Matiu 13 - WEN GBAŊKA

¹ Dai dila danni Yeezu yaa basi dula ale ŋmani cheŋ nyakpiemu nɔi a ga kala a sak nuruma Wen wie.

² Nuru boari yegayega yaa jam za a gilim wa. Ba ale jam a piisi la nyiŋ ale soa ate wa yaa yiti ga jo ŋaaruŋ po a siŋ nyiamu po a torisi a cheŋ niŋ maga dega, ale ge ate nuru boanni yaa za nyiamu nɔi.

³ Wa yaa magsi wamagsima a sak ba wie nna yegayega a weeni ba ayen, <

⁴ Wa ale jam boro a yuk la, bieŋa gela a lo suiku po ate nuinsa a jam pisi ŋa meena.

⁵ Ŋa gela mɛ a lɔ tintana po. Ŋa yaa nyini nna nwuli, dii nyiŋla tantaŋa an jam soa diiya dula jigini.

⁶ Kantueŋka ale jam nak ŋa la, ŋa yaa deri kɔ, dii nyiŋla ŋa naŋsaŋa an jam baga a siŋ paari nyiamoa.

⁷ Ŋa gela mɛ a lo munsa po a yaa nyini. Munsaŋa mɛ a nyini geri ŋa.

⁸ Bieŋa gela mɛ a lo tɛŋ naluŋ po a nyini a biak nalimnyiini. Ŋaai a ta bie pisita, ŋaai pisiyuebi, ŋaai mɛ kook.

⁹ Waai ale ta tue a wom la, a wom mi nalimnyiini.>>

¹⁰ Yeezu ale jam kala wadek wa nyiini la, wa ŋaaŋviirɔma yaa jam a bek wa ayen, <>

¹¹ Yeezu yaa weeni ba ayen, <

¹² Nuru waai a dan tara, Wen ale gum du a te wa ate wa ta yegayega. Nuru waai a dan kan ta jaaboa, mak kaai ate wa ta la, Wen ale tuesi.

¹³ Ka dila nyiŋ ale soa ate mi a magsi wamagsima a sak nuruba la. Ba ta nina alege an baga a nya. Ba ta tue alege kan wom. Mi daa biisi ale ba, ba kan miŋ mi ale a biisi diila kiri ya.

¹⁴ Dii ate Wen biisiteerɔwa Azaya a ŋmarisi ba wie Wen Gbaŋka po dipo la ka wensie. Wa ŋmarisi ayen,

¹⁵ Dii nyiŋla ba popolaŋa a lik kama, ba tueŋa mɛ a kpari ate ba ninaŋa a yi. Ba dan kan nye ka dila ba ninaŋa a ta nya kama, ate ba tueŋa a wom ate ba popolaŋa mɛ a miŋ. Ate ba basi ba wabaataŋa ate m vɔŋ a te ba.> (Azaya 6:9-10)

¹⁶ <

¹⁷ Ni basi ate m weeni ni ayen Wen biisiteerɔma ale Wen nuruma yegayega a yaali kama ayen ba nya wie ŋaai ate nama a nya la, alege ba an baga a nya ŋa. Ba a yaali ayen ba wom wie ŋaai ate nama a wom la nna yegayega, alege ba an baga a wom ŋa.

¹⁸ <

¹⁹ Bie ŋaai ale lo suiku po la a nye se ka Wen naamu po wamaŋsaŋa ŋaai ate nuruba a wom alege kan miŋ ŋa kiri la. Jabioku yaa jam nna nwuli a tuesi wamaŋsaŋa ba suiniimaŋa po.

²⁰ Bie ŋaai ale lo tanaŋa po la a nye se ka baai ale a wom wamaŋsaŋa ate ba sue a peenti la.

²¹ Alege wamaŋsaŋa a kan siŋ ba suiniimaŋa po ate ba a ta ŋa a beni. Ninam a dan jam yik ba wamaŋsaŋa vaka nyiŋ, ba yaa deri basi.

²² Bie ŋaai ale lo munsaŋa jigini la a nye se ka baai ale a wom wamaŋsaŋa, alege tɛŋzuk meena ŋantaŋa yaalika ale ba ligraŋa yaalika, ŋala meena a kaasi ka wamaŋsaŋa ate ba an baga a ta ŋa a beni.

²³ Bie ŋaai ale lo tɛŋ naluŋku po la a nye se ka baai ale a wom wamaŋsaŋa ate ŋa a jo ba suiniima po nalimnyiini ale baga a biak a ta bie pisita, ŋaai pisiyuebi ate ŋaai mɛ kook.>>

²⁴ Yeezu yaa ŋman magsi wamagsima ŋa chaab ale ba ayen, <

²⁵ Diipo ate nuru meena a goa la wa dachiak yaa yiti yokku po a cheŋ nuruwa talimu a ta wuu bie a ga bori bu po ale ge cheŋ.

²⁶ Ŋantaŋa ale nyini a chim a moata puusa yikka la, wuutaŋa mɛ a nyini a chim.

²⁷ Dai yeŋ po talimu nyɔnɔwa tomteerɔma yaa jam a bek wa ayen,

²⁸ Wa yaa tulisi ba ayen, Ba yaa ŋman bek wa ayen,

²⁹ Wa yaa weeni ba ayen,

³⁰ Ni basi ate ŋantaŋa ale wuutaŋa a gum chaab a chim. Cheka danni a dan paari, m le basi ate cheerɔma a che ŋa meena abe ba yaa luk wuutaŋa a ju abe ba ge ŋantaŋa dek a ta ga nyo m bunni po.> >>

³¹ Yeezu yaa a ŋman magsi wamagsini ale ba ayen, <

³² Di ka bie meena po bɛ fiik. Di dan nyini a chim, di a zuak kama a gaam ti fiisaŋa meena, ate nuinsa a jam a yɔk si tugta bu zuk.>>

³³ Yeezu a ŋman diem a magsi wamagsini di choa ale ba ayen, <>

³⁴ Yeezu a nyiem a dan boro a sak nuru boanni, wa a magsi ka wamagsima ale ba. Wa kan weeni wari alege a kan magsi wamagsini.

³⁵ Wa a nye nya kude kama ate ku sak ayen dii ate Wen biisiteerɔwa a ŋmarisi Wen Gbaŋka dipo la a chim wensie. Wa ŋmarisi ayen, <> (Yiila 78:2)

³⁶ Yeezu yaa basi nuru boanni ale ge a ga jo yenni po. Wa ŋaaŋviirɔma yaa jam a weeni wa ayen, <>

³⁷ Yeezu yaa weeni ba ayen, <

³⁸ Talimu a magsi chaab ale ka tɛŋzuk meena, ale ge ate ŋanborintaŋa a magsi chaab ale nuru baai ate Wen a soa la. Wuutaŋa me a magsi chaab ale ka nuru baai ate jabioku a soa la.

³⁹ Dachiak kaai ale bori wuutaŋa la ale jabioku. Cheka danni a magsi chaab ale ka tɛŋzuk meena kpeglimka danni. Cheerɔma mɛ a magsi chaab ale ka Wen maarɔma.

⁴⁰ Ase cheerɔma ale a tigsi wuutaŋa a gum chaab a ju diila, tɛŋzuk meena kpeglimka danni me ale nye ase ka dila la.

⁴¹ Mi Saalɔbiika ale tom m maarɔma ate ba tigsi baai ale a tom wabaata ale baai ale a sak nuruba wabaata tomka suik la meena.

⁴² Maarɔma ale pai ba a yuk basi bolim buui ale kan maara kpimsi la po ate ba bo dula a kaari abe ba ŋɔbi ba nyinaŋa.

⁴³ Tuimaŋsa nyama a za ba a nyaksi a se ka wenbinni la ba Kowa Naamu po. Nama baai ale ta tue la, ni wom mi.

⁴⁴ <

⁴⁵ <

⁴⁶ Wa dan nya kpain dii diak ale pagra a gaam ŋa meena la, wa yaa ga a pai wa ŋanta meena a da. Wa le da a nueri la, wa yaa ŋmani a cheŋ waai ale ta tintanni a da la jigi a da.

⁴⁷ <

⁴⁸ Ŋmiaka a dan sueri, jumyigrɔwa yaa dari ka a ta jueli kunkɔŋni. Wa dan ta ŋa a jueli, wa yaa kali tɛŋ a luk jum ŋaai ate ba a ŋɔbi la a nyo chinni po ale ge a pai jum ŋaai ate ba kan ŋɔbi la a yuk basi.

⁴⁹ Suik kula po mɛ, tɛŋzuk meena kpeglimka a dan jam paari, Wen maarɔma ale luk nuru maŋsaŋa ale nuru baataŋa tɔgatɔga a zaani.

⁵⁰ Wa le pai wabaataŋa nyama a ta ga yuk basi bolim buui ale kan maari a kpimsi la po. Dula jigini ba le kum nna yegayega abe ba a ŋɔbi ba nyinaŋa.>>

⁵¹ Yeezu yaa bek nuruma ayen, <> Ba yaa tulisi wa ayen, <>

⁵² Yeezu a ŋman weeni ba ayen, <>

⁵³ Yeezu ale sak nuruma de a nueri la, wa yaa basi dula jigini,

⁵⁴ alege cheŋ wadek tɛŋka. Dai yeŋ po wa yaa cheŋ a ga jo ba Juuma tuka dɔkku po a sak nuruma Wen wie. Ku yaa jam cha nuru baai ale jam bo dula jigini la. Ba yaa bek chaab ayen, <

⁵⁵ Daa wala ale danagrɔwa nidoabinni la? Daa wa ma Mɛɛri ale la? Da Jeemsi ale Josefi ale Simon ale Judas suok ale la?

⁵⁶ Wa toama an bo daa de la? Wa nye ka sɛ a seba nna?>>

⁵⁷ Nuruma meena sue an jam masa ale wa, dii nyiŋla ba seba wa kiri meena kama. Yeezu yaa weeni ba ayen, <>

⁵⁸ Wa an jam a tom wakperikaliisa yegayega dula jigini, dii nyiŋla ba jam ka siaka ale wa.