Matiu 24 - WEN GBAŊKA

¹ Yeezu ale yiti Wen yenni po a nyini la, wa ŋaaŋviirɔma yaa dak Wen yenni a sak wa.

² Wa yaa weeni ba ayen, <>

³ Yeezu ale wa ŋaaŋviirɔma nyiini yaa cheŋ ga jueli kala Olivi Guuku zuk. Ba yaa bek wa ayen, <>

⁴ Wa yaa weeni ba ayen, <

⁵ Nuruba yegayega ale jam pai mi yuenni nyiŋ a wi badek a weeni ayen ba ka Kirisitawa abe ba paasi nuruba yegayega. Ku a fɛ kama ayen nama a kan va ba.

⁶ Ni dan wom kpaliŋsa wie ate si gela a moata ale ge si gela mɛ a bo niŋniŋa, ni kan chali yɔgsummoa. Kula ale sak ni ayen tɛŋka kpeglimka danni a moata kama.

⁷ Tɛŋsa ale yiti a ta chaab ate naata mɛ a yiti a ta chaab. Ate kɔm a boro ate tɛŋka choa jigi meena.

⁸ Wieŋa de meena a nye ase ka nipok lɔgi ale a dom alege ate wa a biak la.

⁹ <

¹⁰ Va ŋala po nuruba yegayega baai ale jam ta siaka ale mi la, ale ŋmani mi ŋaaŋ vaka. Ba le kisi chaab abe ba bobri chaab a sak.

¹¹ Biisiteerɔba yegayega baai ale kan seba Wen la, ale jam paasi nuruba yegayega.

¹² Nuruba yegayega ale jam basi chaab yaalika, dii nyiŋla nuruba tuimbaata ale jam waaŋ a tagli jigi meena.

¹³ Waai a dan pik a ga paari ku nueri ka, Wen ale vari wa a basi.

¹⁴ Nuruba ale jam pai Wen wamaŋsaŋa a sak nuruba Wen naamu wie. Waai meena ale bo tɛŋka zuk la le liŋ wom wa wamaŋsaŋa wieŋa ale ge ate tɛŋka meena a kpeglim.

¹⁵ <> Nuru waai ale a karim wieŋa de la, abe miŋ chak.

¹⁶ <

¹⁷ Baai ale bo ba gbirima zuima la dan wom wabiokku de wie, ba kan ŋman yaali ayen ba siŋ a jo ba diinaŋa po a pai ba ŋanta.

¹⁸ Baai mɛ ale bo ba kaduksa po la dan wom wanni de, ba mɛ kan ŋman jo ba diinaŋa po ayen ba pai ŋanta.

¹⁹ Da ŋala po ku le jam pagra nna yegayega a te nipok puusa ale baai ale ta buluata la.

²⁰ Ni a puusi a te Wen ate kude a kan jam nye ŋoota wein ya yaase ba Vuusum Danni.

²¹ Ku dan paari da ŋala ninam buui ate nuruba ale nam la ale gaam ninam meena ate nuruba, a nam a ta nyini diipo ate Wen a nye tɛŋka la. Ninam bula choa a kan ŋman jam.

²² Wen poom yeeri ninam daaŋa po ŋa gela a basi kama, dii nyiŋla baai ate wa lueri ayen ba jam va wa la nyiŋ. Wa dan kan yeeri ninammu daaŋa gela a basi ya, waai ate kan nyini ninammu po a nyini.

²³ < yaase ni kan wom wa.

²⁴ Nuruba gela ale jam yiti a paasi nuruba ayen ba ale Kirisitawa. Ba baai mɛ le jam a weeni ayen ba ka Wen biisiteerɔba. Ba le jam a tom wakperikaliisa nna yegayega a yaali ayen ba dan poom baga ba paasi baai ate Wen a lueri ayen ba va wa la.

²⁵ Ni wom mi wieŋa de nalimnyiini. Mi poom liŋ weeni ni ba le cheena ayen ba nye ni diila kama.

²⁶ Va ŋala po nuru wanyi ale weeni ayen, Wa chɔ mɛ ale weeni ni ayen, Nama kan a wom ba.

²⁷ Mi Saalɔbiika ŋman jamka ale nye a ase ka nyaksika la a nyini kori a taam siŋ yeniŋ ate nuruba nya.

²⁸ Ni seba ayen jakpiuk ale dua juijui la duinsa a bo ka dula.

²⁹ <

³⁰ Saalɔbiika jam ka daanaŋa ale jam chiŋmaaŋa po, ate tɛŋka meena demma ale kum, dii nyiŋla ba le nya Mi Saalɔbiika ale m nyini chiŋmaaŋa po a cheena ale pagrim ale zula yega.

³¹ Mi ale tom maarɔma ale damuniŋ peerika ate ba tigsi nuru baai ate Wen lueri a ta nyini tɛŋka meena la.

³² <

³³ Suik kula po mɛ, ni dan nya wieŋa de meena ale ŋa boro a nye, ni le seba ayen da ŋala a moata kama.

³⁴ Wensie ate mi a weeni ni gaŋka de a kan sum taam ka wieŋa de meena a nin nye.

³⁵ Wenŋmazuk ale tɛŋzuk meena ale jam taam dai yeŋ po, alege mi wieŋa a kan taam diipo diipo.

³⁶ <

³⁷ Mi ŋman jamka ale nye ase ka dii ale jam nye ase ka Nowa daaŋa po la.

³⁸ Ase Nowa ale jam boro a nye wa ŋaaruŋ kpioŋku la, waai meena jam boro a nye ka wadek ale a yaali diila. Ba jam kasim a dɛ ŋandiinta ale a nyu ate nidoaba me a faari nipooba. Ba kasim a nye ka dila a ta ga paari diipo ate Nowa a jo wa ŋaaruŋku po alege ate nyiam a jam la.

³⁹ Ba jam zɛ ayen Wen ale basi ate nyiam jam a sueri tɛŋka meena a gbiti ba ko. Mi Saalɔbiika jamka ale nye ase ka dai dila danni la.

⁴⁰ Dai dila dek danni nuruba baye ale bo ba kaduksa po a kpa, ate Wen a pai wanyi a ta cheŋ abe wa ge wanyi wa.

⁴¹ Nipooba baye ale bo nanzuk po a num zom, ate wa pai wanyi abe wa ge wanyi wa.

⁴² <

⁴³ Ni basi ate m weeni ni ayen ase yeri nyɔnɔ a dan seba ayen zueba ale jam wa yeri, wa ale kasim a nya kama ate zuema a kan baga a jo zu. Wa kan goa see ka wa nin yik ba.

⁴⁴ Diipo ate nama a kan ŋman poli ayen Mi Saalɔbiika ale jam la, dila po ale m cheena. Ka dila ale soa ayen ni gomsi a magsi a limisi la.

⁴⁵ <

⁴⁶ Tomteerɔ waai ate wa kpagi a jam paari ale wa a tom wa tuini la a ta suipeentik kama.

⁴⁷ Wensie ate mi a weeni ni, yenni nyɔnɔwa yaa le basi ate wa a nya wa yenni ŋantaŋa meena zuk a te wa.

⁴⁸ Alege tomteerɔwa waai ate yenni nyɔnɔwa a lueri la, a dan ka nyiŋworuk nyɔnɔ, wa a weeni wadek kama ayen wa nyɔnɔwa a kan jamu nwuli.

⁴⁹ Dila nyiŋla wa yaa yik wa tomteerɔ chaama a nak kama alege cheŋ a ga gum baai ale boro a dɛ ŋandiinta ale a nyu daata a bugi la jigi.

⁵⁰ Dai dii danni ate wa kan poli ayen wa nyɔnɔwa a cheena la, dai dila danni dek ate wa cheena.

⁵¹ Wa nyɔnɔwa a dan jam nya dii ate wa tom la, wa sui ale puuri nna yegayega ale wa, ate wa namsi wa abe wa pai wa a gum chaab ale sakpaŋ zula nyama. Wa ale bo ka dula a kum abe wa a ŋɔbi wa nyinaŋa.