Matiu 1 - WEN GBAŊKA

¹ Yeezu Kirisita kokpieŋsaŋa ale nna. Wa kokpieŋsaŋa meena po, ka Naawa Deevid jam le wa ko kpieŋ kpak. Abrayam jam le Deevid ko kpieŋ kpak.

² Abrayam jam biak ka Aizik ate Aizik biak Jekob ate Jekob biak Juda ale wa suataŋa.

³ Juda biak Perezi ale Zera, Tamara a jam ale ba mawa. Perezi jam biak ka Ayeziron ate Ayeziron a biak Aram.

⁴ Aram jam biak ka Amminadab ate Amminadab a biak Naason ate Naason a biak Salimon.

⁵ Salimon jam biak ka Boazi, Arayab a jam ale wa mawa. Boazi jam biak ka Obed, Arut a jam ale wa mawa. Obed a biak Jese.

⁶ Jese jam biak ka Naawa Deevid. Deevid jam biak ka Solomon, wa mawa a jam ka Yuraya pok.

⁷ Solomon jam biak ka Areyoboam ate Areyoboam a biak Abaija ate Abaija a biak Asa.

⁸ Asa jam biak ka Jeyosafat ate Jeyosafat biak Jeyoram ate Jeyoram a biak Yuzaya.

⁹ Yuzaya jam biak ka Jotam ate Jotam a biak Ayazi ate Ayazi a biak Azekaya.

¹⁰ Azekaya jam biak ka Manasa ate Manasa a biak Amon ate Amon a biak Josia.

¹¹ Josia jam biak ka Jekonaya ale wa suataŋa. Dila po ate ba jam yik nuruma a ta cheŋ Babilon.

¹² Ba le cheŋ Babilon la ŋaaŋnyiŋ ate Jekonaya jam biak Sealtiel ate Sealtiel a biak Zerubabel.

¹³ Zerubabel jam biak ka Abiud ate Abiud a biak Eliakim ate Eliakim a biak Azor.

¹⁴ Azor jam biak ka Zadok ate Zadok a biak Akimu ate Akimu a biak Elayud.

¹⁵ Elayud jam biak ka Eleaza ate Eleaza a biak Mattan ate Mattan a biak Jekob.

¹⁶ Jekob jam biak ka Josefi, Mɛɛri chorɔwa. Mɛɛri jam ka Yeezu waai ate ba a wi ayen Kirisita la ma.

¹⁷ A nyini Abrayam daaŋa po a ga paari Deevid daaŋa po, kokpieŋsaŋa a jam ka pi ale banaansi. A nyini Deevid daaŋa po a ga paari diipo ate ba yik ba a ta cheŋ Babilon tɛŋka la, kokpieŋsaŋa a jam ka pi ale banaansi. A ŋman nyini diipo ate ba yik ba a ta cheŋ Babilon tɛŋka la a ga paari Kirisitawa, kokpieŋsaŋa a jam ka pi ale banaansi.

¹⁸ Ba le jam biak Yeezu Kirisita diila ale nna. Yeezu mawa yuei jam ale Mɛɛri. Mɛɛri jam siak kama ayen wa yali nidoa wanyi ate ba jam a wi ayen Josefi. Alege diipo ate ba an diem jam yali chaab la, Wen Chiika jam nye kama ate Mɛɛri a deri ta puuk.

¹⁹ Josefi a jam ka nuru maŋ a kasim jam a yaali ayen wa a tom wie ŋaai ale ka wamaŋsa la. Wa an jam a yaali ayen wa pai Mɛɛri a nyo chivie po nuruma nimbie. Dila nyiŋla wa yaa jam a yaali ayen wa suk a zɛri wa.

²⁰ Ase Josefi ale diem jam a poli wieŋa de la, wa yaa nya Naawen Maarɔwa gɔdaasima po. Maarɔwa yaa weeni wa ayen, <

²¹ Wa le biak ka nidoabili. Ate fi te wa yuei ayen Yeezu dii nyiŋla, ka wala le wa vari wa nuruma ba wabaataŋa po a basi.>>

²² Nya kude meena jam nye kama ayen ku sak ayen dii ate Naawen biisiteerɔma po wanyiwa a jam ŋmarisi Wen gbaŋka po dipo la a chim wensie.

²³ Wa jam ŋmarisi ayen, < Yuenni de kiri ale >>

²⁴ Josefi ale yiti goom po la, wa yaa deri nye dii ate Naawen maarɔwa poom weeni wa la, ale ge yaa ta Mɛɛri a kuli wa yenni.

²⁵ Wa le jam ta Mɛɛri a kuli la, wa an jam goa ale wa nyaya, ale ge ate wa taam ga biak wa nidoabinni. Wa le jam biak la, Josefi yaa te biika yuei ayen Yeezu.