Neyemia 6 - WEN GBAŊKA

¹ Ase tomtomiŋka ale jam paari Sanballat ale Tobiya ale Arab denɔwa Gesem ale ti dachaasaŋa meena ayen mi a ŋman pilim a sɛ parika ate pari a karo la, a ta ga paari diipo ate mi an diem a su tuataŋa du la,

² Sanballat ale Gesem a tom ka tomtomiŋ ka dɛ a te mi ayen m jam ate mi ale ba a tu chaab tɛŋ fiisaŋa kanyi po, Ono tɛŋka ale la. Ba jam a yaali ba ko mu kama.

³ Mi a yaa tom nuruba ba jigi ale tulisaŋa dɛ: <>

⁴ Ku naŋtuok nɔi bunaansi, ate ba tom ate mi mɛ a tulisi ba dila dekdega a paari bunaansi.

⁵ Ku naŋtuok nɔi bunuwa po Sanballat a jam tom ka wa maarɔwa, wa an jam ligi gbaŋka ale pai te wa tomteerɔwa ayen wa ta jam te mu.

⁶ Wa ale ŋmarisi diila ale nna: <

⁷ fi abe poom a lueri ka biisiteerɔba ayen ba mooli fi wie Jerusalem po: Naab a bo Juda kama! Yɔgyɔgla de tomtomiŋka ale paari Naawa. Dila nyiŋ jam ate tama a biisi magsi chaab.>>

⁸ Mi yaa tom a tulisi wa ayen, <>

⁹ Ba meena a yaali ba nyigsi ti kama a poli ayen, <> Alege mi a puusi kama ayen, <>

¹⁰ Dai yeŋ mi yaa cheŋ Delaiya nidoabinni Sɛmaiya ate wa kokpieŋ a chim Meyetabel yenni waai ate ba jam lik wa basi wa yenni po la. Wa a weeni ayen, <>

¹¹ Alege m tulisi wa ayen, <

¹² Mi a miŋ kama ayen Wen an tom wa, alege wa a nye dila ka Tobiya ale Sanballat ale da wa.

¹³ Ba da wa kama ayen wa nye dila ate mi a nye biem ase mi a nin nye dila, ate ba yaa ale kaasi mi yuei a ta mi a siŋ tɛŋ.

¹⁴ Teeri Tobiya ale Sanballat, Naawen yaa, ba ale nye diila nyiŋ. Teeri nipok biisiteerɔwa Noadiya ale biisiteerɔma meena baai ale a yaali ayen ba nye ate mi nyiŋ a gɔk la.

¹⁵ Ba jam sɛ parika a nuerika Elul chiika ka daa pisiye ale ŋanu dai, daa pisinu ale ŋaye ate ba pai a sɛ ka.

¹⁶ Ti dachaasaŋa meena ale ga wom ale ti nueri parika la, Tɛŋ sii meena ale gilim ti la a jam yɔgsa kama ale jɔk nyiŋbiiri, dii nyiŋla ba sebi kama ayen ka Wen ale maari ate tuini de a nye.

¹⁷ Da ŋala po Juda kpaŋŋa a kasim jam ŋmarisi ka gbaŋsa a te Tobiya ate Tobiya a kasim a tulisi ba mɛ.

¹⁸ Juda po nuruma yega ale jam nye pɛka ale wa, wa ale jam ka Araya nidoabinni Sekania chicham biik la, ate wa nidoabinni Jeyoyanan a faari Berekiya nidoabinni Mesullam liewa la nyiŋ.

¹⁹ A ŋman gum du, ba kasim a weeni mu wa wamaŋsaŋa kama ale a weeni wa dii ate mi a nye la. Alege Tobiya a diem tom gbaŋsa a te mi ayen wa nye ate mi nyiŋ a gɔk.