Nayum 2 - WEN GBAŊKA

¹ Nama Niineve demma kaasirɔwa cheena ayen wa siti ni. Pagrim buui ale bu kaasi ni la a jam ya. Ni lik ŋan kasintaŋa. Ni kasi suiku. Ni gomsi magsi kpaliŋ.

² Naawen a yaali wa ŋman te Izirali zulaŋa kama ase ba le jam ka dii alege ate ba dachaasaŋa a yik ba la.

³ Dachaasaŋa a jam ta ka ŋanchɔgsin mɔnta ale jo garuk mɔnta. Ba gomsi kama ayen ba choa ba. Ba torokoma a nyaksi ase ka bolim la. Ba wusumaŋa a yɔk namaga.

⁴ Torokoma a chali tɛŋka suitaŋa po a cheŋ niŋ ale ŋaaŋ tɛŋka gugorutaŋa po. A nyaksi ase bolim ale a nye nna yilibi yilibi ase bolim ale a kamsi la.

⁵ Ba wi ba kpaŋŋa kama ate baa cheŋ niŋ geŋ ale a nak naŋsa a lo. Tugurik tɔŋdɔma a chali ga parika jigini ayen ba kasi ŋan baai ba a yuk la.

⁶ Nansuiŋ tii ale bo benni jigini la a lagri Naawa yenni po niniga nyiini ale sueri.

⁷ Nipok naawa ba yik ate wa yɔmma a kum ase nangbaŋsa la a nak ba kuusa ale niniga.

⁸ Niineve demma a daa chali kama ase mɔgi ale ŋɔsi la. Ba yaa kaari ayen, basi basi, alege waai an viriŋ ŋaaŋŋa.

⁹ Ni vari kpanaŋa. Ni vari ligmɔniŋka. Tɛŋka jigsi kama ale ŋanta.

¹⁰ Niineve a kaasi kama a dua. Ate nuruma nyiŋsa a gɔk ate ba duna a nak chaab, pagrim a bɛ. Ate nimbidaasa a peenti.

¹¹ Tɛŋ kaai ale jam a nye ase gbeŋma boka jigi la a boka be yɔgla, juijui ate gbeŋma bisa a dɛ ŋandiinta la, juijui ate gbeŋduata ale gbeŋniima a cheŋ ate jaab a kan nye ŋa bisaŋa wari la?

¹² Gbeŋli a ko ka lanta yega a te di bisaŋa ale di vaanchoawa, ale sueri di boka jigini ale lanta.

¹³ Naawen Dii Ale A Dɛ Tugurik Tɔŋdɔma Niŋ La yaa weeni ayen, <>