Nayum 1 - WEN GBAŊKA

¹ Nayum ale nyini Elkos tɛŋka la ale nya wanni de a magsi chaab ale Niineve tɛŋka.

² Naawen ka nyuri dɛka Wen a kan yaali ŋaan chaaba. Naawen a namsi baai meena ale ka wa dachaasa la kama. Naawen suinni dan puuri wa a tuni ba kama.

³ Naawen sui a kan kpabi a puuri, alege ta pagrim a kan basi baai ale nye kaasi la namsika. Juijui ate Naawen a cheŋ la, va pagrik ale a yiti. Chiŋmaaŋa ka nyuŋ a yiti wa naŋsa po.

⁴ Wa dan na biisi nyakpiemu a kpeeri kama. Wa basi kama ate belaŋa a kpeeri. Basan tɛŋsaŋa ale Karmel guuku a ko ka chekchek ale Lebanon wuutaŋa ale ti puutaŋa a kpi meena.

⁵ Guuta a choa Naawen niŋ. Gu tii meena ale jueli a nyaliŋ Naawen niŋ. Naawen a dan na nyini tɛŋka a choa kama ate tɛŋka meena nuruma nyiŋsa a gɔk.

⁶ Wa sui a dan puuri ka wana le wa vuugi? Ka wana le wa lati ale wa suipuurumu nna? Wa suinni kasim a yiti ase ka bolim ŋiak la, ate pina a mobi wa niŋ.

⁷ Naawen a nala ale a lik wa nuruma daanika po. Baai ale pilim a jam wa jigi la wa a nya ba zuk kama.

⁸ Wa nyiem deri kaasi wa dachaasaŋa kama ase nyiam ale tagli jigi meena a pai nna pilim pilim la. Wa le vi wa dachaasaŋa a ga ko ba meena.

⁹ Ka boa ate ni a zɔk ayen ni tu chaab ale Naawen yaa? Wa le kaasi ni. Nuru karo a daani wa a saari buye.

¹⁰ Wa le ju ni ase munsa ale wukosik la.

¹¹ Nuru ale nyini Niineve ale popola baata a kisi Naawen ale ta gaasa sinsaga.

¹² Naawen ale weeni dii a te Juda demma la ale nna, <

¹³ Assiria ale ta pagrim buui ni zuk la, m le kpeglim bu abe m gebi chɔrima ŋaai ale bobi ni la.

¹⁴ Naawen ale weeni dii dueni a magsi Niineve la ale nna, <>

¹⁵ A nya, nuru ale nyini guutaŋa zuk a cheena ale wa paala. Wa bo ka suik cheena ayen wa mooli nak dɛka. Juda demma, ni a dɛ ni tiŋŋa abe ni pai jabuui ate ni puulim ayen ni te wa la a te. Nye ka tuem nyama a kan ŋman tuesi ni tɛŋka. M kaasi ba ka meena.