Neyemia 9 - WEN GBAŊKA

¹ Chiik kala dek daa pisiye ale ŋanaansiwa danni, Izirali demma a jam tigsi ka jigi yeŋ a bobi nɔi a jo boorisa gatta a nye tanta a basi ba zuimaŋa po.

² Baai ale ka Izirali buuni po la a jam gaari ka badek a ta nyini nichamma po. Ba jam zaani ka ba jiŋŋa a biisi ba biemu ale ba koma gaasaŋa wie.

³ Ba jam zaani ka ba ale bo juijui la a kariŋ a ta nyini Naawen ba Wenni Sinsaŋŋa Gbaŋka po a paari baŋsa buta ale pai baŋsa buta a weeni ba biemu ale a puusi Naawen ba Wenni.

⁴ Ŋmazukku jam ka Livaima ale za, Jesua ale Bani ale Kadmiel ale Sebania ale Bunni ale Serebia ale Bani ale Kenani, baai ale jam za du a kaari a wi Naawen ba Wenni la.

⁵ Ate Livaima Jesua ale Kadmiel ale Bani ale Yasabneya ale Serebia ale Yodia ale Sebania ale Petayia a yaa weeni ayen, <

⁶ Fi nyiini ale Naawen. Fi ale nye wenŋmazukku, poom ka ŋmazuk kuui ale yalima la ale ŋan baai meena ale bo ku po la ale tɛŋzuk de ale jaab meena ale bo ka po la ale nyakpiemu ale jaab meena ale bo bu po la. Fi ale te jaab meena nyuvuri ate ŋan boanni wenŋmazuk a puusi fu.

⁷ <

⁸ Fi jam nya ale wa suinummu a ta ka wensie ale fu, ate fi nye nɔiyeŋ ale wa ayen fi te wa ŋaaŋbisaŋa Keenan ale Yit ale Amori ale Perizzi ale Jebus ale Girgas demma tɛŋsaŋa. Fi ta fi puulimka kama dii nyiŋla fi ka wayɔrisima nyɔnɔ.

⁹ <

¹⁰ Fi jam tom ka wakinkagla ale wakperikaliisa a siti Faaro ale wa kpaŋŋa ale nuruma meena tɛŋka po, dii nyiŋla fi jam seba kayerinni dii ate Ejipiti demma a jam nye le ba la kama. Fi jam nye ka yuei a te fidek, dii ale boro a paari jinla de la.

¹¹ Fi jam labi nyakpiemu buye a te ba, ate dila a te ba suik ate ba cheŋ tɛŋ kosik zuk a taam, alege fi jam basi ate baai ale a vi ba la a wari liuŋku po ase tintain ale lo nyakpiem po diila.

¹² Danni po fi jam dɛ ba niŋ ale ka chiŋmari la ale de ba niŋ yokku po ase bolim la ate bu a nya suiku ate ba jam a yaali ba va la.

¹³ <

¹⁴ Fi jam basi ate ba seba fi tuilum Vuusum Danni kama a te ba wieŋa ale buusa ale sinsaŋŋa a nyini fi tomteerɔwa Moosis jigi.

¹⁵ Ba kɔmmu po fi jam te ba ŋandiinta a nyini wenŋmazuk, nyanyuilaŋa ale jam ta ba la fi te ba nyiam a nyini piuŋ po, fi weeni ba ayen ba jo a tuesi tɛŋka ale jam zak nisa ŋmai a pɛ ayen fi te ba la.

¹⁶ <

¹⁷ Ba ŋoanti kama an wom ya a zɛri ba an teeri fi wakinkaglaŋa ate fi jam nye ba po la. Ba jam chim ka tukpari nyam, ba tukpanni nyiŋ ba jam lueri ka niŋdeerɔba ayen ba ŋmani a cheŋ ba yɔntini po. Alege fi ka vɔŋteka Naawen a ta niaka ale jiirim, fi sui a kan puuri nwuli a kasim ta ŋmanteka. Dila nyiŋ fi an jam zɛri ba,

¹⁸ poom ka diipo ate ba jam mɛ naabiik a te badek ale weeni ayen, yaase ba le jam potim seba ale nye kisuk wanni la.

¹⁹ <

²⁰ Fi jam basi ate fi Chiik maŋka a sak ba. Fi an jam peri fi ŋandiintaŋa ba noaŋa po ale te ba nyiam ba nyanyuilaŋa nyiŋ.

²¹ Bena pisinaansi fi jam ta ba ka dila gɔnni po, ba an jam a silim jaaboa, ba gattaŋa an jam cheeri ya yaase ba naŋsaŋa a zak ji ya.

²² <

²³ Fi nye ate ba nidoabilisaŋa a piisi kama ase wenzuk chiŋmarisaŋa la, ale ta ba jam jo tɛŋka po ate fi weeni ba koma ayen ba jo a tuesi a ta.

²⁴ Ba bisaŋa a jo kama a tuesi tɛŋka a ta. Fi nya pagrim Keenan demma zuk baai ale bo tɛŋka po la ba niŋ, fi pai Keenan demma a te ba, a maa gum ba nalimaŋa du, ale tɛŋka nuruma, ayen ba nye ale ba badek ale a yaali diila.

²⁵ Ba jam nak yik tɛŋ pagrisa ale tɛŋ kaai ale ta poosuk. Ba tuesi yie ŋaai ate ŋan maŋsa tɔgatɔga a sueri ŋa la ale vila ŋaai ale poom tu ale kaduksa ale kpaam tiisa ale yɔna tiisa ale piisi. Ba dɛ chak ate ba nyiŋsa a nala. Ba jam a dɛ ka masim fi nye maŋka ale zuak la po.

²⁶ <

²⁷ Dila fi yaa pai ba a nyo ba dachaasaŋa nisima po baai ale jam namsi ba. Alege ba ale jam namsi ba la ba yaa kaari a te fi. A nyini wenŋmazuk fi wom ba, fi jiirim kpiemu nyiŋ fi jam te ba varibasidɔba, baai ale jam vari ba ba dachaasaŋa nisa po a basi.

²⁸ <

²⁹ <

³⁰ Bena nna yega ate fi kasim jam a ŋmagli ale ba. Fi pai fi Chiika a ta va fi biisiteerɔma zuk a kaam ba. Dila meena ba an jam diem wom ya dila fi yaa pai ba a te nuru baai ale kali moata ba la.

³¹ Alege fi jiirim kpiemu nyiŋ fi an jam basi ate ba kpeglim ya yaase fi banti ba, diila fi ka ŋmanteka ale jiirim Wen.

³² <

³³ Dii meena ale jam nye ti la po fi jam ta ka nyemagsika ale ti, fi jam nye ka wensie nyeka, ale ge tama a nye kaasi.

³⁴ Ti nalimaŋa ale ti nisɔmma ale ti kaabteerɔma ale ti koma an jam va fi sinsaŋŋa, ba niŋ jam ka fi wieŋa yaase kaamka ate fi a te ba la po.

³⁵ Poom daa ba ale jam bo ba naamu po a dɛ fi wamaŋsa masimu tɛŋka ale lak nna jalɔ ale poak ate fi a te ba la, ba an jam tom a te fi yaase ba basi ba biem suitaŋa.

³⁶ <

³⁷ Tama biem nyiŋ, ŋan cheenta yega a cheŋ ka nalimaŋa ate fi a te ba nya ti zuk la jigi. Ba jam a nya ka ti nyiŋsaŋa ale niiŋa ase ba ale a yaali diila. Tama a bo ka wapagrisa po nna yega.

³⁸ Kude meena ate ti nya la nyiŋ, tama a nye ka nɔiyeŋ kaai ale a bobi ti la, a ŋmarisi ka a dueni ale ti niŋdeerɔma ale ti Livaima ale ti kaabteerɔma a yaa ŋmarisi ba yueŋa.>>