Matiu 14 - WEN GBAŊKA

¹ Da ŋala po Galili demma naawa Ayerod yaa wom Yeezu wie.

² Wa yaa wi wa tomteerɔma a weeni ba ayen, <>

³ Ayerod a jam yik Jɔɔn kama a bobi wa a ta ga lik wa suoku Filip powa Ayerodiasi nyiŋ.

⁴ Jɔɔn a liŋ jam weeni Ayerod kama ayen, <>

⁵ Ayerod a jam a yaali ayen wa ko wa kama, alege wa jam a chali Juuma yɔgsum, dii nyiŋla ba jam a poli kama ayen Jɔɔn a jam ka Wen biisiteerɔma po wanyi.

⁶ Ayerod biamu benni danni ale jam paari la, wa yaa wi nuruba yegayega ayen ba jam a maa dɛ wa biamu danni ŋandiintaŋa. Ba ale jam a tigsi chaab a boro a dɛ la, Ayerodiasi liewa yaa jo dɔk kuui ate ba jam kala a dɛ la, a yaa gɔk. Wa gɔgtaŋa a jam te Ayerod ka suipeentik nna yegayega.

⁷ Wa yaa pɛ a weeni wa ayen, <>

⁸ Wa mawa ale weeni wa jabuui ale magsi wa bek la, <>

⁹ Ayerod sui yaa kaasi, alege wa an jam baga a zɛri ya, dii nyiŋla wa jam pɛ kama ale nipokbinni nuruma meena nimbie po. Wa yaa weeni wa tugurik tɔŋdɔma

¹⁰ ayen ba cheŋ juijui ate ba lik Jɔɔn la a gebi wa zukku a ta jam.

¹¹ Ba yaa pai zukku a dueni taasi tanlaŋ po a ta jam te nipokbinni. Wa yaa tuesi ku a ta ga te wa mawa.

¹² Jɔɔn ŋaaŋviirɔma ale jam wom dii ale nye la, ba yaa cheŋ a ga pai wa nyiŋka a gu. Ba yaa ga weeni Yeezu.

¹³ Yeezu ale wom dii ale nye Jɔɔn la, wa yaa cheŋ a ga jo ŋaaruŋ po a cheŋ sagni po wadek wa nyiini. A se wa ale jam a cheŋ la, nuruba yegayega yaa nya wa. Ba yaa basi ba tɛŋsaŋa ale yiti a dɛ niŋ a paari du ale ge ate wa yaa wari ŋaaŋ a jam.

¹⁴ Yeezu ale nyini ŋaaruŋku po a siŋ tɛŋ la, wa yaa nya nuru boari nna yegayega ale ba za a limisi wa. Wa jiirim yaa jam bo ale ba ate wa yaa tebi baai ale a yuak la.

¹⁵ Ku le paari junɔi la, wa ŋaaŋviirɔma yaa jam wa jigi a weeni wa ayen, <>

¹⁶ Yeezu yaa tulisi ba ayen, <>

¹⁷ Ba yaa weeni wa ayen, <>

¹⁸ Wa yaa weeni ba ayen, <> Ba yaa ta jam.

¹⁹ Yeezu yaa weeni ate nuruma meena a kali tɛŋ dula jigini, ate wa yaa pai borobottaŋa tinuwa ale jumaŋa ŋayewa a zak wa zuk a nya wenŋmazuk a puusi a te Wen. Wa ale puusi nueri la, wa yaa wɛ boroboroku a pai te wa ŋaaŋviirɔma ayen ba pai a chari nuruma,

²⁰ ate ba meena yaa ŋɔbi chak. Ba ale ŋɔbi nueri la, Yeezu ŋaaŋviirɔma yaa pai busisa pi ale siye a pai ŋandiin talaŋa a sueri si.

²¹ Baai ale jam ŋɔbi boroboroku ale jumaŋa la nidoama nyiini jam ka tusa ŋanu (5,000). Ba an jam chiini nipooma ale bisaŋa a gum du.

²² Yeezu yaa weeni wa ŋaaŋviirɔma ayen ba jo ŋaaruŋku po a taam nyakpiemu kauk kunkula ŋaaŋnyiŋ, abe ba ge ate wa banti nuru boanni ate ba kuli ba yeeŋa.

²³ Wa ale banti ba la, wa yaa cheŋ a ga jueli guuk kunyi zuk ayen wa puusi a te Wen. Tɛŋka ale jam a sobri la, Yeezu dek wa nyiini ale jam bo dula.

²⁴ Wa ŋaaŋviirɔma yaa jam bo ŋaaruŋku po nyiamu suŋsuŋ ate vioku a fɔbi ba ŋaaruŋku a basi kauk yoŋ.

²⁵ Ku ale jam paari vari kpadiaka kumka po la, Yeezu yaa nyini guuku zuk a ga siŋ nyakpiemu po a za nyiamu zuk a cheŋ wa ŋaaŋviirɔma jigi.

²⁶ Ba meena ale nya wa ale wa za nyiamu zuk a cheŋ cheena ba jigi la, yɔgsum yaa deri yik ba nna yegayega. Ba yaa kaari nna yegayega, dii nyiŋla ba jam a poli ayen wa ka kɔk.

²⁷ Yeezu yaa deri kpabi a weeni ba ayen, <>

²⁸ Piita yaa weeni wa ayen, <>

²⁹ Yeezu yaa weeni wa ayen, <> Piita yaa basi ŋaaruŋku ale nyini a cheŋ Yeezu jigi.

³⁰ Ase wa ale jam a cheŋ la, wa yaa nya ale vioku a jam pagra nna yegayega. Yɔgsum yaa deri yik wa ate wa a siŋ nyiamu tɛŋ. Wa yaa kaari a weeni ayen, <>

³¹ Yeezu yaa deri teeri wa nisaŋa a yik wa ale weeni wa ayen, <>

³² Yeezu ale Piita yaa cheŋ a ga jo ŋaaruŋku po, vioku yaa deri basi.

³³ Wa ŋaaŋviirɔma baai ale jam bo ŋaaruŋku po la yaa pak Yeezu ayen, <>

³⁴ Ba yaa jam taam jueli nyakpiemu kauk kunkula a ga paari Genesaret tɛŋka.

³⁵ Dula jigini nuruma yaa nya Yeezu a deri miŋ wa. Ba yaa deri tom ayen ba ta yuarɔma a jam wa jigi.

³⁶ Ba yaa saalim wa ayen wa basi ate yuarɔma a tiri wa garukku nɔnni ate ba baga a nya nyiŋyɔgsa. Baai meena ale jam tiri wa garukku nɔnni la a nya nyiŋyɔgsa kama.