Neyemia 8 - WEN GBAŊKA

¹ Nuruma meena yaa jam tigsi ase nuru yeŋ la Nyiam Nansuiŋku nɔi. Ba yaa weeni Ezra gbaŋ ŋmarisidoawa ayen wa ta Moosis Sinsaŋŋa gbaŋka a jam, kaai ate Naawen a te Izirali demma la.

² Dila chiisa siyopɔiwa piilimka danni Ezra kaabteerɔwa yaa ta Sinsaŋŋa a jam tigsuŋku niŋ, baai ale jam ka nidoaba ale nipooba la ale baai meena ale baga miŋ a chak la.

³ Wa jam kariŋ kama ate ku jueli a nyini varivientidi a ta ga paari kantueŋ suŋsuŋ ase wa le jam za tuk Nyiam Nansuiŋku nidoama ale nipooma ale baai meena ale miŋ a chak la niŋ. Ate nuruma meena a kpesi wom Sinsaŋŋa gbaŋka nalimnyiini.

⁴ Gbaŋ ŋmarisidoawa Ezra a jam za ka danpala ate ba jam ti magsi tigini la zuk. Wa juga nisaŋa geŋsa ka Mattitia ale Sɛma ale Anaiya ale Yuraya ale Yilkia ale Maaseiya ale jam za dula ate Pedaiya ale Misael ale Malkija ale Yasum ale Yasbaddana ale Zakaria ale Mesullam a za wa gala.

⁵ Ezra yaa jam lak gbaŋka. Nuruma meena a jam a nya wa kama dii nyiŋla wa jam za ka ŋmazuk. Ase wa ale lak ka la, nuruma meena yaa yiti zaani.

⁶ Ezra yaa pak Naawen, Wen kpienni ate nuruma meena yaa jam zak ba nisa a tulisi ayen, <> Ba yaa koori tɛŋ a pai ba nina a basi tɛŋ a puusi Naawen.

⁷ Livaima Jesua ale Bani ale Serebia ale Jamin ale Akkub ale Sabbetai ale Yodia ale Maaseiya ale Kelita ale Azariya ale Jozabad ale Yanan ale Pelaiya yaa jam sak nuruma Sinsaŋŋa ale ge ate nuruma a za dula.

⁸ Ba jam kariŋ kama a nyini Naawen Sinsaŋŋa Gbaŋka po a luenti a weeni ŋa kiri ate dila nye ate nuruma a baga miŋ ba le kariŋ diila a chak.

⁹ Kpagni Neyemia ale kaabteerɔwa ale gbaŋ ŋmarisidoawa Ezra ale Livaima baai ale jam a sak nuruma la yaa weeni ba meena ayen, <> Diila nuruma meena a jam a kum kama ase ba ale jam wom Sinsaŋŋa wieŋa la.

¹⁰ Wa weeni ayen, <>

¹¹ Livaima yaa nye ate nuruma meena a goori ale weeni ayen, <>

¹² Ate nuruma meena yaa jam cheŋ a ga dɛ ale nyu ale tom ŋandiinta a te ale a dɛ tigini ale mariŋka nna yegayega dii nyiŋla ba yaa miŋ wieŋa ate ba sak ba la kama.

¹³ Chiika daa ŋayewa danni, yieŋa nyama meena a gum chaab ale kaabteerɔma ale Livaima yaa tigsi gilim gbaŋ ŋmarisidoawa Ezra ayen ba pai ba popola a basi Sinsaŋŋa wieŋa jigi.

¹⁴ Ba yaa jam nya ale ku ŋmarisi Sinsaŋŋa po, dii ate Naawen a jam weeni Moosis ayen Izirali demma a jam magsi ba bo ka kusuŋta po chiisa siyopɔiwa tigini vaaŋa po abe

¹⁵ ba a mooli wieŋa de ate ŋa waaŋ ba tɛŋsaŋa meena ale Jerusalem po, <

¹⁶ Dila nuruma yaa cheŋ ga ta tiisa naŋsa a jam a ti kusuŋta a te badek badek yieŋa zuk ale ba dabaasaŋa po ale Wen yenni dabaasaŋa po ale Nyiam Nansuiŋku nɔi peelimmu po ate kunyi a bo Ɛfraim Nansuiŋku.

¹⁷ Tigsuŋku meena ale nyini yɔntini po a ŋmani la a jam ti ka kusuŋta a bo ti po. A nyini Nun nidoabinni Josua daaŋa po a ta ga paari dai dila danni, Izirali demma an jam dɛ tigini ase nnala la. Ba mariŋka a jam ŋmasi zuak kama.

¹⁸ Daa meena a nyini piilimka danni a ga paari kpeglimka, Ezra a jam kariŋ a nyini ka Wen Sinsaŋŋa Gbaŋka po. Ba jam dɛ tigini ka daa ŋayopɔi, daa naanika danni a ta va buusa ale ka diila, ba jam tigsi ka chaab.