Maak 5 - WEN GBAŊKA

¹ Yeezu ale wa ŋaaŋviirɔma yaa taam Galili nyakpiemu kauk kunkula ŋaaŋnyiŋ a ga paari Gerasa tɛŋka.

² Yeezu ale nyini ŋaaruŋku po a nyini la, nuru ate chichirik biok a bo wa po la a nyini nuruba guka jigi a deri tu wa.

³ Nuruwa de jam bo ka nuruba guka jigi ate waai jam karo baga a bobi wa. Ba jam pai ka chɔrima a bobi wa, alege wa baga a gebi ŋa.

⁴ Ba ŋman pai chɔrimaŋa ale kuta a bobi wa naŋsa ale wa nisima a ga jiak, alege wa ŋman gebi ŋa mɛ meena. Waai a jam karo a ta pagrim a baga a yik wa.

⁵ Wa jam bo ka ba ale a gu nuruba juijui la ale guuta zuima a nyiem a cheŋ ale a kaari kama ale pai tintain laasa a gebi wa nyiŋka.

⁶ Ase wa ale jam zaani niŋniŋ a nya Yeezu la, wa yaa chali cheŋ wa jigi a ga puusi wa.

⁷ Ale kaari nna yegayega a weeni ayen, <>

⁸ Dii nyiŋ la wa jam weeni wa kama ayen, <>

⁹ Yeezu yaa bek wa ayen, <> Ku yaa tulisi wa ayen, <>

¹⁰ Nuruwa yaa saalim Yeezu nna yegayega ayen wa kan yiak chichirik baataŋa dula jigini a basi.

¹¹ Die ale jam piisi nna yegayega a za guuk kunyi zuk dula jigini a dɛ.

¹² Chichirik baataŋa yaa saalim Yeezu ayen wa basi ate ti ga jo dieŋa de po.

¹³ Yeezu yaa te ti suik. Ti yaa basi nuruwa ale nyini ga jo dieŋa po ate ŋa meena yaa chali nna nwuli a siŋ ga lo nyakpiemu po a kpi. Ŋa jam paari ka tusa ŋaye (2,000).

¹⁴ Nuru baai ale jam a nya dieŋa zuk la, yaa chali kuli ba yeeŋa a ga weeni ba yeeŋa demma ale baai meena ate ba a tu ba suiku niŋ la, dii ale nye la. Tɛŋka demma yaa nyini a cheŋ Yeezu jigi ayen ba nya dii ate baai ale a nya deeŋa la a weeni ba la.

¹⁵ Ba yaa jam nya nuru waai ate chichirik biok boanni a jam bo wa po la ale wa jo gatta a kala ale Yeezu. Wa an ŋman a yesimu. Yɔgsum yaa deri yik ba.

¹⁶ Nuru baai ale jam nya dii ale nye nuru wa jigi ale chichirik baataŋa ale dieŋa la, yaa weeni a sak nuruba meena ale jam bo dula jigini la.

¹⁷ Tɛŋka demma ale wom dii ate ba weeni la, ba yaa jam a saalim Yeezu ayen wa nyini ba tɛŋka po nyini.

¹⁸ Yeezu yaa ale cheŋ ayen wa jo ŋaaruŋku po la, nuru waai ale jam ta chichirik baataŋa la a jam saalim wa ayen wa basi ate wa maa va wa a cheŋ.

¹⁹ Yeezu an jam siak ya, alege weeni wa ayen, <>

²⁰ Nuruwa yaa cheŋ ga weeni nuru baai ale jam bo Dekapolis po la dii ate Yeezu a nye te wa la. Ku yaa cha baai meena ale jam wom la.

²¹ Yeezu yaa ga jo ŋaaruŋku po a gaam taam nyakpiemu kauk kunkula. Wa ale cheŋ a ga paari dula jigini la, nuru boari yegayega a yaa tigsi a gilim wa nyakpiemu nɔi.

²² Juuma tuka dɔkku kpaŋŋa po wanyi ale jam maa bo nuru boanni po. Wa yuei a jam ale Jairus. Wa yaa le ga nya Yeezu la, wa yaa jam wa niŋ

²³ a saalim wa nalimnyiini ayen, <>

²⁴ Yeezu yaa va Jairus a cheŋ ate nuruba yegayega maa va wa a gilim wa.

²⁵ Nipok ale jam boro a lo chiak a paari bena pi ale ŋaye.

²⁶ Tiita nyam yegayega a jam tebi wa a kpeeri. Wa jam kaasi wa ligra meena, alege tuemu an jam basi wa ale diem a daani wa mɛ nna yegayega a gum du.

²⁷ Wa jam wom ka Yeezu wie yaa zaani wa ŋaaŋ nuru boanni suŋsuŋ a tiri wa garukku.

²⁸ Wa jam poli kama ayen, <>

²⁹ Wa tuemu yaa deri basi wa, ate wa yaa miŋ ayen wa nya nyiŋyɔgsa kama dula jigini.

³⁰ Yeezu yaa deri miŋ ayen ku nye wa jigi kama ase nuru ale tiri wa a nya nyiŋyɔgsa la. Wa yaa cheemu ayen wa nya ase ka wana a yaa bek ayen, <>

³¹ Wa ŋaaŋviirɔma yaa weeni ayen, <>

³² Yeezu yaa diem gisi nya gilim ayen wa nya waai ale tiri wa la.

³³ Nipowa kpaziim yaa nak ate wa nyiŋka a gɔk. Wa jam seba ayen Yeezu a tebi wa kama ate wa yaa kpi duna tɛŋ wa niŋ a weeni wa ale wensie meena tuemu wie.

³⁴ Yeezu yaa weeni wa ayen, <>

³⁵ Yeezu ale diem bo dula a biisi la, nuruba gela yaa nyini Jairus yenni a jam wa jigi a weeni wa ayen, <>

³⁶ Yeezu ale wom dii ate ba weeni wa la, wa yaa weeni Jairus ayen, <>

³⁷ Yeezu an jam a yaali ayen nuru waai a va ba a cheŋ, alege ka Piita ale Jeemsi ale wa suoku Jɔɔn nyiini.

³⁸ Ba ale ga paari nya ale ku nye ŋaglam Jairus yenni po ate nuruma a kum ale a kaari nna yegayega la,

³⁹ Yeezu yaa cheŋ ga jo yenni po a bek ba ayen, <>

⁴⁰ Ba yaa deri a la wa wa nina po. Wa yaa yiak ate ba meena a nyini peelim, alege yik biika kowa ale wa mawa ale wa ŋaaŋviirɔma batawa yaa ta ba jo biika goom dɔkku po.

⁴¹ Yeezu yaa yik biika nisa a weeni wa ayen, <> Ba a weeni ale badek tɛŋka biika ayen ka Talita kumi.

⁴² Nipokbinni yaa deri yiti zaani ŋmai a cheŋ. Biika jam ta ka bena pi ale ŋaye. Ku yaa cha baai meena ale jam bo dula jigini la nna yegayega.

⁴³ Yeezu yaa weeni ba ayen ba nye ŋandiinta a te wa ate wa dɛ, alege kaam ba mɛ ayen, <>