Neyemia 11 - WEN GBAŊKA

¹ Yɔgyɔgla de nuruma niŋdeerɔma yaa kali Jerusalem po ate nuru mbala a nak gbaŋ a yeeri nuru yeŋ a ta nyini nuruba pi po ayen wa maa bo tuilum tɛŋka Jerusalem po abe neokku ale tali la a bo badek tɛŋsaŋa po.

² Nuruma a yaa pak nidoama meena ale siak ayen ba bo Jerusalem po la.

³ Baai ale jam a dɛ tɛŋ kpaŋsaŋa niŋ a kala Jerusalem po la ale nna. Izirali demma gela ale kaabteerɔma ale Livaima ale baai ale a tom Wen yenni po la ale Solomon tomteerɔma ŋaaŋbisaŋa a jam bo ka Juda tɛŋsaŋa po waai meena a bo wadek jigi tɛŋsaŋa po,

⁴ ate nuru mbala ale nyini Juda ale Benjamin la mɛ a bo Jerusalem la. Baai ale chim Juda ŋaaŋbisa a jam kali la ale nna: Ataiya waai kowa a jam le Yuzaya la ate wa mɛ ko a nye Zakaria ate wa mɛ ko a nye Amariya ate wa mɛ ko a nye Sefatia ate wa mɛ ko a nye Mayalale ate wa mɛ ko a nye Perezi.

⁵ Maaseiya waai kowa a jam le Baruk ate wa mɛ ko a nye Kol Yoze ate wa mɛ ko a nye Yazaya ate wa mɛ ko a nye Adaiya ate wa mɛ ko a nye Joiarib ate wa mɛ ko a nye Zakaria ate wa mɛ ko a nye Sɛla.

⁶ Perezi ŋaaŋbisaŋa baai ale bo Jerusalem po jam ka nidoa pagrisa kobsinaansi ale pisiyuebi ale naaniŋ.

⁷ Baai ale chim Benjamin ŋaaŋbisa a jam kali la ale nna: Sallu waai kowa a jam le Mesullam ate wa mɛ ko a nye Joed ate wa mɛ ko a nye Pedaiya ate wa ko a nye Kolaiya ate wa mɛ ko a nye Maaseiya ate wa mɛ ko a nye Itiel ate wa ko a nye Jesaiya,

⁸ ate wa ŋaaŋviirɔma, Gabbai ale Sallai ka nuruba kobsaneok ale pisiye ale naaniŋ.

⁹ Zikri nidoabinni Joel a jam chim ka ba kpagi ate Yassenuya nidoabinni Juda a jaa a nya ka tɛŋka labi kinkala zuk.

¹⁰ Baai ale chim kaabteerɔma ŋaaŋbisa a jam kali la ale nna: Jedaya ale Joiarib nidoabinni ale Jakin,

¹¹ ale Seraiya waai kowa a jam le Yilkia ate wa mɛ ko a nye Mesullam ate wa mɛ ko a nye Zadok ate wa mɛ ko a nye Meraiot ate wa mɛ ko a nye Wen yenni nyaarɔwa Ayitub

¹² ale ba ŋaaŋviirɔma kobsinaaniŋ ale pisiye ale baye baai ale a tom Wen yenni po ale Adaiya waai kowa a jam le Jeroyam ate wa mɛ ko a nye Pelalia ate wa mɛ ko a nye Amzi ate wa mɛ ko a nye Zakaria ate wa mɛ ko a nye Pasur ate wa mɛ ko a nye Malkija

¹³ ale wa ŋaaŋviirɔma kobsiye ale pisinaansi ale baye baai ale chim ba dɔkdemma kpaga ale Amasai waai kowa a jam le Azarel ate wa mɛ ko a nye Azai ate wa mɛ ko a nye Mesillemot ate wa mɛ ko a nye Immer

¹⁴ ale wa ŋaaŋviirɔma kook ale pisiye ale naaniŋ. Ba kpagi dii ale dɛ ba niŋ la a jam le Zabdiel waai kowa a jam le Aggedolim.

¹⁵ Baai ale chim Livaima ŋaaŋbisa a jam kali la ale nna: Sɛmaiya waai kowa a jam le Yassub ate wa mɛ ko a nye Azrikam ate wa mɛ ko a nye Yasabia ate wa mɛ ko a nye Bunni

¹⁶ ale Livaima kpaga ŋaye Sabbetai ale Jozabad baai ale a nya Wen yenni tuimaŋa zuk peelim

¹⁷ ale Mattania waai kowa a jam le Mika ate wa mɛ ko a nye Zabdi ate wa mɛ ko a nye Asaf waai ale a dɛ nuruma niŋ ate ba a nye Naawen jiam ale puusa la ale Bakbukia waai ale pai a vi wa ŋaaŋviirɔma la ale Abda waai kowa ale nye Sammua ate wa mɛ ko a nye Galal ate wa mɛ ko a nye Jedutun.

¹⁸ Livaima ale bo tuilum tɛŋka po la ka nuruba kobsiye ale pinaanuŋ ale banaansi.

¹⁹ Baai ale chim nansuiŋ nyaarɔma a jam kali la ale nna: Akkub ale Talmon ale ba ŋaaŋviirɔma baai ale a nya nansuiŋtaŋa la a jam ka nidoaba kook ale pisiyopɔi ale baye.

²⁰ Izirali dem mbala ale kaabteerɔma ale Livaima, a jam bo ka Juda tɛŋsaŋa meena, waai meena a bo wa ŋiak tɛŋzuk.

²¹ Baai ale jam bo Wen yenni po a tom la a jam bo ka Ofel guuku zuk ate Ziya ale Gispa a nya ba zuk.

²² Jerusalem tɛŋka po Livaima kpagni a jam le Uzzi waai kowa a jam le Bani ate wa mɛ ko a nye Yasabia ate wa mɛ ko a nye Mattania ate wa mɛ ko a nye Mika. Uzzi wa dɛ a jam ka Asaf ŋaaŋbisaŋa po baai ale jam chim yilendisa ale jam a nya Wen yenni tuimaŋa zuk.

²³ Yilendisaŋa a jam bo ka Naawa nisa po, wa ale jam a weeni ba dii ale magsi ba nye la.

²⁴ Mesezabel nidoabinni Petayia waai ale ka Juda nidoabinni Zera ŋaaŋbisaŋa wanyi la ale jam chim kpagi a nya wa ŋaai meena ale a nye ale nuruma la.

²⁵ Dan ka tɛŋ kpaŋsaŋa ale si laŋsaŋa, Juda nuruma gela ale jam bo Kiriat Arba ale ka gilagila tɛŋsaŋa, ale bo Dibon ale ka gilagilawa, ale Jekabzeel ale ka tɛŋ kpaŋsaŋa,

²⁶ ale Jesua ale Molada ale Bet Pelet ale

²⁷ Yazar Sual ale Beerseba ale ka gilagila tɛŋsaŋa

²⁸ ale Ziklag ale Mekona ale ka gilagila tɛŋsaŋa,

²⁹ En Arimmon ale Zoraya ale Jarmut

³⁰ ale Zanoaya ale Adullam ale ka tɛŋ kpaŋsaŋa ale Lachis ale ka laŋsaŋa ale Azeka ale ka gilagila tɛŋsaŋa. Ba jam bo ka Beerseba tɛŋka a ta ga paari Yinnom Viaka.

³¹ Benjamin ŋaaŋbisaŋa ale nyini Geba la a jam bo ka Mikmas ale Aija ale Betel gilagila tɛŋsaŋa

³² ale Anatot ale Nob ale Anania

³³ ale Yazor ale Arama ale Gittaim

³⁴ ale Yadid ale Zeboim ale Neballat

³⁵ ale Lod ale Ono ale Yɔgdɔma Viaka.

³⁶ Juda Livaima beŋsaŋa gela a jam bo ka Benjamin.