Matiu 28 - WEN GBAŊKA

¹ Vuusum Danni ale taam la, bakoanni piilimka danni, Mɛɛri Magdalene ale Mɛɛri nwala yaa cheŋ ba nya juijui ate ba gu Yeezu la.

² Tɛŋka yaa jam choa nna yegayega, ate Naawen maarɔ a nyini wenŋmazuk a siŋ bilim tintanni a dueni nakpiak a kali di zuk.

³ Maarɔwa a jam kasim a nyaksi kama ase wein ale a nyaksi diila. Wa gattaŋa mɛ a peenti nna yegayega.

⁴ Yɔgsum yaa yik baai ale a limisi vɔrumu la nna yegayega ate ba nyiŋsaŋa a gɔk ate ba nye nna ase ba kpi la.

⁵ Maarɔwa yaa weeni nipooma ayen, <

⁶ Wa ka dela jigini, wa yiti kum po kama ase wa ale liŋ weeni ni diila. Ni jam a nya juijui ate ba pai wa a dueni la.

⁷ Ni cheŋ nwuli a ga weeni wa ŋaaŋviirɔma ayen wa yiti kum po kama, wa be dɛ ka niŋ a cheŋ Galili tɛŋka. Ni le nya wa dula jigini. Ni teeri m le weeni ni diila.>>

⁸ Ba yaa basi dula jigini ale suipeentik a ga weeni wa ŋaaŋviirɔma dii meena ate maarɔwa a weeni ba la.

⁹ Yeezu yaa tu ba dula jigini a weeni ba ayen, <> Ba yaa domsi kali a puusi wa.

¹⁰ Yeezu yaa weeni ba ayen, <>

¹¹ Nipooma ale bo suik po a cheŋ la, tugurik tɔŋdɔma gela yaa cheŋ tɛŋka po a ga weeni kaabteerɔ kpaŋŋa dii meena ale nye la.

¹² Kaabteerɔ kpaŋŋa yaa tu chaab ale Tɛŋka nisɔmma ate ba pai ligra yegayega a te tugurik tɔŋdɔma ale weeni ba ayen,

¹³ <

¹⁴ Gominawa a dan poom wom ti le biisi a vari ni basi.>>

¹⁵ Tugurik tɔŋdɔma yaa tuesi ligraŋa ale weeni ate ku paari Juuma meena a ta jam paari jinla danni.

¹⁶ Wa ŋaaŋviirɔma pi ale wanyiwa yaa cheŋ a ga jueli guuk kunyi zuk Galili tɛŋka po juijui ate Yeezu a weeni ba ayen ba cheŋ la.

¹⁷ Ba ale nya wa dula jigini la ba yaa puusi wa. Ba gela a jam diem ta ka chichama.

¹⁸ Yeezu yaa forisi paari ba a weeni ba ayen, <

¹⁹ Ni cheŋ tɛŋsa meena a sak nuruba ate ba va mi, abe ni a te ba soka Kowa ale wa Nidoabinni ale wa Chiika yuei nyiŋ.

²⁰ Ni sak ba ate ba va wie ŋaai meena ate mi a sak ni la. M le bo ale ni a ga paari tɛŋka kpeglimka.>>