga a cheŋ kantueŋ ale yok.

²² Kantueŋ chiŋmanni yaase yokku bolimu an basi ba niŋ dɛka.