Matiu 5 - WEN GBAŊKA

¹ Yeezu yaa nya nuru boari nna yegayega ate wa yaa ta wa ŋaaŋviirɔma a jueli guuk zuk a kali du. Wa ŋaaŋviirɔma yaa jam tigsi a gilim wa,

² ate wa yaa piilim ba sakka. Yeezu yaa weeni ba ayen,

³ <

⁴ Baai ale a kum la, a ta suipeentik kama, dii nyiŋla Wen le basi ate ba sue yɔk.

⁵ Baai mɛ ale a zaab badek la, a ta suipeentik kama, dii nyiŋla ba le nya ŋan baai ate Wen a puulim ayen wa le te ba la.

⁶ Baai mɛ ale kasim ta ku nyiŋbiiri ba suiniima po ayen ba a tom dii ate Wen a yaali la, a ta suipeentik kama, dii nyiŋla Wen le te ba ŋan baai ate ba a yaali la.

⁷ Baai mɛ ale kasim ta jiirim ale nuruba la, a ta suipeentik kama, dii nyiŋla Wen le ta jiirim ale ba mɛ.

⁸ Baai mɛ suiniima ale lagri ale Wen la, a ta suipeentik kama, dii nyiŋla wa le basi ate bala a nya wa.

⁹ Baai mɛ ale a maari nuruba ate ba ta nɔiyeŋ ale chaab la, a ta suipeentik kama, dii nyiŋla Wen le wi ba ayen wa nidoabilisa.

¹⁰ Baai mɛ ate nuruba a namsi ba nna yegayega ba ale a tom Wen yaalika nyiŋla, a ta suipeentik kama, dii nyiŋla ba le dɛ Wen naamu.

¹¹ <

¹² Suik kula po ate nuruba a jam namsi Wen biisiteerɔma baai ale jam boro dipo la. Ni tutuna a zuak kama wenŋmazuk ate Wen ayen wa te ni. Ni be ta suipeentik.

¹³ <

¹⁴ <>

¹⁵ Nuru waai a karo a toati wa bolim a pai chin vuk bu a zaani. Nuru wala pai bu a zaani ka jaab zuk, ate bu a nya dɔkku po meena.

¹⁶ Suik kula po mɛ, nama me dek a basi ate nuru meena a nya ni tuim maŋsaŋa, ate ba baga a pak ni Kowa Wen dii ale bo wenŋmazuk la.

¹⁷ <

¹⁸ Wensie ate mi a weeni ni, nuru waai a kan baga a ko Sinsaŋŋa wa fiik mɛ la a basi, alege ate wenzuk ale tɛŋka meena a jam nueri.

¹⁹ Nuru waai a dan zɛri Wen Sinsak fiisaŋa dinyi vaka alege a sak nuruba ayen ba mɛ a zɛri, kula nyɔnɔ le jam wari ka ŋaaŋ Wen naamu po. Nuru waai mɛ a be dan va Wen Sinsaŋŋa ale a sak nuruba ayen ba a va ŋa, wala le dɛ ka niŋ Wen naamu po.

²⁰ M be a weeni ni kama ayen ni wayɔrisimaŋa a dan kan gaam Sinsak sagrɔma ale Farisiima ni waai a kan jo Wen naamu po.

²¹ <.

²² Alege mi a weeni ni kama yɔgyɔgla de ayen nuru waai sui a dan puuri ale wa suok ba a yik wa kama a ta a cheŋ boteerɔwa jigi. Nuru waai mɛ a dan weeni wa suok ayen wa ka kiriya, ba a yik wa kama a ta a cheŋ boteerɔma jigi. Nuru waai mɛ a bɛ dan weeni wa suok ayen wa ka beruk, Wen ale pai kula nyɔnɔwa a nyo bolim buui ale kan maari a kpimsi la po.

²³ <

²⁴ ni pai ni tiirimu a dueni kuŋkuŋku tɛŋ abe ni ga ate nama ale ni suataŋa a biisi a niak chaab. Ni dan nye dila a nueri, ni yaa ŋman pilim cheŋ a ga pai ni tiirimu a te Wen.

²⁵ <

²⁶ Mi ale a weeni ni ayen nama ale kasim a bo ka dula jigini ate ni ga tuni ni pamaŋa meena a nueri abe ba lak ni.

²⁷ <

²⁸ Alege mi a weeni ni kama yɔgyɔgla de ayen nuru waai a dan nya nipok ale koarisa, kula nyɔnɔ a nye ka kaboŋ wa suinum po.

²⁹ Fi juga nummu a dan a nye ate fi a nye wabaata, yeeri bu a yuk basi. Fi dan jɔk fi nyiŋka kauk a zunchoŋ Wen ale yuk fi nyiŋka meena a nyo bolim buui ale kan maari a kpimsi la po.

³⁰ Fi juga nisaŋa mɛ a dan a nye ate fi a nye wabaata, gebi si a yuk basi. Fi dan jɔk fi nisaŋa sinyi a zunchoŋ Wen ale yuk fi nyiŋka meena a nyo bolim buui ale kan maari a kpimsi la po.

³¹ <

³² Alege mi a weeni ni kama yɔgyɔgla de ayen nuru waai a dan zɛri wa pok, alege daa ayen wa a yaali ka nidoaba, ate wa yali nidoa wa chɔ, ka wadek ale basi ate wa powa a tom kaboŋsa tuima. Nuru waai mɛ ale a faari wa la a nye ka kaboŋ.

³³ <

³⁴ Alege mi a weeni ni yɔgyɔgla de ayen ni dan a puulim, ni kan pɛ. Ni kan pɛ wenŋmazuk yuei nyiŋŋa dii nyiŋla Wen boka jigi ale la.

³⁵ Ni be kan pɛ tɛŋzuk meena yuei nyiŋŋa, dii nyiŋla ka Wen naŋsa tabika jigi ale la. Ni be kan pɛ Jerusalem tɛŋka yuei nyiŋ mɛ, dii nyiŋla ka Naab kpioŋku boka jigi ale la.

³⁶ Ni be kan pɛ ni zuima yuei nyiŋŋa, dii nyiŋla nama an baga a tagri zu yeŋ ate ka a chim zu peelik yaase zu sobliga.

³⁷ Ni dan nye wari ate ba bek, ni siak ayen ni nye kama, ni be dan kan nyeya weeni ayen ni an nyeya. Ni dan biisi a gaam nya kude, ni wieŋa meena a nyini ka jabioku jigi.

³⁸ < (Nyinika 21:24)

³⁹ Alege mi a weeni ni kama yɔgyɔgla de ayen nuru waai a dan nye ni a kaasi, nama mɛ abe kan ŋman a nye wa dila dega. Nuru waai a dan fɔbi fi juga tapiaka, fi basi ate wa fɔbi gala tapiaka.

⁴⁰ Nuru waai a dan ta fu a cheŋ boteka yenni fi garuk nyiŋ, fi be ŋman a pai fi garuk kpioŋ a gum du a te wa.

⁴¹ Nuru waai a dan daani fu ayen fi ji wa kɔlima a ta cheŋ mɛɛli dinyi, fi be ji a ta cheŋ mɛɛla ŋaye a te wa.

⁴² Nuru waai a dan juisi ni jaab, ni pai a te wa. Nuru waai a dan a yaali ayen wa piem jaab ni piem a te wa.

⁴³ <

⁴⁴ Alege mi a weeni ni kama yɔgyɔgla de ayen ni a yaali ni dachaasaŋa abe ni a tom tuimaŋsa a te ba. Ni a puusi a te Wen ate wa a maari baai ale a namsi ni nna yegayega la.

⁴⁵ Nama a dan nye dila, Kowa waai ale bo wenŋmazuk la, ale basi ate ni chim wa bisa. Wa nye wenbinni ayen di a nyaksi nuru baata ale nuru maŋsa zuk ale basi ate ŋmorukku a ni baai ale a nye wabaata ale baai mɛ ale a nye wamaŋsa la zuk.

⁴⁶ Ni daa a yaali baai ale a yaali ni la nyiini, Wen ayen wa nye ka sɛ a pai wa tiirimu a te ni? Lampoo cheesirɔma mɛ a yaali baai ale a yaali ba la kama.

⁴⁷ Ni daa a puusi ni doaba nyiini, nama a nye ka boa a gaamu nuruba ale a nye diila? Baai ale kan seba Wen la a puusi ka dila.

⁴⁸ Ni a nye wamaŋsa ase ni Kowa waai ale bo wenŋmazuk, ale a nye wamaŋsa diila.