Maika 5 - WEN GBAŊKA

¹ Tigsi fi tugurik tɔŋdɔma, tugurik tɔŋdɔba tɛŋ nummoa, diila ba gilim kama a ta chaab ale ti. Ba le fɔbi Izirali niŋdeerɔwa tapiak ale doari.

² <>

³ Dila nyiŋ ba za ba zɛri Izirali kama ate ku ga paari diipo ate nipok waai ale a dom la a ga biak, ate wa soa tii ale tali la a pilim ŋmani a ga gum Izirali demma po.

⁴ Wa ale zaani a kasi wa piisaŋa Naawen pagrimu nyiŋ ale Naawen wa Wenni zula yuenni nyiŋ. Ate ba ale bo sukka dek jigi, ate wa zuaka ale paari tɛŋka kpeglimka.

⁵ Ate wala ale chim ba suiyɔgni. Ase Assiria demma nin wɛ jɔ ti tɛŋka po a gɔk santiri a gilim ti yie pagrisaŋa, ti ale siti ka naapeerisa bayopɔi dan poom ka nidoaba naaniŋ a basi ba zuk.

⁶ Ba ale pai gebika a nya Assiria tɛŋka zuk, abe ba dari gebik a yeeri fook po a nya Nimrod tɛŋka zuk. Wa ale vari ti a nyini Assiria demma nisa po a basi ase ba nin wɛ jo ti tɛŋka po a gɔk santiri va ti tɛŋ banaŋa po.

⁷ Jekob nuru baai ale tali la ale bo nuru boari po ase maglim ale nyini Naawen jigi diila, abe ba ŋman nye ase ŋmoruk ale ni a basi wuuk zuk diila, ale kan limisi nuru yaase nurubiik zuk nyaka la.

⁸ Jekob nuru baai ale a tali la ale bo ka tɛŋsaŋa po, nuru boari suŋsuŋ po ase gbeŋli ale bo gɔi po ale duŋsa diila, abe ba ŋman nye ase gbeŋ paali ale bo ale piisa a na ale dari a ŋasi nna bunabuna ate waai karo ale vari ŋa a basi la.

⁹ Fi ale zagri fi nisaŋa ŋmai nakdeka po fi dachaasaŋa zuk, ate fi dachaasaŋa meena ale kaasi.

¹⁰ Naawen ale a weeni ayen, <

¹¹ M le kaasi ni tɛŋka tɛŋ ninaŋa abe m dari ni pagrimu ale bo juijui la meena a lɔnsi tɛŋ.

¹² M le kaasi ni sakpaŋni ate ni kan ŋman baga a tom sampoporinni.

¹³ M le kaasi ni bɔgtaŋa ale ni tuilum tanaŋa ni suŋsuŋ. Ni kan ŋman koori tɛŋ a te ni nisa tuima.

¹⁴ M le voori Asera zaŋŋa ni suŋsuŋ abe m kaasi ni tɛŋ kpieŋsaŋa.

¹⁵ Suipuurum po ate m le nye tuni tɛŋ kpieŋ sii meena ale kan wom mi la.>>