Maika 6 - WEN GBAŊKA

¹ Wom Naawen ale a weeni diila. <

² Guutaŋa, ni wom, Naawen ale ta dii a weeni ayen ni nye kaasi la. Ni wom, nama tɛŋ nyuba ŋaai ale boro taam wuu la. Diila Naawen a ta ka wari ale wa nuruma. Wa pai ka wari a ta chaab ale Izirali.

³ <

⁴ M ta ni nyini Ejipiti ale ŋman da tuesi ni a nyini yɔntidi tɛŋ po. Mi jam tom Moosis ate wa dɛ ni niŋ, a ŋman tom Aaron ale Miriam.

⁵ M nuruba, ni teeri Moab naawa Belak ale jam zɔk dii ayen wa nye la, ate Biio nidoabinni Balaam a jam tulisi diila. Ni teeri ni suiku chelimu a nyini Sittim a ga paari Gilgal ate ni baga a miŋ Naawen wayɔrisima tuimaŋa ale ka dii la.>>

⁶ Ka boa ate m le ta jam Naawen niŋ abe m koori wenŋmazukku Wenni niŋŋa? M jam wa niŋ ale ben yeŋ naabisa juka tiirita?

⁷ Naawen sui ale peenti ale padaasa tusa ale kpaam bela tusa pi (10,000)? M pai m bikpagni a nye kaabka m wabaataŋa nyiŋŋa, m le liŋ biak waai la m chiika biem nyiŋŋa?

⁸ Nuru, wa sak fu ka dii ale nala la. Be ka boa ate Naawen a yaali a nyini fi jigi yaa? Fi nye a magsi abe fi a yaali jiirim abe fi yik fidek a cheŋ ale fi Wenni.

⁹ Ni wom! Naawen a wi ka tɛŋ nummu, ate fi daa chali wa yuenni yɔgsum ka yam. <

¹⁰ Gaasa yeri yaa, mi diem za m baŋ ni varuk ŋantaŋa ale ni ŋanmagsin gelaŋa ale ka kisuk la kama?

¹¹ M siak a te nuru waai ale ta venta ŋanmagsinta ale venta boorik kaai dobrim ale kan daa wensie la ayen ku magsi yaa?

¹² Wa nuru baai ale jigsi la ka wɔkwɔk nuruba. Wa nuruma ka velimvendisa ale a paasi nuruba.

¹³ Dila nyiŋ m piilim kama ayen m kaasi fu, fi wabaataŋa nyiŋ.

¹⁴ Fi ale dɛ alege fi kan chagi. Fi puuka ale chim ka pu koruk. Fi ale dueni ŋanta alege jaab a kan boro a te fu, dii nyiŋla fi ale a dueni ŋan baai la m le pai ŋa a te kpaliŋ po.

¹⁵ Fi ale bori alege fi kan nya che. Fi ale ŋmiak kpaam alege fi kan pai bu a tom tuini. Fi ale ŋmiak yɔna alege fi kan nyu ŋa daamoa.

¹⁶ Fi va ka Omri ŋmarisika ale Ayab yenni ale a nye dii meena la ale va ba ŋiak wieŋa. Dila nyiŋ m le kaasi ni, ate fi nuruma ale chim nuru valiŋsa. Tɛŋ kpieŋsa meena ale nye ni a la.>>