Matiu 10 - WEN GBAŊKA

¹ Yeezu yaa wi wa ŋaaŋviirɔma pi ale bayewa ate ba jam wa jigi, ate wa yaa pai wa pagrimu a te ba, ayen ba yiak chichirik baata nuruba zuima po ale a tebi nyiŋtuila ale tueta meena.

² Wa tuimtomdɔma pi ale bayewa yue a jam ale Simon ate ba a wi ayen Piita la, ale wa yuawa Andiru ale Zebedi nidoabilisaŋa Jeemsi ale wa yuawa Jɔɔn

³ ale Filip ale Batolomiu ale Tomasi ale Matiu waai ale jam ka lampoo cheesirɔwa la ale Alfiyus nidoabinni Jeemsi ale Tadiusi

⁴ ale Simon ale jam a nye ayen Juuma a nya badek zuk la ale Judas Iskariot waai ale jam a ta Yeezu a ga bobri a sak la.

⁵ Yeezu yaa weeni ba ayen, <

⁶ Ni nyiem Juuma ale bo tɛŋ sii la nyiini. Ba a nye se ka piisa ale bɛ la.

⁷ Ni cheŋ a ga sak ba ayen Wen naamu a moata kama.

⁸ Ni puusi a te yuarɔma ale gamaŋa ate ba nya nyiŋyɔgsa, abe ni nak kpieba kum po a yiti abe ni yiak chichirik baata nuruba zuima po a basi. Pagrimu dɛ ate mi a pai te ni la, ni an tuniya, nama mɛ a pai te abe ni kan yaali tutuna.

⁹ Ni kan pai ligra a nyo ni fotaŋa po.

¹⁰ Ni kan pai kɔlima yaase fotta ale garuk juenta ale nuensa ale tacheksa. Ku a magsi kama ayen tuimtomdisa a dɛ ba tuimaŋa nyiŋ.

¹¹ Ni dan ga paari tɛŋ, ni jo ka po a gisi nuru waai ale wa te ni tia abe wa tuesi ni la. Ni dan nya nuru wala choa, ni be bo ale wa a ta ga paari dai dii dai ate ni a basi dula la.

¹² Ni dan ga jo yenni po, ni puusi ba.

¹³ Ba dan te ni tia, Wen ale te ba suiyɔgni. Ba dan kan te ni tia, Wen a kan te ba suiyɔgni.

¹⁴ Tɛŋ kaai nuruba a dan kan te ni tia ale kan yaali ayen ba wom dii mɛ ate ni ta ayen ni weeni ba la, ni kpaanti ni naŋtaataŋa paasuku a basi dula jigini.

¹⁵ Ni wom mi nalimnyiini. Wen a dan jam ayen wa bo tɛŋka meena demma buusa, wa le ta jiirim ale Sodom ale Gomora tɛŋsaŋa la po a gaam ba.

¹⁶ <

¹⁷ Ni kpesi nidek dii nyiŋla nuruba ale yik ni ale pagrim a ta cheŋ boteka yenni. Ba le miiri ni mɛ ale fiŋsa ba tuka diinaŋa po.

¹⁸ Ba le ta ni a cheŋ a ga zaani nalima ale kpaga niŋ ate ba bo ni buusa mi nyiŋ. Ba dan nye ni dila ni yaa le nya suik a biisi ale ba ale baai mɛ ale kan daa Juuba la Wen wamaŋsaŋa wie.

¹⁹ Ba dan ta ni a jam boteka yenni po, ni kan basi ate dii ate ni ayen ni biisi la a daani ni. Ku dan jam paari ni biik, Wen ale sak ni ate ni biisi.

²⁰ Wie ŋaai ate ni ayen ni biisi la a kan chim nama dek wie, alege ŋa le nyini ka ni Kowa Wen Chiika jigi.

²¹ <

²² Waai meena ale kisi ni, dii nyiŋla nama ale a va mi la. Nuru waai a dan ta suduŋni ale ninam ate ku beni, Wen ale vari wa a basi.

²³ <

²⁴ <

²⁵ Zamsirɔ a pii ka nyiŋ wadek ayen wa magsi chaab ale wa sagrɔ. Tomteerɔ mɛ a yaali kama ayen wa dan nya suik wa ale wa nyɔnɔwa a magsi chaab. Nuruba a dan a wi mi ayen Beelzebu, chichirik baata meena kpagni, ba le wi nama yue ate ŋa gaam di.

²⁶ <

²⁷ Dila nyiŋ ku a fɛ kama ate ni a sak nuruba wie ŋaai ate mi a suk a sak ni la, a lagri.

²⁸ Ni kan a chali yɔgsum ale nuru baai ale a ko nuruba nyiŋ lammu la, dii nyiŋla ba an baga a ko ba chiisaŋa. Ku magsi kama ayen ni a chali Wen dii ale baga a kaasi nuruba nyiŋsa ale ba chiisa bolim buui ale kan maari a kpimsi la po yɔgsum.

²⁹ Nuin fiisa siye kan da daa ligbiri yaa? Alege si po bunyi a dan poom a lo tɛŋ, ni Kowa Wen a seba ku po kama.

³⁰ Alege nama, Wen a chiini ni zuisaŋa meena ni zuimaŋa po kama.

³¹ Nya kude nyiŋ nama kan a chali yɔgsum. Ni gaam nuinsaŋa ka nna yegayega Wen nimbie po.

³² <

³³ Alege waai mɛ a dan nyini peelim nuruba niŋ a zɛri mi, Mi mɛ ale nyini ka peelim a zɛri wa mɛ M Kowa waai ale bo wenŋmazuk la niŋ.

³⁴ <

³⁵ Bisa ale ŋman tulim a ta chaab ale ba koba. Lieba mɛ ale ŋman tulim a ta chaab ale ba maba. Sampooba mɛ ale tulim ta chaab ale ba ŋianipooba.

³⁶ Ku dan jam ase nnala la, ni le seba ayen nuru dek dɔkdem ale wa dachaasa. (Maika 7:6)

³⁷ <

³⁸ Nuru waai a ale kan gomsi a magsi ayen wa nya ninam yaase wa kpi mi nyiŋla an magsi ayen wa va mi.

³⁹ Nuru waai ale a yaali wadek nyuvuri ale kan yaali ayen wa nya ninam la, kula nyɔnɔ ale jɔk wa nyuvunni. Nuru waai a dan jɔk wa nyuvuri mi nyiŋ, wa le ŋman nya di.

⁴⁰ <

⁴¹ Nuru waai ale a te Wen biisiteerɔwa tia, dii nyiŋla wa le tom a te Wen la, dai yeŋ po wa le nya ku tutuna. Nuru waai mɛ ale a te wayɔrisima nyɔnɔ tia ayen wa le ka wayɔrisima nyɔnɔ la nyiŋ, dai yeŋ po wa le nya wayɔrisima nyɔnɔ tutuna.

⁴² Ni wom mi nalimnyiini. Nuru waai a dan pai nyayɔgsik a te mi ŋaaŋviirɔma po wanyi, dai yeŋ po wa le tuesi ku tutuna.>>