Neyemia 1 - WEN GBAŊKA

¹ Yakalia nidoabinni Neyemia wieŋa ale nna: Kislev chiika, bena pisiye wa po, diipo ate mi bo Susa tɛŋka po jigi pagrika la,

² Yanani m suataŋa wanyi ale nuruba ba chaab ale jam nyini Juda a jam ate mi a bek ba Juda dem baai ale tali a vua la ale Jerusalem mɛ wie.

³ Ba yaa weeni mu ayen, <

⁴ Mi ale ga wom wieŋa de meena la, mi jam kali ka tɛŋ a kum. Da boari mi kasim jam a kum kama ale a bobi nɔi ale a puusi wenŋmazuk Wenni niŋ.

⁵ Ate mi yaa weeni ayen, <

⁶ Basi ate fi tuinni nye a wuli, abe fi ninaŋa a lagri ate fi wom puusa ŋaai ate fi tomteerɔwa yok ale kantueŋ a ta va fi nuruma Izirali demma jigi la. Mi a biisi ka tama Izirali demma biemu ale m kowa yenni biem buui ate tama a nye kaasi fu la.

⁷ Tama nye ka gaasa a ta va fi jigi. Tama an wom fi wieŋa ale ŋmarisika ale buusaŋa ate fi a pai a te fi tomteerɔwa Moosis la.

⁸ <

⁹ Alege ni dan ŋmani mi jigi ale wom m wieŋa ni nuru baai ale bo yontini po la a dan poom bo niŋniŋa mi ale tigsi ba dula jigini a ta ba a jam mi ale lueri kauk kuui ayen m boro m yuenni nyiŋla.

¹⁰ <

¹¹ M Nyɔnɔ, wom fi tomteerɔwa puusaŋa ale fi tomteerɔma puusaŋa baai ale a zuli fi yuenni la. Te fi tomteerɔwa nyeboka jinla abe fi te wa ŋmanteka nuruwa de niŋ.>> Mi ka waai a daam ale a te Susa naawa daam la.