Nyinika 1 - WEN GBAŊKA

¹ Izirali nidoabilisaŋa ale jam cheŋ Ejipiti ale Jekob la ale nna. Ba wanyi meena ale wa dɔkdem.

² Aruben ale Simeyon ale Livai ale Juda,

³ ale Isaka ale Zebulun ale Benjamin,

⁴ ale Dan ale Nafitali ale Gad ale Asɛ.

⁵ Jekob ŋaaŋsaŋa meena jam ka pisiyopɔi. Josefi poom jam bo ka Ejipiti.

⁶ Yɔgyɔgla de Josefi ale wa suataŋa meena ale gaŋ kala meena a jam kpi kama,

⁷ alege Izirali demma jam kasim a biak kama ale a piisi nna yegayega, a sueri tɛŋka meena.

⁸ Naab paalik waai ale kan jam seba Josefi la ale jam dɛ naamu Ejipiti tɛŋka po.

⁹ Naawa yaa weeni wa nuruma ayen, <

¹⁰ Ni jam ate ti nye ale ba dan kan daa di ba le ŋmasi piisi a gaam dila, ate kpaliŋ a dan yiti abe ba gum ti dachaasaŋa po a nye kpaliŋ ale ti abe ba basi tɛŋka.>>

¹¹ Dila la, ba yaa yaali yɔm kpaga ate ba a nya ba zuk ale a namsi ba ale fifiok tuima, ate ba sɛ Pitom ale Arameses ase geruŋ diina tɛŋsa la a te Faaro.

¹² Alege ba le jam namsi ba dii yegayega la, ba jaa piisi ka dila a waaŋ tɛŋka po. Ejipiti demma yaa jam basi ate yɔgsum a yik ba alege

¹³ ate ba a tom a kan sak jiirim ale ba.

¹⁴ Ba jam basi kama ate ba boka a tua ale tuim pagra ase peela nakka ale tanta damka ale tuima tɔgatɔga laŋsaŋa po. Ba tuim pagra meena po Ejipiti demma a basi kama ate ba a tom a kan sak jiirimmoa.

¹⁵ Ejipiti naawa yaa weeni Yiburu nipok baai ate ba a wi ba ayen Sifra ale Pua ate ba yik ate nipooba a biak la, ayen.

¹⁶ <>

¹⁷ Nipok baai ale yik ate nipooba a biak la a yaa chali Wen yɔgsum an nye Ejipiti naawa ale weeni ayen ba nye diila. Ba basi kama ate nidoabilisaŋa a boro.

¹⁸ Ate Ejipiti naawa yaa wi nipooma a bek ba ayen, <

¹⁹ Nipok baai ale yik ate nipooba a biak la yaa tulisi Faaro ayen, <>

²⁰ Dila la Wen jam ta jiirim ale nipok baai ale yik ate nipooba a biak la kama ate nuruma a piisi nna yegayega a gum du.

²¹ Nipooma abe le a chali Wen yɔgsum la, wa yaa te ba dɔkdem.

²² Faaro yaa te wanni de wa nuruma meena ayen, <>