Matiu 12 - WEN GBAŊKA

¹ Ba Vuusum Daaŋa po dinyi Yeezu ale wa ŋaaŋviirɔma yaa jam cheŋ va nuru talim po. Ba la cheŋ la, kom yaa ta wa ŋaaŋviirɔma ate ba yaa wie ŋanbie ayen ba ŋɔbi.

² Alege Farisiima ale nya la, ba yaa weeni wa ayen, <>

³ Yeezu yaa bek ba ayen, <

⁴ Wa le jo Wen yenni po a pai boroboroku a wɛ a ŋɔbi ale ge a wie a te wa doama ate ba mɛ a ŋɔbi la. Ba kan te nuru yoŋ a ŋɔbi boroboroku de ka Wen yenni kaabteerɔma nyiini ale a ŋɔbi ku.

⁵ Nama an karim dii ate Moosis a ŋmarisi Wen gbaŋka po ayen Wen yenni po kaabteerɔma a kaasi ti Vuusum Danni kisiku kama, alege nuru waai a kan nya ba kaasuŋku?

⁶ Ni basi ate m weeni ni ayen nuru a bo dela a zuak gaam Wen yenni kama.

⁷ Ba ŋmarisi Wen gbaŋka po ayen wa weeni kama ayen, Ni dan seba wieŋa de kiri, ku an magsi ayen nama a bo baai ale kan nye a kaasi la buusa.

⁸ <>

⁹ Yeezu a yaa basi dula jigini ale ge a cheŋ ga jo ba tuka dɔkku po.

¹⁰ Nuru wanyi ale jam bo dula ate wa nisa a kpi. Nuru baai ale jam bo dula la, a jam a limisi kama ayen ba nya se Yeezu le tebi nuruwa nisaŋa Vuusum Danni po yaase wa kan tebi ate ba nya suik a ŋma wa.

¹¹ Yeezu yaa weeni ba ayen, <

12 Nurubiik a be gaam posuk kama nna yegayega. Ka dila ale soa ate nuru a dan maari wa suok Vuusum Danni po, wa kan kaasi Vuusum Danni kisiku.>>

¹³ Wa yaa weeni nuru waai nisaŋa ale kpi la ayen wa teeri si. Wa yaa teeri si ate si ŋman nye si nyeka ase nsila la.

¹⁴ Farisiima yaa yiti dula jigini a nyini a yaa gisi suik ayen ba ko Yeezu.

¹⁵ Yeezu ale wom dii ate ba a yaali ayen ba nye wa la, wa yaa basi dula jigini ale ge cheŋ. Nuruba yegayega a jam va wa ate wa tebi ba tuetaŋa meena.

¹⁶ Wa ale tebi ba la, wa yaa weeni ba ayen ba kan weeni a sak nuru wa ale nye diila.

¹⁷ Wa weeni ba nya kude kama ayen dii ate Wen biisiteerɔwa Azaya a ŋmarisi dipo la a chim wensie. Wa ŋmarisi kama ayen,

¹⁸ <

¹⁹ Wa kan nye kpaliŋŋa yaase wa kaari ate ku jueli yaase waai a wom wa lueluk suik duataŋa po.

²⁰ Wa kan kaasi wobi dii ale koani la yaase wa kan kpimsi boom buui ale kan nya a paari la ate ku ga paari diipo ate wa le ta nyemagsika a jam tɛŋzuk ale nakdeka la.

²¹ Ate wa nyiŋ baai ale kan daa Juuba la yiila ale bo wa jigi.>> (Azaya 42:1-4)

²² Ba yaa ta waai ale ka gauŋ ale yi mɛ la a jam wa jigi, dii nyiŋla chichirik biok ale jam ta wa. Yeezu yaa tebi wa ate wa ŋman baga a biisi ale a nya.

²³ Ku yaa cha nuru boanni ate ba yaa bek chaab ayen, <>

²⁴ Farisiima ale wom dii ate nuruma a biisi ale chaab la, ba yaa weeni ba ayen, <>

²⁵ Yeezu a jam seba dii ate Farisiima a poli la kama a yaa weeni ba ayen, <

26 Ase Sitaana ale wa tuimtomdɔma a dan ta chaab, wa naamu a kan beni ale ge a lo.

²⁷ Be dan ka Beelzebu pagrim ate mi baga a nye dila, nama dek nuruma abe nya ba pagrimu mɛ ka bɛ a baga a nye wa ŋala chaama? Bala abe le ba bo ni buusa ale ni le tulisi diila.

²⁸ Ku be dan ka Wen Chiika nyiŋ ate mi baga a yiak chichirik baata nuruba zuima po a basi, ku be a sak kama ayen Wen naamu jam ni jigi kama.

²⁹ Nuru karo a baga a jo pagrɔ yeri po a zu wa ŋanta ka wa nin liŋ a yik wa a bobi alege pai ŋantaŋa.

³⁰ <

³¹ <

³² Nuruba a daa lɛ Mi Saalɔbiika, Wen ale vɔŋ a te ba. Nuruba abe daa lɛ Wen Chiika, Wen a kan vɔŋ a te ba diipo diipo.

³³ <

³⁴ Nama a nye se ka wiiga la. Ase nama a daa tom wabaata ni le nye ka sɛ a biisi wamaŋsa? Wie ŋaai ate nama a biisi la a nyini ka nidek puusa po.

³⁵ Nuru suinum a bo ka wa ŋanta zaanika jigi. Wamaŋsa a dan bo dula, wa a yeeri ŋa kama a biisi. Wabaata mɛ a dan bo du, wa a yeeri ŋa me kama a biisi.

³⁶ Wensie ate mi a weeni ni, Wen a dan jam ayen wa bo tɛŋzuk meena demma buusa, wa le bek waai meena wa ka ya tii ate ba biisi la.

³⁷ Wen le pai ka wie ŋaai ate ni biisi la a bo ni buusa. Nama ale biisi ŋaai meena ate wa wom la le basi ate wa weeni ayen ni kaasi kama yaase ni zɛ ku po.>>

³⁸ Da ŋala po Sinsak sagrɔma ale Farisiima gela yaa jam Yeezu jigi a weeni wa ayen, <>

³⁹ Yeezu yaa weeni ba ayen, <

⁴⁰ Wen a jam tom jum kpiem ate bu ga ne Jona. Wa jam a bo bu poni po ka daa ŋata. Suik kula po mɛ ba dan jam ko Mi Saalɔbiika, nuruba le gu mu. Ba dan gu mu, daa ŋata danni m le yiti kum po.

⁴¹ Buusa boka danni mɛ a dan paari, Niineve demma mɛ le yiri zaani kama a toariŋ ni dii nyiŋla, ba ale wom Jona sinsaŋŋa la, ba basi ba tuimbaataŋa tomka kama. Ni be basi ate m ŋman weeni a sak ni ayen wa dii ale bo dela la, a gaam Jona kama.

⁴² Yeseoku Nipok Naawa ale yiti kama buusa boka vaaŋa po ale gaŋka de nuruma a bo mini ba, wa jam nyini ka tɛŋka kpeglimka a jam wa wom Solomon yammu wie, ni abe nya wari dii ale zuak a gaam Solomon la a bo dela.

⁴³ Yeezu a yaa ŋman weeni Farisiima ayen, <

⁴⁴ Ku a weeni ka ku dek ayen, Ku dan ŋmani a ga jo dula jigini, ku yaa ale nya ayen ku jigini a gomsi magsi kama.

⁴⁵ Ku yaa ŋman nyini dula jigini a ga gisi a nya ku chichirik baata ti chaab tiyopɔi a ta ga jo nuruwa po. Nuruwa la ale poom ka diila a gaam wa daamwa kama. Ku le ku nye dii ale jinla demma baai ale a tom wabaata la ale la.>>

⁴⁶ Yeezu ale diem boro a biisi a te nuruma la, wa mawa ale wa suataŋa a yaa jam za peelim a tom nuru ayen wa jo a wi wa.

⁴⁷ Wa yaa jam Yeezu jigi a weeni wa ayen, <>

⁴⁸ Alege wa tulisi nuru waai ale weeni wa la ayen, <>

⁴⁹ Wa yaa dak ayen ba nya wa ŋaaŋviirɔma, ale weeni ba ayen, <

⁵⁰ Waai meena ale a tom dii ate mi Kowa waai ale bo wenŋmazuk a yaali la, wala ale mi suok, ale mi toa, ale mi ma.>>