Maika 3 - WEN GBAŊKA

¹ Ate mi yaa weeni ayen, <

² nama baai ale kisa nalim ale a yaali biem la. Nama baai ale a puli nyiŋ gbaŋ a nyini m nuruma jigi ale ba nyiŋ lammu a nyini ba kobaŋa po la.

³ Nama baai ale a ŋɔbi m nuruma nyiŋlanta ale a puli ba nyiŋ gbaŋsaŋa ale a che ba kobaŋa nna bunabuna a magsi dikka, ase lam ate ba dik la?>>

⁴ Ate ba yaa le kaari a te Naawen, alege wa a kan wom ba. Dila po wa ale suk wa nimbidiaka a nyini ba jigi, dii nyiŋla biemu ate ba nye la nyiŋ.

⁵ Nya kude ate Naawen a weeni ayen, <

⁶ Dila nyiŋ yok ale jam fi zuk, ate fi kan nya, ate legi ale nye ate fi kan baga a porisi. Wenbinni ale siŋ biisiteerɔma zuk, ate danni ale chim legi a te ba.

⁷ Chivie ale yik biisiteerɔma ate kanpiinta ale dɛ sampoporisaŋa. Ba meena ale lik ba nimbidaasaŋa dii nyiŋla tulisika a kan nyini Wen jigi ya.>>

⁸ Alege dan ka mi, mi sueri ale ka pagrim ale Naawen Chiika ale nyemagsika ale zuaka ayen m weeni Jekob nye kaasuŋku ale Izirali wa biemu.

⁹ Wom de, Jekob yenni niŋdeerɔma ale Izirali yenni kpaŋŋa baai ale a zɛri nyemagsika ale yik dii meena ale magsi a tagri la.

¹⁰ Baai ale a ko nuruba a sɛ Zayon ale ziim ale a sɛ Jerusalem ale gaasa la.

¹¹ Wa niŋdeerɔma a tuesi ŋanta nuruba jigi alege a bo buusa, ate wa kaabteerɔma a tuesi ŋanta alege a sak, ate wa biisiteerɔma a tuesi ligra alege a porisi. Alege ba a sali ka Naawen ale a weeni ayen, <>

¹² Dila nyiŋ nama nyiŋ, ba ale kpa Zayon ase ka laŋ la. Jerusalem ale nye ase ka guura la, Naawen yenni a chim guuk ate tiisa a chim lik.