Nyinika 12 - WEN GBAŊKA

¹ Naawen yaa weeni Moosis ale Aaron Ejipiti tɛŋka po ayen,

² <

³ Weeni Izirali demma ayen chiika da pi dai, nuru meena a yaali pabiik a magsi wa dɔkdem, kanyi a magsi yeri meena.

⁴ Yeri dii a dan fiisa ale pabiik, ba chari ka ale yeri dii ale moata a magsi chaab ale nuruma nɔi ale ka dii a boro la. Ni kpesi pabiika lammu ale a soa dii a magsi nuru yeŋ ŋɔbika la.

⁵ Duŋ sii ate ni a lueri la a chim ben yeŋ duŋsa. Ŋandoa tii ale kan ta jomi ya. Ni yeeri ŋa piisaŋa yaase booŋa po.

⁶ Nya si zuk a ga paari chiika daa pi ale ŋanaansi dai ku junɔi ate Izirali demma meena ale tɔgri si la.

⁷ Ba yaa pai ziimu gela a sa yeeŋa tuataŋa ganaŋa ale ŋmazuimaŋa juijui ate ba kali a ŋɔbi pabisaŋa lantaŋa la.

⁸ <

⁹ Ni kan ŋɔbi lammu bein ya yaase ni dik bu ale nyiamoa, alege ni se bu bolim po. Ni se zukku ale naŋsaŋa ale puuka po ŋantaŋa.

¹⁰ Ni kan tali bu gela a ta paari saluiwa, bu gela a dan tali a paari saluik, ni ju bu.

¹¹ Ni ale magsi ni ŋɔbi lammu diila ale nna. Ni pai chiak gbana a bobi ni gattaŋa a paari, abe ni su ni nuesaŋa, abe ni ta ni doaŋa ni nisima po. Ni ŋɔbi bu nwuli. Ku ka Naawen Gaambasika.

¹² <

¹³ Ziimu ale bu sak yie ŋaai ate ni bo ŋa po la. M dan nya ziimu m le gaam ni a taam. Biem a kan maa paari ni ase m nin boro a kaasi Ejipiti.

¹⁴ <

¹⁵ Daa ŋayopɔi ni ŋɔbi boroborok kuui ale kan ta dabinta la. Da dii dai ale a dɛ niŋ la ni yeeri dabintaŋa ni yeeŋa po a basi. Waai a dan dɛ jaab ate dabinta a boro a nyini piilimka danni a ta ga paari daa ŋayopɔiwa danni, ba yeeri a nyini Izirali po.

¹⁶ Piilim ka danni ni nye tuilum tigsuŋ ale daa ŋayopɔiwa danni mɛ ni ŋman nye tuilum tigsuŋ. Ni kan tom tuin pagri. Dii nyiini ale magsi ayen ni nye la ale ni dik ŋandiinta a dɛ.

¹⁷ <

¹⁸ Chiik kaai ale a dɛ niŋ la, ni ŋɔbi boroborok kuui ate dabinta a ka ku po, a zaani daa pi ale ŋanaansiwa danni ku junɔi, a ga paari daa pisiye ale dinyi.

¹⁹ Dabinta a kan bo waai yeri po daa ŋayopɔi. Ate waai a dan dɛ ŋandiinta ate dabinta a bo ti po, wa poom ka Izirali dek denɔ yaase nichaanɔ, ba yeeri wa a nyini Izirali nuruma po.

²⁰ Kan dɛ jaab ate ba pai dabinta a nye. Juijui meena ate fi boro la ŋɔbi boroborok kuui ate ba an pai dabinta a nye la.>>

²¹ Ate Moosis yaa tigsi nuruma a yaa weeni ba ayen, <

²² Ni pai kpaliok a su ziimu ale bo taasi kpienni po la a pai ziimu gela a sa tuataŋa ganaŋa meena. Ni wanyi mɛ la a kan gaam yenni tuoku a nyini peelim ate ku ga paari saluik.

²³ Naawen a dan va Ejipiti tɛŋka ayen wa ko Ejipiti demma a lɔnsi, wa le nya ziimu tuataŋa ŋmaaŋa ale ganaŋa ate wa le gaam tua tila, wa kan te kaasirɔwa suik ate wa ko ni lɔnsi.

²⁴ <

²⁵ Ni dan jo tɛŋ kaai ate Naawen ayen wa te ni a magsi chaab ale wa le puulim la, ni kpesi a va wanni de.

²⁶ Ate ni bisaŋa a dan bek ni ayen,

²⁷ Ni yaa weeni ba ayen, >> Ate nuruma a koori tɛŋ a puusi wa.

²⁸ Izirali demma a jam nye ka dii dek ate Naawen a weeni Moosis ale Aaron la.

²⁹ Yɔk suŋsuŋ Naawen a ko bi kpaŋŋa meena a dueni, a zaan Faaro bikpagni waai ale wa kali naam zukpaglika zuk la, a ga paari waai ate ba lik likka dɔk po la bikpagni ale duŋsa bi kpaga mɛ.

³⁰ Faaro ale wa nisɔmma ale Ejipiti demma yaa yiti yokku a kasim a kaari nna yegayega Ejipiti po diila yeri karo ate waai an kpi ya.

³¹ Yɔkku Faaro yaa wi Moosis ale Aaron a weeni ba ayen, <

³² Ni ta ni piisaŋa ale ni duŋsaŋa, ase ni ale weeni diila a cheŋ. Abe ni niak mu mɛ.>>

³³ Ejipiti demma a yaa va nuruma ayen ba nye nwuli a basi tɛŋka. Ba weeni ayen, <>

³⁴ Nuruma yaa pai ba boroboroku alege ate ba gum dabinta du, a yaa pai vi ŋmankpala ale taasi tanlaŋ sii ate ba bilisi boroborok du la a pai gatta a pobi.

³⁵ Izirali demma yaa nye Moosis ale weeni diila. Ba yaa bek Izirali demma a tuesi kpana ale ligmɔniŋ ale gatta.

³⁶ Naawen a basi kama ate Ejipiti demma a ta ŋman teka ale siak teka ale nuruma ate ba te ba jabuui meena ate ba bek a yaali la. Ba yaa vari Ejipiti demma.

³⁷ Izirali yaa piilim ba chelimu a nyini Arameses a ga paari Sukkot. Nidoama a jam ka nuruba tusa kobsiyuebi (600,000) a cheŋ naŋta. Nipooba ale bimbaansa an gum du.

³⁸ Nuru boari ate ba an chim Izirali dem la ale piisa ale bua ale niiga nna yegayega ale jam maa cheŋ ale ba.

³⁹ Ba le ta zom buui a nyini Ejipiti jam la, ba yaa pai nye maasa. Ba an jam nyo dabinta du. Zommu a jam ka dabinta dii nyiŋla ba yiak ba kama ate ba nyini Ejipiti nyini, ba an nya suik a nye ŋandiinta.

⁴⁰ Izirali demma a jam goa Ejipiti ka bena kobsinaansi ale pisita.

⁴¹ Bena kobsinaansi ale pisitawa nueri ka danni, a jam paari da dila danni dek, Naawen nuruma ale poori, poori la meena a basi Ejipiti kama.

⁴² Naawen ale kpesi a nya yokku ayen wa ta ba nyini Ejipiti nyini la nyiŋ, Izirali demma meena a kpesi ate ba a zuli Naawen a magsi ba ŋaaŋsaŋa ale cheen la.

⁴³ Naawen yaa weeni Moosis ale Aaron ayen, <<Ŋmarisika ale nna a magsi Gaambasika. Nichaanɔ a kan dɛ Gaambasika.

⁴⁴ Fi dan ta yɔma wa baga dɛ kama, wa yoanni gebika ŋaaŋnyiŋ,

⁴⁵ alege waai ale kan boro a beni yaase waai ate fi pai wa ate wa a tom a te fu ate fu a tuni wa la an baga a dɛ.

⁴⁶ <

⁴⁷ Izirali demma meena a magsi ba dɛ tigini kama.

⁴⁸ <

⁴⁹ Sinsaŋŋa ka dila degadega ale tɛŋ biik ale nichaanɔ waai ale bo ale ni la.>>

⁵⁰ Izirali demma meena yaa nye dii ate Naawen a weeni Moosis ale Aaron la.

⁵¹ Dai dila danni dek ate Naawen a ta Izirali demma a nyini Ejipiti nyini a va chaab ale ba ale poori diila.